No Día Internacional da Lingua Materna, visitamos ó Pergamiño Vindel

Preme na imaxe para acceder

Hoxe unha delegación do IES Fernando Esquío desprazouse a Vigo para visitar o Pergamiño Vindel.
De Fernán Esquío cara Martín Codax, de trovador a trovador, como non podía ser doutra maneira.
Xa vos informaremos con fotos e o vídeo que rodamos in situ cómo nos foi nesta aventura no Día Internacional da Lingua Materna.
O Día Internacional da Lingua Materna foi proclamado pola Conferencia Xeral da UNESCO en novembro de 1999 e celébrase anualmente cada 21 de febreiro, desde o ano 2000 cos obxectivos de promover o plurilingüismo e a diversidade cultural. A Xunta de Galicia e a Rede de Dinamización Lingüística veñen sumándose nos últimos anos a esta celebración, contextualizándoa e orientándoa á promoción e transmisión da lingua galega.