O 12 de decembro de 2012, polos seus aniversarios, a moza Ana recibe como regalo un antigo anel familiar cun rubí. Pensa nas persoas que viviron na Terra antes que ela, e sabe que moito do que soña ou imaxina chégalle desde outra realidade, talvez desde outra época. Un día soña que está coa súa propia bisnieta Nova, que vive no ano 2082, cando a Terra perdeu xa gran parte da súa riqueza: o mar subiu de nivel, destruíronse grandes ecosistemas e desapareceron miles de especies de plantas e animais. Alarmada, Ana, despois de ter este soño visionario, tentará xunto co seu amigo Jonás advertir do perigo para previr a catástrofe, buscando solucións á enorme emisión de gas CO2, o desproporcionado abuso que facemos do petróleo, a deforestación, etc. Ana conta con moi pouco tempo. Pero quizá ese anel de aniversarios teña máis importancia do que parece...
«Por fin chegou! Un bo libro literario sobre o desafío ambiental. É un libro pensado para lectores novos pero que, como ocorre con todos os libros infantís do autor, tamén é moi apto para adultos curiosos e libres de prexuízos. É un prognóstico temible o que nos presenta este libro, pero como en todos os libros de Gaarder tamén hai optimismo, alegría e un pouco de misterio. Porque todo o que ocorre en 2082 non é máis que un mal soño. Ou non o é?» Ellen Hambro, Dirección Xeral do Clima e a Contaminación
Ningún comentario:
Publicar un comentario
Agradecemos as vosas aportacións sempre que sexan respetuosas. Os amantes da cultura, da información e da lectura non poden ser doutro xeito.
Grazas