Hoxe non lemos...

mdaff en Freepik

...hoxe choramos polo noso compañeiro, alumno e amigo. Non temos palabras para describir tanta dor.

Guía LIX según os Obxectivos de Desenvolvemento Sustentable

A Asociación Galega do Libro Infantil e Xuvenil (GALIX), sección da OEPLI (Organización Española del Libro Infantil) e representación do ámbito lingüístico galego no IBBY, publicou, co patrocinio da Xunta de Galicia, a Guía ODS (Obxectivos de Desenvolvemento Sustentable) na que recolle todo tipo de materiais que tratan cada un dos dezasete obxectivos no camiño da Axenda 2030.

Trátase duns materiais imprescindibles para todo tipo de persoas mediadoras do libro e a rapazada , que convén ter en conta nas bibliotecas escolares e públicas, nos centros de ensino e no ámbito da educación social.

Os materiais están organizados por cada un dos obxectivos: 

1.Fin da pobreza, 2. Fame cero, 3. Saúde e benestar, 4. Educación de calidade, 5. Igualdade de xénero, 6. Auga limpa a saneamento, 7. Enerxía accesible e non contaminante, 8. Traballo decente e crecemento económico, 9. Industria, innovación e infraestrutura, 10. Redución das desigualdades, 11. Cidades e comunidades sustentables, 12. Produción e consumo responsable, 13. Acción polo clima, 14. Vida submarina, 15. Vida de ecosistemas terrestres, 16. Paz, xustiza e institucións sólidas e 17. Alianzas para acadar os obxectivos.

preme na imaxe para acceder

98 anos de David Attenborough

No día do seu 98 cumpreanos, conmemoramos a figura de David Attenborough, un dos divulgadores naturalistas máis coñecidos e auténtico pioneiro en documentais sobre a natureza.

Se queredes coñecer curiosidades sobre o noso planeta, non dubidedes en coller algún dos documentais dos que dispoñemos na biblioteca.

Polas Letras Galegas 2024: Luisa Villalta

Firme defensora da lingua como piar da nosa identidade e comprometida con todos os colectivos que loitan e traballan pola dignidade do pobo galego, foi unha autora que renovou as nosas letras ao explorar a relación entre a música e a literatura e facernos “pensar o mundo”.

Selección de poemas desde o IES Isaac Díaz Pardo onde Luisa Villalta foi profesora. 

Na semana das Letras Galegas recibiredes un marcapáxinas conmemorativo.

Día da Ciencia na Rúa

O próximo sábado 4 de maio, o Parque de Santa Margarida da Coruña acollerá unha nova edición do Día da Ciencia na Rúa, na que 54 centros educativos de diversas localidades galegas amosarán actividades de bioloxía, tecnoloxía, matemáticas e física para todos os públicos. Xunto eles, persoal de entidades da investigación e divulgación presentarán unha ampla programación para toda a cidadanía e haberá actividades paralelas na contorna do edificio da Casa das Ciencias. Nos Museos Científicos Coruñeses haberá tamén xornada de portas abertas.

Tedes toda a información do evento neste enlace.

Novidade: ¡Basta! Guía de autodefensa feminista para adolescentes (y más...)

preme na imaxe

Ser mujer en esta sociedad implica enfrentarse regularmente a comportamientos machistas. ¿Cómo identificar y afrontar esas conductas? En este cómic las adolescentes (y más…) encontrarán un conjunto de técnicas para sentirse más preparadas, libres y seguras: posturas corporales, defensa verbal, el giro de ciento ochenta grados, la intervención paradójica, la defensa física… En definitiva, diferentes herramientas para ayudarles a sentirse más libres y seguras, tanto en los espacios públicos como en la esfera privada.

2024 Boletín de abril chegando a maio: Mes do Libro e a Lectura

Para ver os enlaces mellor no pdf.

No mes do Libro e a Lectura: Luisa Villalta

 

"Silencio me chaman porque neste tempo en que vivo non se me escoita”. 

Así comeza As chaves do tempo, o texto de Luísa Villalta publicado en 2001 por Promocións Culturais Galegas. A narración arranca “nos tempos en que había reis na Galiza” e chega ao presente desenvolvendo unha trama en que o amor, a lealdade, o medo, a ambición, a submisión, a traizón, a censura, as falsas noticias e, tamén, as arelas de concordia e de xustiza son elementos que marcan os protagonistas da historia a nivel particular mais que se proxectan tamén a nivel social e político desde aquel tempo pasado a este en que habitamos. 

As chaves de que nos fala Luísa Villalta, feitas polo propio Merlín, só serven para abrir, nunca para fechar. Son chaves coas que poderemos abrir máis futuro para a lingua ou para un aproveitamento racional dos nosos recursos; para o desenvolvemento industrial e para a produción ecolóxica; para a diversidade sexual ou o empoderamento das mulleres.

Se queredes saber o que temos na nosa biblioteca da autora homenaxeada nas Letras Galegas 2024, premede na portada.

No mes do Libro e a Lectura: A volta ao mundo en 80 instrumentos musicais

 

preme na imaxe

Neste libro atoparás instrumentos de todos os recunchos do mundo, desde os máis sinxelos e antigos ata os máis modernos e delirantes. Descobre as distintas familias de instrumentos musicais, aprende en que circunstancias úsanse e inspírache para crear instrumentos novos. Atrévesche? Música, mestre!

No Mes do Libro e a Lectura: Sabelotod@s

 

Premede na imaxe para velos todos

Grazas á xenerosidade da biblioteca do CIFP Ferrolterra dispoñemos de máis fondos biográficos de personaxes moi relevantes do mundo da cultura e a ciencia. Botádelle unha ollada e atoparedes moitas curiosidades nas súas vidas.

No Mes do Libro e a Lectura: Exlibris

Hoxe en día non se empregan os Exlibris nos libros, se queredes ver algúns curiosos só tedes que ir a unha biblioteca histórica e velos nos fondos antigos

via GIPHY

Libros curiosos para o mes do Libro e a Lectura: A mitoloxía en cómic

preme na imaxe para velo

Desde o nacemento do mundo ata a fundación de Roma, pasando polos mitos máis emblemáticos, como os Doce Traballos de Heracles, Jasón e o Vellocino de Ouro, a Guerra de Troia... e protagonizadas por deusas, deuses e os heroes máis fascinantes como Zeus, Atenea , Afrodita, Poseidón, Prometeo, Ulises, Pandora, Medea, Edipo... Todas as historias fundacionais están contadas de maneira accesible para un primeiro descubrimento da mitoloxía clásica. Cada un dos 25 episodios desenvólvese en páxinas dobres, dunha a tres, e, na parte inferior de cada unha aparece información sobre as artes, a civilización, o vocabulario, a astronomía, a xeografía... para completar os mitos. Con este libro, ser un apaixonado da mitoloxía é un xogo de nenos!

XIX Xornadas Literarias do Concello de Neda: Trazos de Xapón

 

Ademais fora da Xornadas teremos un 

Obradoiro Manga no centro!!!!

No Día do Libro...Miguel EN Cervantes: El retablo de las maravillas

O Día Mundial do Libro e do Dereito de Autor celébrase cada 23 de abril. A razón é que foi o 23 de abril de 1616 cando faleceron Cervantes, Shakespeare e Inca Garcilaso de la Vega. Tamén un 23 de abril naceron –ou morreron– outros escritores eminentes como Vladimir Nabokov, Josep Pla ou Manuel Mejía Vallejo. Por este motivo, esta data tan simbólica para a literatura universal foi a escollida pola Conferencia Xeral da UNESCO, en 1995, como unha forma de fomentar a lectura, recoñecer a figura do autor e procurar o fortalecemento da industria editorial de cada país.

Miguel EN Cervantes: El retablo de las maravillas achega o personaxe de Miguel de Cervantes aos lectores. Nos queremos festexar a súa figura empregando a exposición levada a cabo no Instituto Cervantes cando se conmemoraron o IV centenario da publicación da segunda parte do Quixote, en 2015, e da morte do escritor, en 2016. E faio a través dunha linguaxe que atravesou todos os tempos: o da imaxe. Dous dos máis destacados debuxantes e historietistas españois, David Rubín e Miguelanxo Prado, son os encargados de xerar, a través de dúas linguaxes gráficas e narrativos diferentes, un potente diálogo entre o cómic e a ilustración, entre El retablo de las maravillas e as escenas máis apaixonantes da vida de Cervantes.

Libros curiosos para o mes do Libro e a Lectura no Día da Terra: Historias fascinantes da ciencia en Galicia

 Sabías que un galego inventou a máquina multiplicadora? 

E que nos montes de Lugo habitaron mamuts? 

E que outro galego, de Cotobade, deseñou en 1865 un trebello que adiantaba o fenómeno da voz sintética e as "máquinas que falan"? 

A historia da ciencia, dos inventos, do estudo da natureza e da realidade está chea de pequenos fitos - curiosos uns, abraianates outros, fantásticos (ou sexa magníficos) sempre - que alumean o camiño cara ao descoñecido. Neste libro atoparás 40 historias galegas sobre o que Aristóteles chamaba "o desexo humano de saber".

Ademáis hoxe é o Día da Terra polo que vos invitamos a visitar a nosa selección de Biblioteca Verde:

Ata google achega o Día da Terra

Día do Libro 2024: Miguel EN Cervantes

Hoxe é un día especial polo que vos achegamos a figura do autor máis relevante tanto da nosa literatura como da universal.

Vos propoñemos unha viaxe apaixoante sobre a figura de Miguel de Cervantes na presentación e probedes canto sabedes da súa vida e obra:

• Acción Cultural Española
• Barcelona Review
• Culturizando
• Educaplay
• Playbuzz
• Don Quijote Educa.cyl
• Quizziz
• Caja del tesoro de Averroes

El Quijote Interactivo de la Biblioteca Nacional

A nosa exposición grazas a Miguelanxo Prado, e xa sabedes que hai marcapáxinas e chapas:

preme na imaxe para ver a galería

Libros curiosos para o mes do Libro e a Lectura: Atrévete a preguntar

preme na imaxe para velo

Inspirar ás persoas máis novas a pensar de forma máis crítica, a ser máis curiosas. Os pensadores críticos xogaron un papel moi importante na humanidade, combatendo a ignorancia, a superstición, os prexuízos, os mitos, os dogmas e a inxustiza. 

A manipulación, a desinformación e a vixilancia son máis comúns e estendidas hoxe en día grazas a internet, as redes sociais e a intelixencia artificial. Afortunadamente, hai motivos para o optimismo, porque o pensamento crítico é unha habilidade que se pode ensinar e adestrar.

Non te deixes influir, a liberdade depende de tí!

Libros curiosos para o mes do Libro e a Lectura: Robots e IA

preme na imaxe para velo

No libro trátanse non só as investigacións científicas detrás destes inventos, tan presentes na nosa sociedade, senón as implicacións filosóficas, éticas e persoais do uso desta tecnoloxía. Aborda a ciencia e a tecnoloxía desde unha óptica creativa para que a aprendizaxe sexa o máis accesible e divertido posible. Presenta historias e anécdotas curiosas, infografías con información relevante e actividades interactivas para que os nenos experimenten en casa. É un libro moi pertinente actualmente, co aumento da presenza de robots e intelixencia artificial en contornas domésticas e públicos, ao alcance dos nenos. Para que eles poidan formarse unha opinión crítica, discutir temas de actualidade e interese público como este, é importante que entendan ben as implicacións detrás deste tipo de tecnoloxía.

Libros curiosos para o mes do Libro e a Lectura: Calamares a la romana

preme na imaxe

 Que herdamos dos romanos? Por suposto, a lingua, o dereito, a rede viaria, os sistemas de condución de auga etc., pero tamén compartimos con eles moitos costumes arraigados na alimentación, o lecer, o deporte, a moral, o urbanismo, a educación, a moda, os rituais e as festas. Un libro de curiosidades tratadas con humor, onde descubriremos que somos romanos, aínda que non nos deamos conta.

Libros curiosos para o mes do Libro e a Lectura: 11 cosas que podrías hacer en lugar de mirar el móvil

 Pasamos preto de 4 horas e media ao día mirando o móbil. Sabes que outras cousas poderías facer con ese tempo?: 

- Organizar o teu propio Festival de Eurovisión en casa. 

- Montar o teu propio herbario. 

- Practicar o urban sketching. 

- Apuntarche ao self-care e crear os teus propios potingues de beleza. 

- Aprender lingua de signos. 

- Descubrir os trucos de supervivencia indispensables para sobrevivir á apocalipse.

Estas son só algunhas das 111 ideas que atoparás neste libro. Propostas que che axudarán a cultivar a creatividade, a gozar máis e mellor do teu tempo libre e, por encima de todo, a lembrar o marabilloso que era o mundo cando non tiñas que cargar a batería para seguir gozando del.

Non o deixes escapar, divértete e comparte o que aprendas!

Porque gústanos a arte!

 

Día Mundial da Arte

Desde o ano 2012, o 15 de abril conmemórase o Día Mundial da Arte, unha celebración que busca dar a coñecer a importancia que ten a arte e, sobre todo, o pensamento creativo na evolución do pensamento humano. Estableceuse esta data porque o 15 de abril é o aniversario do nacemento de Leonardo da Vinci, un dos maiores artistas da humanidade.

Se queres aprender sobre arte, consulta o noso catálogo e 

bótalle unha ollada ás nosas recomendacións!

Libros curiosos para o mes do Libro e a Lectura: Romeo y/o Julieta : Una tragi/comedia interactiva

¿Y si Romeo nunca conociera a Julieta? 

¿Y si Julieta se dedicase a mazarse en lugar de a ir llorando por los rincones? 

¿Y si los dos se aliasen para conquistar Verona con trajes robot? 

Esta versión interactiva de Romeo y Julieta (llena de divertidos acertijos, secretos y mogollón de tramas distintas) te deja escoger la dirección del argumento cada vez que la lees. Puedes contar la historia como Romeo, como Julieta o como ambos. ¡Hasta puedes desbloquear narradores adicionales! Así es: nos las hemos apañado para incluir personajes desbloqueables a un libro. Por supuesto, también puedes escoger seguir el argumento tradicional de la obra... pero eso sería muy poco creativo por tu parte, ¿no crees?

Para disfrutar este fin de semana, o no?

Visita de autores no mes do Libro e a Lectura: María Canosa

Galería de fotos

Xeolodía 2024

Xeolodía é unha iniciativa de divulgación na que se realizan excursións xeolóxicas de campo guiadas por xeólogos e xeólogas, gratuítas e abertas a todos os públicos.

O Xeolodía deste ano, na provincia da Coruña terá lugar en Monfero o sábado 11 de maio, da man do doutor en xeoloxía Francisco Canosa. A inscrición estará aberta do 27 de abril ao 4 de maio. Non perdas a túa praza!

Toda a información aquí.

Libros curiosos para o mes do Libro e a Lectura: El increíble viaje de Alexander von Humboldt al corazón de la naturaleza

preme na imaxe para acceder ao catálogo

 Alexander Humboldt foi un intrépido explorador e o científico máis famoso da súa época. A súa axitada vida estivo repleta de aventuras e descubrimentos: escalou os volcáns máis altos do mundo, remou polo Orinoco e percorreu unha Siberia inzada de ántrax. Capaz de percibir a natureza como unha forza global interconectada, Humboldt descubriu similitudes entre distintas zonas climáticas de todo o mundo, e previu o perigo dun cambio climático provocado polo home. Neste precioso libro ilustrado recóllese a historia da súa viaxe ao corazón da natureza.

Olimpiada Cultural VI ed.

Hoxe comezamos a VI edición da nosa Olimpiada Cultural, esperamos que todos os participantes, 41 parellas, disfruten das preguntas e probas que terán que realizar. 

Desde a pandemia realizamos esta actividade na Aula Virtual do centro, así hai constancia das entregas en forma e data das solucións, e logo as colgamos no site específico para que todos vexades as probas ás que tiveron que responder os grupos. Podedes consultala premendo no icono da Olimpiada ou lendo o QR.

Esperamos que o concurso se desarrolle con limpeza e deportividade como os anos precedentes.

Boa sorte e adiante!

Libros curiosos para o mes do Libro e a Lectura: La carrera del siglo

preme na imaxe para velo no catálogo

30 de agosto de 1904, terceiros Xogos Olímpicos da nosa era. Nas bulliciosas rúas de San Luís (Misuri, Estados Unidos), celébrase o maratón máis desastrosa da historia do deporte. 
Cunha terrible marca de 3 horas, 28 minutos e 53 segundos, tan só 14 dos 32 corredores conseguen acabar o maratón máis lenta, tramposa e chea de fitos de todos os tempos: entre outros, temperaturas de máis de 30 graos, un percorrido mal sinalizado, o primeiro caso rexistrado de dopaxe organizada; os primeiros atletas africanos en participar nuns Xogos Olímpicos (saíronse da próxima Exposición Universal); un carteiro cubano vestido de rúa (ao que un lanzador de disco, amablemente, córtalle as perneras do pantalón para que poida correr con maior comodidade); un atleta que realiza parte do percorrido en coche; e outros participantes con circunstancias persoais alucinantes. 
Estamos ante unha historia que soa hoxe do todo improbable pero que está enteiramente baseada en feitos reais, e cuxo legado segue vivo nos anais esquecidos do deporte. Unha historia tan real como pouco coñecida que fará as delicias de todos os lectores e dos afeccionados ao deporte en particular.

Libros curiosos para o mes do Libro e a Lectura: ¿Así es la muerte?

preme na imaxe para velo

Así é a morte? xurdiu dun proxecto internacional no que Wonder Ponder convidou a persoas de entre 5 e 15 anos a facerse preguntas sobre a morte nunha serie de talleres deseñados especificamente para este propósito. Das máis de mil preguntas recibidas desde países como España, México, Arxentina, Finlandia ou Francia, seleccionamos 38 que representaban a variedade e profundidade do interese dos nenos e nenas pola morte e cuestións relacionadas. 

Algunhas das preguntas: Eu morrereime? Como se vai a pel? Onde imos cando morremos? Algún día todos extinguirémonos? Por que en India e Paquistán visten aos mortos de branco? Quen coida dos nenos cando os papás morren? Se morre alguén a quen queres, canto tempo estás triste? Por que se di descanse en paz, e non descanse divertido?

Libros curiosos para o mes do Libro e a Lectura: Está escrito: de la escritura cuneiforme al emoji

preme na imaxe

No mes do libro e a escritura por excelencia, xa tedes á vosa disposición esta obra.

Signos gravados en pedra, óso ou cunchas mariñas, debuxados na area ou na cortiza dun bidueiro… Son moitas as formas en que os nosos antepasados manifestaron a necesidade de comunicarse. E seguimos escribindo cada día, xa sexa cun estilete, unha pluma estilográfica ou o teléfono móbil. En calquera parte do mundo, enviamos incalculables mensaxes e deixamos os nosos pensamentos por escrito.

Este libro aproveita a polifonía e o dinamismo da novela gráfica para relatar a orixe de máis de cen escrituras, unha historia que abarca desde a Idade do Bronce ata a actualidade. Da escritura cuneiforme, os xeroglíficos do Antigo Exipto e o alfabeto grego ata os emojis, linguas ficticias como o klingon e creacións inmortais como o dothraki e o valyrio de Xogos de tronos.

Libros curiosos para o mes do Libro e a Lectura: ¡Va en serio!; 46 respuestas sensatas a preguntas absurdas

preme na imaxe para acceder

Queres ter unha escusa con base científica para quitarlles as chocolatinas aos teus irmáns pequenos? Preguntáchesche algunha vez por que son tan contaxiosos os bostezos? Hasche devanado os miolos tentando saber ata que altura é capaz de saltar un elefante? Es dos morren por saber se se pode esbirrar cos ollos abertos? Se contestaches «si» a algunha destas preguntas, este é o teu libro! Vai en serio! é unha macedonia de preguntas intrigantes, alucinantes e desconcertantes. Deixa que o resto da humanidade sígase comendo o coco... ti terás as respostas ao alcance da man!

2 de abril Día Internacional do Libro infantil e xuvenil

 

Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos.

Cada ano, unha sección nacional do IBBY ten a oportunidade de ser a patrocinadora internacional do Día do Libro Infantil e selecciona un escritor representativo e a un recoñecido ilustrador do seu país para que elaboren a mensaxe dirixida a todos os nenos do mundo e o cartel que se distribúe por todo o mundo, e promóvase a celebración nas bibliotecas, centros escolares, librerías etc.

Este ano correspóndelle á sección de Xapón, que difunde a mensaxe da escritora Eiko Kadono (baixo o lema “Suca os mares coas ás da túa imaxinación”), ilustrado por Nana Furiya.

E como nos gusta a literatura xaponesa vos invitamos a visitar o noso catálogo de fondos Manga.

Feliz Lecturas sempre!

Esta é a mensaxe da escritora que podedes ler completa na Revista Babar ou na web oficial IBBY en varios idiomas:

"Sobre as ás, os contos viaxan.
Desexando sentir o aleteo do teu corazón.
Son o Conto Viaxeiro. Vou voando a calquera sitio.

Unhas veces vou nas ás do vento. Outras, nas das ondas. E outras nas alitas que ten a area. Por suposto, hai veces en que me monto tamén nas ás das aves migratorias...."

Estreo do Itinerario lector de Música

 Como sabede, desde os distintos departamentos facemos unha escolla de fondos para recomendarvos a lectura. Igual que temos o de Matemáticas, Ciencias, Ciencias Sociais, Economía... estreamos o de Música onde recoñeceredes algún dos fondos que están ha hora de ler. 

Todos os itinerarios os tedes na columna da dereita na sección O recanto do Esquío.

Iremos aumentando a recomendación pero de momento:

Premede na imaxe para acceder

Día Mundial da Poesía

Novidade: Cómics existenciais

 Que pasaría se xuntásemos a filósofos e pensadores de todas as épocas, tales como Dostoievski, Sartre, Platón, Wittgenstein, Nietzsche, Beauvoir, Sócrates, Kant ou Camus nun mesmo tribunal, nunha oficina moderna ou nun terreo de xogo para disputar un partido? 

Corey Mohler (Portland, OR, Estados Unidos, 1985), que conta coa improbable virtude de ser transcendental á vez que divertido, brinda nestes Cómics existenciais a posibilidade de gozar a través dunhas páxinas que oscilan, en natural equilibrio, entre a reflexión sosegada e o hilarante do chiste fácil.

Revolución. Liberdade radical, Angustia, Desasosego, Autenticidade, Ansiedade, Ambigüidade, A vida carece de sentido e despois morres.

Xa na nosa biblioteca!

Novidade: La sociedad de la nieve

A sociedade da neve é o libro definitivo sobre a historia máis incrible xamais contada. Se fose ficción, resultaría inverosímil. Pero foi e é verdade, e todos os sobrevivientes falan por primeira vez desde aquel accidente de avión que os atopou con ao redor de vinte anos en Ándelos, a catro mil metros de altura, con trinta graos baixo cero, sen abrigo nin comida. Pablo Vierci acompañou a un grupo de sobrevivientes cos seus fillos á montaña. Cada un dos dezaseis lembra en primeira persoa como foron os setenta e dous días na cordilleira, como superaron esa situación extrema, como entenderon a morte, que significou o accidente e como influíu na súa vida posterior. 

preme na imaxe

Gañadores do concurso "E tí, de quen ves sendo" ed 2024

Moitas grazas aos participantes e a todos os profesores por prestarse a dar a súa imaxe para o concurso.

Novidade: El cielo en la cabeza

preme na imaxe

Cando os noticiarios e a prensa abre cada día có drama de tantas vidas perdidas 

pola busca dunha vida mellor....El cielo en la cabeza

Para Nivek, o horizonte termina nas inmediacións da mina de coltán onde traballa. Despois de sobrevivir milagrosamente a un derrube, leste terá que emprender unha viaxe monstruosa, aterrador e sen retorno polas belas, traizoeiras e máxicas terras de África nun traxecto cuxa distancia non se mide en quilómetros, senón en horrores e en vidas humanas.

Lois Pérez visita o noso centro

Para ver todas as fotos premede na galería.

Día do Naturalismo Galego

O pasado 9 de marzo cumpriuse o primeiro aniversario do Día do Naturalismo Galego, que se conmemora ese día porque coincide coa data de nacemento do Pai Martín Sarmiento, un frade nado en 1695 no Bierzo, que pasou os seus primeiros anos en Pontevedra, e que está considerado un dos pais da filoloxía galega, sendo determinante tamén nas investigacións históricas, xurídicas e naturalistas.

Para honrar este día, a Comisión de Ornitonimia da Real Academia Galega vén de elaborar unha lista unificada dos nomes galegos para as aves e os paxaros presentes ou citados en Galicia e en España, que pronto poderemos atopar nunha edición impresa.

Para aprender Igualdade...no noso catálogo

 

Hoxe todos somos mulleres

 

Unha viaxe tecnolóxica ao pasado

Queres coñecer como era o teu concello no pasado? A web Cronobook xeolocaliza imaxes desde 1830 ata a actualidade e permite coñecer como eran distintas aldeas, vilas e cidades a través dun mapa interactivo que amosa fotografías históricas.

8 de marzo: Mulleres que foron donas de sí

 

Preme na imaxe para velas

Polo 8 de marzo falamos en positivo das mulleres que foron donas de sí e superaron a fenda de xénero aínda que con antrancos.

Podedes disfrutar da exposición e descubrir as súas obras grazas ao traballo do equipo de biblioteca do CFPI Ferrolterra e a Juan Casal que nola cedeu.

No boletín da exposición podedes atopar as mulleres que se describen e se son correctos na biblioteca vos entregarán as pegatinas das mulleres.

Solución ao concurso E tí... de quen ves sendo? Edición 2024

Premede na imaxe para anpliala e disfrutade na galería coas imaxes reais das personaxes.

Moitas grazas ao alumnado por participar e ao profesorado...

pois sen moitas destas personaxes non teríamos o nivel de avance científico, democrático e de igualdade que disfrutamos hoxe en día no mundo occidental.

Ese era o noso obxectivo: que coñecérades ou investigárades quen foron e o que lles debemos, ademáis de disfrutar con algún deles...

Os premios aos gañadores se entregarán o venres 8 no 2º recreo na biblioteca, no Día da Muller, unha data moi sinalada que lembramos coa figura de tantas mulleres da exposición.

Que personaxes históricos naceron no teu concello?

A Real Academia da Historia recompilou máis de 50 000 personaxes nun mapa interactivo que permite coñecer datos sobre o nacemento e o falecemento de personaxes ilustres, así como de acontecementos históricos.

Cada un dos nomes e dos feitos históricos que aparecen no mapa interactivo, denominado Historia Hispánica, están enlazados a unha páxina externa na que se pode consultar a biografía e o itinerario de vida de cada personaxe, ou ben a descrición do fito.

Non te quedes sen coñecer a historia que te rodea!

Cúmprense 75 anos do pasamento da primeira avogada italiana, Lidia Poët

Lidia Poët foi a primeira avogada de Italia. Graduouse en xuño de 1881 e, en 1883, inscribiuse no Colexio de Avogados. Non obstante, cando apenas comezara a desenvolver o seu labor, anularon a súa inscrición polo feito de ser muller. Pero isto non fixo que Lidia renunciara á súa profesión, senón que se uniu ao despacho de avogados do seu irmán e defendeu a nenos, mulleres e marxinados. Ademais, loitou pola igualdade de xénero e defendeu firmemente o dereito ao sufraxio feminino.

No 1919 permitiuse ás mulleres acceder a cargos públicos polo que, 36 anos despois de ter sido inhabilitada, Lidia Poët foi admitida de novo na Orde de Avogados e Fiscais de Turín e, aos 65 anos, cnverteuse oficialmente na primeira muller avogada de Italia.

Planeta Rosalía

Co adaxo da celebración dos 150 anos da publicación de Cantares Gallegos a Universidade de Vigo e a Fundación Rosalía de Castro promoveron unha iniciativa para traducir ao máximo de linguas posibles dous dos poemas máis coñecidos desta obra: “Airiños, airiños aires” e “Adiós ríos, adiós fontes”.

Con estas traducións, calquera de nós pode ler, gozar e agasallar aos amigos e amigas de fóra, pero tamén queremos facer un chamamento a tradutores de todo o mundo para que “asúen” estes dous poemas a cadansúas linguas.
Fomos publicando cada novo idioma segundo nos foron chegando, ata o 15 de setembro, e logo do remate do 10 aniversario decidimos continuar co proxecto, pois seguen a chegar traducións desde moitas partes do planeta. Puidemos (e aínda podedes) descargar en carteis e pendurar por rúas, centros educativos e lugares de traballo todas estas traducións. En Vigo engalanamos todas as rúas do Casco Vello, onde se imprimiron os Cantares por vez primeira, o 17 de maio de 1863, e así viandantes e turistas puideron levar cadansúa tradución.

Premede na cabeceira para coñecer a iniciativa.

Creacións propias no Día de Rosalía alumnos de 1º e 2º ESO

Visitade a galería .

Día de Rosalía

 

No Día de Rosalía queremos cantala, así que premede na imaxe 

para escoitar os seus poemas en Son de poetas, ou se preferides, 

podedes escoitar a Amancio Prada cos poemas da nosa poeta nacional.

Viva Rosalía no seu día e todo o ano!

Novidades...artísticas e de igualdade

Nos últimos anos estamos atopando estas marabillas que combinan historia, arte e mulleres, sí esas grandes esquecidas nos libros. Botádelle unha ollada pois son moi interesantes:

• Womanhaus: Historia ilustrada das artistas da Bauhaus de Dakota Hernández.
• Ni musas ni sumisas: una revisión de la historia del arte occidental con perspectiva feminista  de Helena Sotoca.
• Prehistorias de mujeres : descubre lo que no te han contado sobre nosotras de Marga Sánchez Romero 

Tal día como hoxe... Andy Warhol e Antonio Machado

 Se temos que falar de poetas, pensamos en Antonio Machado e o seu Campos de Castilla e a voz que prestou Joan Manuel Serrat para cantalo. Hoxe nos lembramos do autor no 85º aniversario do seu pasamento en 1939.

E se temos que falar dun artista contemporáneo, non podemos deixar de pensar nas obras de Marilyn Monroe, ou a Lata de sopas Cambell e moitas outras de Andy Warhol no 37º aniversario do seu pasamento. As súas obras nos serviron de inspiración para que destacar aqueles autores dos que temos máis obras: Rosalía de Castro, Agustín Fernandez Paz, Manuel Rivas... para facer os carteis ao seu estilo; o estilo Warhol.

Buscádeos polos andeis:

Benvida ao novo alumnado

 

Palabras para reescribir o mundo: Wattpad e Webtoon

Nesta ocasión vos presentamos un ciclo de charlas organizadas por Planeta de Libros preparándonos para o Día Internaciónal da Muller, aínda que se trata da terceira cremos que vos poden interesar pois fala do fenómeno da escritura nas redes; sobre literatura xuvenil a partir do fenómeno de plataformas como Wattpad e Webtoon e a súa función como porta de entrada de personas novas ao mundo dos libros.

Sempre hai un motivo para escribir e ler.

Polo 14 de febreiro... Un pouco de mitoloxía

Se hai un símbolo asociado ao Día de San Valentín, ese é Cupido, un dos deuses do amor na mitoloxía romana. Pero, sabías que Cupido realmente é o deus dos amores non correspondidos?

Quen verdadeiramente representa o amor mutuo e duradeiro é o irmán de Cupido, Anteros, que tamén se representa como un xove con ás con arco e frechas, pero con ás de bolboreta. Este deus encargábase de vingar o amor non correspondido, castigando a aqueles que, por culpa do seu irmán, desprezaban o amor que lles profesaba outra persoa.

O Anteros máis famoso do mundo é o que se encontra na praza londinense de Picadilly Circus:

Se queres coñecer máis sobre a historia destes irmáns, pincha aquí!

12 de febreiro, Día de Darwin

O 12 de febreiro conmemórase o nacemento de Charles Darwin, que tivo lugar tal día coma hoxe en 1809. Cincuenta anos máis tarde, en 1859, este naturalista inglés publicou o seu mundialmente coñecido libro A orixe das especies, a través do que sentou as bases da teoría da evolución. As conclusións de Darwin estiveron baseadas nas observacións que realizou ao bordo do Beagle, no que fixo unha expedición científica por América e Oceanía que duraría cinco anos.

11 de febreiro, Día Internacional da Muller e da Nena na Ciencia

O 11 de febreiro conmemórase o Día Internacional da Muller e da Nena na Ciencia. Desde a Biblioteca do IES Fernando Esquío queremos contribuír á visibilización do labor de diferentes mulleres ao longo da historia no ámbito científico, polo que vos deixamos unha pequena presentación sobre algunhas delas. Non vola perdades!

Concurso edición 2024: E logo...tí de quen ves sendo?

No 2022 en plena restriccións quixemos animar o entroido con un concurso que agora repetimos.

No concurso tedes que;

• investigar unha lista de personaxes, 
• averiguar de quen se trata, sigue as pistas, 
• atopa o gazapo da súa recensión biográfica, 
• cubre o boletín e de paso adiviña quen está detrás da personaxe!

Collede o boletín e entrégao antes do 28 de febreiro..

PRÖRROGA ATA O VENRES 1 DE MARZO

E ti, coñeces a "As Sensombreiro"?

"As Sensombreiro" foron un grupo de mulleres pertencente á Xeración do 27 que recibiron este nome por sacarse o sombreiro como xesto de rebeldía ante unha sociedade que non recoñecía os seus méritos. A súa obra foi silenciada durante anos e foron incomprendidas pola sociedade do seu tempo, pero todas elas contribuíron dun modo ou outro, incluso desde o exilio, ao crecemento das súas respectivas disciplinas.

Unha desas mulleres foi María Zambrano, falecida tal día coma hoxe hai 33 anos, e cuxo nome está asociado á historia da filosofía e ao exilio republicano español do 1939. A súa obra é moi extensa e nela destaca o seu compromiso coa muller e a súa loita pola igualdade de xénero na sociedade española.

Sabías que o valor do número pi non sempre foi 3,14?

O 5 de febreiro de 1897, en Indiana, Estados Unidos, a Asemblea Xeral aprobou a lei número 246, na que se lle asignaba un novo valor exacto ao número pi, ilegalizando por completo o uso de calquera outro valor. 

Isto debeuse a que Edward Goodwin, médico e aficionado ás matemáticas, convenceu ao representante estatal de ter conseguido unha solución ao problema da cuadratura do círculo, un problema matemático que xa en 1882 Ferdinan von Lindemann probara que era imposible de resolver. Pero Goodwin non quixo darse por vencido e estableceu que si era posible cadrar o círculo. O problema estaba en que para realizar a súa demostración Goodwin tomaba o valor do número pi como 3,2 en lugar da súa aproximación a 3,14.

Se queres saber máis, podes seguir lendo aquí.