Contra a violencia de xénero: Playlist

O 19 de novembro de 1933 as mulleres españolas votaron por primeira vez

O 19 de novembro de 1933 mudou a historia de España. Mulleres e homes votaron por primeira vez en igualdade de dereitos nas eleccións xerais, un fito que se conseguiu grazas ao compromiso de persoas como Clara Campoamor, abogada, escritora, política e defensora dos dereitos da muller. Este dereito atopou o seu fin co comezo da Guerra Civil e a ditadura franquista e non volveu ser recuperado ata o inicio da Transición, quedando definitivamente blindado pola actual Constitución de 1978.

Contra a violencia de xénero: Cativa de ti

Se non o ves ben, proba no pdf.

Contra a violencia de xénero: Non

                                                                by Adrián Vereda

"Non" é a historia de Celia (Paula Utrilla) , unha moza cuxa tóxica e autodestructiva relación con Juan Carlos (Alejandro Vergara) afecta a todo o círculo familiar e próximo da nova, con todo, todos compartimos unha incómoda responsabilidade... pero só Celia pode dar o primeiro paso.

Pensa en todas as Celias do mundo, podería ser a do teu mellor amiga, a túa irmá, a túa veciña...

Contra a violencia de xénero: "Se acabaron las lágrimas"

Queres revisar a letra e meditar sobre este tema?

Contra a violencia de xénero dixital

“Deplatform Game” é un proxecto lúdico-educativo gratuíto dirixido ao alumnado pre-adolescente, adolescente e as súas familias, cuxo obxectivo é desenvolver o pensamento crítico, previr a violencia de xénero dixital e os comportamentos machistas e sexistas nas Redes Sociais, e máis especificamente no ámbito dos videoxogos. Trátase dunha iniciativa ideada e desenvolvida por PantallasAmigas integrada no Proxecto SIC-SPAIN 3.0.

Son varios os obxectivos didácticos vinculados ás competencias básicas que se pretenden favorecer a través deste recurso educativo:

• ·   Fomentar unha perspectiva crítica fronte ás actitudes discriminatorias na contorna dixital.
• ·   Facilitar no ámbito familiar, social e de lecer a identificación dos tipos de violencia de xénero que se producen e fomentar a normalización do debate e a reflexión sobre a igualdade de xénero.
• ·   Desenvolver unha perspectiva crítica ante a información e os contidos que se atopan na contorna dixital, especialmente ante mensaxes que promoven a discriminación e o odio e os contidos que poden resultar conflitivos.
• ·   Xerar estratexias de participación activa e positiva e de cidadanía dixital, abordando habilidades para a vida e competencias dixitais.
• ·   Ofrecer ferramentas a familias, persoas titoras e contorna educativo, creando recursos que poidan ser máis eficaces no proceso de relación e entendemento interxeracional.

Contra a violencia de xénero e doméstica: O monstro e a cincenta que non quería comer perdices

Non deixes que o monstruo viva na túa casa!

Lembras a cincenta... escoita esta versión.

II Concurso de postal de Nadal científica

O EDLG e a Biblioteca convocan o II Concurso de postal de Nadal científica. Tes ata o 13 de decembro para participar. Anímate, que hai premio! Consulta as bases aquí.

Día da Ciencia en Galicia 2024

O matemático José Rodríguez González é o científico homenaxeado no Día da Ciencia en Galicia 2024, unha celebración promovida pola RAGC para reivindicar o valor da investigación a través das súas figuras máis destacadas, na maioría dos casos descoñecidas para o gran público.

Coincidindo co bicentenario do seu falecemento, a RAGC pon de relevo que foi un científico no sentido moderno do termo e, para moitos, o primeiro de Galicia. A Academia destaca a súa loita desinteresada pola ciencia.

Entra na web da RAGC e descobre os seus fitos como que situou o quilómetro cero de Galicia en Lalín e participou na expedición internacional que permitiu establecer o metro como unidade de medida...

Semana da Ciencia 2024

Do 9 ao 17 de novembro, A Coruña celebra a Semana da Ciencia. Por esta razón, a entrada será gratuíta no Aquarium Finisterrae, a Casa das Ciencias e a Domus. Algunhas das visitas requiren reserva previa das entradas. Tedes toda a información aquí.

Exposición Xosé Rodíguez González

No mes da ciencia: tal día coma hoxe naceu Marie Curie

Marie Curie (bautizada como Maria Salomea Skłodowska) pasou á historia como a "nai da física moderna", naceu o 7 de novembro de 1867 en Varsovia, entón capital dun país ocupado por Rusia, que tras sufocar varias revoltas nacionalistas acabou impoñendo a súa lingua e os seus costumes.

Con apenas 15 anos, Maria viviu a frustración de non poder ingresar á Universidade de Varsovia, xa que esta institución non admitía mulleres. Como recurso, Marie tivo que recorrer á chamada "Universidade Volante", unha institución clandestina, aberta ás mulleres, e que ofrecía aos mozos polacos unha educación de calidade no seu propio idioma. O nome de "volante" ("flotante", segundo algúns autores) vén precisamente da necesidade que tiñan alumnos e mestres de cambiar constantemente de localización para escapar ao férreo control ruso.

Sabías que....

Unha muller Nobel: Licenciada en física e matemáticas grazas ao 'pacto de damas' que contraera coa súa irmá, Marie Curie converteuse, a principios do século XX, na primeira muller na historia en recibir un premio Nobel. O de física compartiuno co seu marido Pierre Curie, pero uns anos máis tarde, en 1911, recibiría de novo o máximo recoñecemento da Academia sueca, co premio Nobel de Química.

Matrimonio científico: Dise que o seu foi un matrimonio unido pola ciencia, pois nunca mostraron grandes alardes románticos. Con todo, Pierre e Marie, que tiveron dúas fillas, consagraron a súa vida ao estudo da ciencia e permaneceron xuntos ata a tráxica morte do primeiro nun desafortunado accidente cunha carruaxe.

A herdanza de Marie Curie: A pesar de que a súa nai non chegaría averlo, Irène Joliot Curie, a filla maior do matrimonio, tamén foi galardoada co premio Nobel de Química tan só un ano máis tarde da morte de Marie. Desde mozo, Irène mostrouse interesada polo traballo da súa nai e chegaron a traballar xuntas durante un tempo. Esta fotografía foi tomada o 20 de abril de 1927 en París.

Investigacións letais: As investigacións de Curie foron pioneiras, tanto que nin ela nin o seu marido eran conscientes dos perigos aos que se expoñían coa radiación. De feito, crese que a anemia aplásica que provocou a morte de Marie en 1934 foi por mor dos longos anos dedicados á investigación no seu laboratorio. O seu corpo foi depositado nun cadaleito selado cunha polgada de chumbo para illalo da radiación.

"Nada neste mundo debe ser temido, só entendido", estas palabras definen o carácter perseverante e loitador de Marie Curie, unha muller que se enfrontou ao machismo e o antisemitismo da súa época, pero cuxa imaxe lembramos como a dunha persoa circunspecta, sobria, reflexiva e de expresión severa. A morte sorprendeuna o 4 de xullo de 1934 en Passy, Francia.

No mes da ciencia: Tal día como hoxe morreu Severo Ochoa pai da Bioloxía Molecular

En outubro de 1959 o español Severo José Gerardo Ochoa de Albornoz (Luarca, Asturias, 24-09-1905 – Madrid, 01-11-1993) recibiu no seu laboratorio a telegrama máis esperado polos científicos máis punteiros, o que a Academia de Ciencias sueca envioulle para comunicarlle que fora galardoado co premio Nobel de Fisioloxía ou Medicina dese ano. Tras celebralo cos seus colaboradores foise enseguida á súa casa. Encantáballe conducir, e adoitaba ir moi rápido, pero naquela ocasión ía pisando o acelerador máis da conta… ata que un policía indicoulle que se parase. Un pódese imaxinar a escena a partir das innumerables veces que mostran semellante situación en películas e series estadounidenses, co policía achegándose lentamente, vixiante, mentres se quita as luvas, ata colocarse xunto ao portelo do infractor. O diálogo que se produciu, tras pedirlle a documentación pertinente, foi máis ou menos así:

Sabe vostede a que velocidade ía? —Ía moi rápido, seguramente, pero teño unha boa escusa. —E cal é, se pode saberse? —É que me acaban de conceder o premio Nobel de Medicina e tiña présa por chegar a casa e contarllo á miña muller. —Que lle deron o premio Nobel de Medicina? E por que?

A explicación de Ochoa debeu ser tan convincente que o policía lle deixou marchar, exhortándolle a que moderase a velocidade.

En esencia, o premio recoñecía a transcendencia do seu achado máis relevante ata o momento, que a encima polinucleótido fosforilasa era capaz de sintetizar no laboratorio unha molécula esencial de todos os seres vivos, o ácido ribonucleico (ARN), soado nos últimos anos por ser o protagonista das vacinas máis innovadoras e utilizadas contra a Covid-19. Para moitos científicos, o premio serve de colofón a unha brillante traxectoria e apenas realizan novas achegas de interese. Para Ochoa, en cambio, foi un acicate para seguir producindo ciencia de alto nivel e por iso lembramos a súa figura no aniversario do seu pasamento.

Seguir lendo no Consello de Seguridade Nuclear.

Samaín 2024

Polo Samaín, no noso IES tivemos unha exposición con recomendacións literarias terroríficas, así como un concurso de microrrelatos no que o alumnado deixou voar a súa imaxinación e ideou as fabulosas creacións que podedes ver na presentación. Ademais, a Santa Compaña foi polas clases recitando versos e tamén tivemos un túnel do terror e unha lectura de contos de terror no salón de actos. Non vos perdades a reportaxe fotográfica e o vídeo da Santa Compaña!

Premio Nacional das Letras 2024: Manuel Rivas

O escritor galego Manuel Rivas foi galardoado co Premio Nacional das Letras Españolas 2024. O xurado destacou do autor "a extraordinaria calidade narrativa" e "unha traxectoria versátil e coherente, construída coa sensibilidade e a defensa da memoria histórica, a responsabilidade social e a lingua galega".

Tivemos o pracer de disfrutar da súa compaña nunha data moi sinalada o 11 de marzo do 2020, xusto na semana na que nos confinaron. Daquela visita temos o vídeo para lembrar cómo eramos de confiados naquel tempo...

Tamén podedes botar un ollo á galería de imaxes do acontecemento pois ter ao autor na biblioteca de Fernán Esquío, un trobador medieval de quen Manuel Rivas tomou unhas palabras para titular unha das súas obras, Qué me queres amor...?, foi todo un acontecemento.

Alí rodeados de tantos rapaces como puidemos meter na nosa biblioteca, trala presentación de Marta e Claudia, de ver os traballos dos alumnos de francés coas versións das obras de Rivas na lingua franca, e o mural que fixeran o alumnado de EPV baixo a mirada de Carmen Ozema..., o autor falounos da súa escrita, da súa nenez, dos seus sentimentos sobre a lingua, de tantas cousas que non fixo falta música de fondo pois trátase dun xoglar do século XX.

Moitas grazas Manuel por estar connós xusto antes de que as tebras da pandemia nublaran a nosa mirada.

24 de outubro Día das Bibliotecas Escolares

Dende 1997 celébrase o Día das Bibliotecas o 24 de outubro,  unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.

 A Dirección Xeral do Libro, o Cómic e a  Lectura, a través da Subdirección Xeral  de Coordinación Bibliotecaria, impulsa a celebración do Día das Bibliotecas, este 24 de outubro de 2023.  

 O lema deste ano, "Por un futuro sostible", pretende destacar o papel fundamental que desempeñan todas as tipoloxías de bibliotecas (públicas, escolares, universitarias, especializadas e nacionais/rexionais) na consecución dos Obxectivos de Desenvolvemento Sostible da Axenda 2030.

 A biblioteca escolar, esa biblioteca pola que pasan todos os rapaces, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS. 

 

Proxecto Día das Letras Galegas 2025. Precisamos a túa colaboración!

No IES Fernando Esquío queremos realizar unha exposición de literatura oral galega co gallo da celebración do Día das Letras Galegas 2025 e precisamos da túa colaboración! Preme na imaxe para coñecer como podes axudarnos. Moitas grazas!

Semana do Patrimonio Invisible

Do 23 ao 27 de outbro, Ferrol celebra a cuarta edición da Semana do Patrimonio Invisible, unha iniciativa impulsada pola Concellaría de Turismo que pretende dar a coñecer espazos históricos e arquitectónicos de gran valor cultural para a cidade, que habitualmente non están abertos ao público. As visitas fanse en grupos reducidos e requiren reserva previa. Tedes toda a información aquí.

Premio Planeta 2024

A madrileña Paloma Sánchez-Garnica é a gañadora do Premio Planeta 2024 pola súa novela Victoria. A escritora xa fora finalista no ano 2021 coa obra Últimos días en Berlín. Nas súas palabras, Victoria "non é unha novela de periodistas, pero si amosa a importancia do periodismo nun dos dereitos fundamentais dunha sociedade civilizada: o dereito a información veraz e contrastada".

Día das Escritoras

No Día das Escritoras, reivindicamos o labor e o legado literario de todas aquelas mulleres que tantas veces foron relegadas a un segundo plano e silenciadas ao longo da historia. Esta conmemoración celébrase sempre o luns máis próximo ao 15 de outubro, aniversario do falecemento de Teresa de Jesús. Este ano leva por lema A periferia da periferia: mulleres que miraron ao mundo rural.

Fíxate nesta presentación cantas tiveron que empregar un pseudónimo:

No Día das Bibliotecas Escolares falamos de.... George Orwell

No Día das Bibliotecas Escolares lembramos un autor moi relevante no panorama social e político. Este ano, por desgracia como moitos outros, estamos rodeados de conflitos bélicos que estremecen a alma e fan máis premonitorio o mundo que reflectiu o autor ao que nos achegamos este ano 2024.

Novelista crítico e visionario, George Orwell reflectiu na súa obra literaria a cara máis escura dos totalitarismos do século XX e vaticinou algúns dos cambios sociais que determinaron o presente.

 Esperamos que revisando a súa vida e obra poñamos unha pedra para construir un mundo mellor, non feliz como describía Aldoux Huxley, amigo e profesor en Eton do noso autor.

Boletín de participación no concurso. 

Tedes ata o 8 de novembro,

non o deixedes escapar!!

Achado na Fonsagrada un fósil dun escorpión mariño de 434 millóns de anos

Investigadores do CSIC, xunto con colaboradores de Arxentina e Italia, descubriron recentemente fósiles mariños de escorpións xigantes de hai 434 millóns de anos, pertencentes ao período Silúrico. Este achado é excepcioal, xa que estes vestixios non son nada doados de atopar a causa da fraxilidade do exoesqueleto destes escorpións, que facía que hbitualmente os seus restos desapareceran en días. Tedes toda a información aquí.

Premio Nobel de Fisioloxía ou Medicina 2024

O Premio Nobel de Medicina 2024 é para Victor Ambros e Gary Ruvkun, premiados polo descubrimento do microARN, unha pequena molécula que regula a actividade dos xenes, permitindo a cada célula seleccionar aquelas instrucións necesarias para que realice as súas funcións.

Máis información aquí.

Estreamos Club de Ciencia no IES Fernando Esquío

No curso 2024-2025 estreamos Club de Ciencia no IES Fernando Esquío! Se es alumno/a do centro e estás interesado/a en participar, faremos unha reunión informativa o martes 8 de outubro no segundo recreo, na aula de audiovisuais. Anímate e apúntate!

Novidade: Luna y los incorpóreos

Una nueva dimensión para motivar a la lectura: Luna y los incorpóreos.

Luna vive con sus padres y su abuelo encima de una tienda de antigüedades que regentan. ¿Quieres saber su secreto? Ve incorpóreos que llegan a la tienda ligados a objetos antiguos. Se agarran a ella como lapas y le piden ayuda para resolver el enigma que los mantiene atados al mundo de los vivos.

Viaja con Luna a las ciudades espectrales de todas las épocas de la Historia para poder ayudar a los incorpóreos.

PREHISTORIA | ANTIGUAS CIVILIZACIONES | MUNDO CLÁSICO | EDAD MEDIA | SIGLOS DE ORO | EDAD CONTEMPORÁNEA

Múltiples formas de leer... y de trabajar la lectura:

• Los libros
• Los recursos didácticos
• El universo digital con una app para leer los libros y descubrir muchas cosas más.

Pica na imaxe para velos

Concurso microrrelatos Samaín 2024

Desde o EDLG e a Biblioteca do IES Fernando Esquío propoñémosvos un concurso de microrrelatos para o Samaín de 2024. Podedes consultar as bases aquí, así coma nos carteis que haberá colocados polo centro. Animádevos a participar! Hai premio para o mellor microrrelato de cada categoría!

Tedes ata o venres 25 de outubro!!!

Mafalda cumpre 60 anos

Mafalda, o personaxe máis famoso de Quino publicouse por primeira vez o 29 de setembro de 1964 na revista semanal Primera Plana. Seis meses máis tarde da súa primeira aparición, comezou a publicarse unha tira diaria no periódico El Mundo e, no Nadal de 1966 lanzouse o primeiro álbum, cuxos exemplares esgotáronse en dous días. Sesenta anos máis tarde, esta intelixente nena segue sendo popular a nivel internacional.

Premio Nacional de Poesía 2024 de novo para unha galega

Chus Pato é a gañadora do Premio Nacional de Poesía 2024 por Sonora, un poemario publicado por Xerais en novembro de 2023. O xurado do premio, que entrega do Ministerio de Cultura, destacou este libro por ser “unha obra experimental, unha expansiva e concentrada conversa entre o poema e a morte, aquela que, tras a orfandade da nai, arrastra os lectores cara aos abismos da propia liñaxe”. O xurado define a autora como unha peza fundamental da poesía galega e subliña as “novas formas de deconstruír e reconstruír os marcos do pensamento poético tradicional”. 

Do mesmo xeito, o xurado sinalou que o poemario crea “espazos  textuais repletos de fugas: retóricas, semánticas, capaces de hibridar distintos códigos nos que se desprega toda a súa inextinguible potencia sonora. En Sonora, memoria persoal, social e política murmuran as múltiples voces dunha das poetas contemporáneos máis audaces. Chus Pato móstranos na súa obra o enfoque da poesía como elemento transformador da linguaxe”.

Na súa anterior edición, o galardón recoñeceu a Yolanda Castaño pola súa obra Materia. Deste xeito, é o segundo ano consecutivo que o Ministerio de Cultura recoñece a obra dunha poeta galega publicada en Xerais.

Pronto na nosa biblioteca!!!

A muller detrás da produción masiva de penicilina

O 28 de setembro de 1928, Alexander Fleming descubriu a penicilina pero, aínda que os seus experimentos demostraron a eficacia deste antibiótico contra varios microorganismos, naquel momento non puido purifiala nin producila a gran escala. Foi Margaret Hutchinson Rousseau quen deseñou un proceso de fermentación que permitía producir penicilina a gran escala, creando a primeira planta de produción comercial en 1942. Grazas a ela este medicamento puido fabricarse en grandes cantidades e salvar millóns de vidas en todo o mundo. 

Novidade: Redes, Invisible 2, xa na nosa biblioteca

Descobre Redes, a continuación de Invisible de Eloy Moreno.

Emotiva, conmovedora, diferente... Redes narra, a través dos ollos dunha adolescente, unha historia que se converteu na realidade de todos nós.

Cantos likes vale a túa felicidade?

Pásase unhas horas máis vendo as viaxes marabillosas, os corpos perfectos e todos os outfits que se proban cada día os influencers. E sente mal porque ela non pode levar a vida que ve nas redes, sabe que nunca poderá alcanzar unha felicidade así.

Cousas que quizais non sabías do mundo das linguas

  

Preme nas imaxes para ler mellor o contido

Día Europeo das Línguas

 

2024: Linguas para a paz

Os 46 Estados membros do Consello de Europa animan a máis de 700 millóns de europeos a aprender outras linguas a calquera idade, dentro e fóra da escola.  Convencido de que a diversidade lingüística é unha ferramenta clave para lograr unha maior comprensión intercultural e un elemento crave na rica herdanza cultural do noso continente, o Consello de Europa promove o plurilingüismo en toda Europa. 

Por iniciativa do Consello de Europa en Estrasburgo, o Día Europeo das Linguas vén celebrando, desde 2001, o 26 de setembro de cada ano.

Novidades de cine

No catálogo da biblioteca podedes atopar as novidades, ademáis de buscar no blog de cine.

 

Vantaxe da lectura nos rapaces...un curso académico

preme para ler nun pdf

Os adolescentes que len libros de máis de 100 páxinas levan unha vantaxe equivalente aproximadamente a un curso académico en comprensión lectora a quen non o fan, despois de descontar o nivel socioeconómico e cultural da súa familia, que é o que máis inflúe no rendemento académico dos estudantes, segundo datos do informe PISA, a avaliación internacional que realiza cada tres anos a OCDE (medición en España que non debe ser moi distinta a Chile).

Noite galega das persoas investigadoras

O próximo 24 de setembro terá lugar en toda Galicia a G-Night ou Noite Europea das Persoas Investigadoras, un evento que achegará a ciencia a rúas, museos, institucións educativas e bares. Neste enlace tedes toda a información sobre as distintas actividades que se desenvolverán en difrentes cidades galegas. Non volo perdades!

Este curso disfrutaremos aínda máis do.... teatro

...porque a vida, como dicía aquel autor, é puro TEATRO!

PENÉLOPE DECLARA o oráculo:

   «QUE á banda do solpor é mar de mortos,

   incerta, última luz, non terás medo.

   QUE ramos de loureiro erguen rapazas.

   QUE cor malva se decide o acio.

   QUE acades disas patrias a vindima.

   QUE amaine o vento, beberás o viño.

   QUE sereas sen voz a vela embaten.

   QUE un sumario de xerfa polos cons.”

Así falou Penélope:

   “Existe a maxia e pode ser de todos.

   ¿A que tanto novelo e tanta historia?

   EU TAMÉN NAVEGAR.»

 

Torres, Xohana (1992). Tempo de ría. Espiral Maior

 

Marta Villar, Raquel Fernández Fernández e Abel Tomé, PREMIOS XERAIS 2024

 

As obras cos títulos Detective Ferruchi, I’m Obélix e Milú e o edificio das persoas extraordinarias resultaron gañadoras do XLI Premio Xerais de Novela, o XVI Premio Jules Verne de Literatura Xuvenil e o XXXIX Premio Merlín de Literatura Infantil. As autoras dos textos son Marta Villar, Raquel Fernández Fernández e Abel Tomé, respectivamente.

Pronto na nosa biblioteca!

Inauguramos o curso cun novo blogue do EDLG

Non deixedes de visitar o novo espazo do EDLG para estar enterados das actividades e propostas.

 

Feliz verán e boas lecturas

Vos desexamos disfrutedes dunhas merecidas vacacións...cheas de boas lecturas!!!

A biblioteca estará aberta ata o 5 de xullo 

para que devolvades os libros que tedes en préstamo e 

levedes o que queirades para ler no verán.

Feira de Ciencias intercentros

Hoxe tivo lugar unha Feira de Ciencias intercentros na que participamos o IES Fernando Esquío e o IES de Mugardos. Nela, alumnado da ESO e de Bacharelato dos dous centros fixo distintas exposicións e obradoiros: papiroflexia, explicación dunha investigación sobre o Efecto Pigmalión, diseccións de ollo e corazón, elaboración de cosmética natural, obradoiro de RCP, xincana dos sentidos, stand de nutricón, fabricación de biodiésel, trivial científico e retos matemáticos. Foi unha gran oportunidade para compartir os traballos realizados durante o curso e para coñecernos entre nós.

Deixámosvos a galería de imaxes!

Roteiro polo Mondoñedo de Cunqueiro, Leiras Pulpeiro, Marina Mayoral e Pascual Veiga

 Ver a galería

 

Onte a maior parte dos membros do club de lectura literario e parte do club de manga nos achegamos ata Mondoñedo para visitar a vila, berce de tantos persoeiros das letras e a cultura. Nos acompañaron os rapaces do club de lectura do IES de Breamo cos que compartimos as lecturas dos textos de Cunqueiro, Leiras Pulpeiro e Marina Mayoral, percorrimos a vila e descubrimos as marabillas da Catedral, o Museo da Imprenta e a biblioteca do Seminario...., sabíades que logo da invención da imprenta por Gutenberg as dúas primeiras cidades galegas onde trouxeron o artiluxio foron Monterrei e Mondoñedo?

Grazas ao reitor do Seminario puidemos contemplar incunables e unha biblia políglota... toda unha experiencia.

 

Se queredes coñecer o que preparamos para o roteiro, visitade o artigo anterior.

Proxectos de Bioloxía

Como proxecto do terceiro trimestre na materia Bioloxía e Xeoloxía, o alumnado de 1º da ESO elaborou uns lapbooks sobre ecosistemas de película. Deixámosvos unha presentación para que poidades ver que ben lles quedaron!

8 de xuño, Día Mundial dos Océanos

O día 8 de xuño celébrase o Día Mundial dos Océanos, para recordarnos a todos o importante papel que teñen na nosa vida cotiá, por seren o maior pulmón do noso planeta, unha fonte importante de alimentos e unha parte fundamental da biosfera.

Na actualidade, os humanos estamos causando unha gran cantidade de impactos negativos sobre os océanos e, para concienciar sobre un dos máis prexudiciais, a contaminación por plásticos, o departamento de Debuxo e o de Bioloxía colaboramos representando unha ola de Kanagawa feita con plásticos, así como distintos carteis informativos sobre esta problemática. Este proxecto foi realizado polo alumnado de 1º de Bacharelato. 

Boletín de recomendacións de lectura para o verán 2024

 Neste tempo de verán queremos compartir con vos a nosa selección de lecturas para o verán, pois un tempo de lecer sen ler, non é tal: deixemos voar a imaxinación e gocemos sempre cun libro na man.

Para ver o boletín cos enlaces premede aquí.

Día Mundial do Medio Ambiente

O 5 de xuño celébrase o Día Mundial do Medio Ambiente, establecido por primeira vez pola Asemblea Xeral das Nacións Unidas en 1972.

Este ano o lema é As nosas terras. O noso futuro. Somos a #XeraciónRestauración.

En relación con este día, convidámosvos a visitar a nosa sección de Biblioteca Verde

Roteiro en Mondoñedo con Álvaro Cunqueiro

 

preme na imaxe para ler os textos

O vindeiro martes 18 iniciamos a actividade de final de curso cos grupos de club de lectura e manga celebrando a fantasía de mans de Álvaro Cunqueiro en Mondoñedo. Como fixeramos o curso pasado en Celanova visitaremos a vila xunto co club de lectura do IES Breamo de Pontedeume compañeiros de viaxes literarios.

chapas conmemorativas do roteiro

Esperamos que o tempo nos acompañe nesta visita tan esperada no berce non só do grande fabulista que era Álvaro Cunqueiro; das súas rúas saíron nomes da cultura tan salientables como Pascual Veiga, José Pacheco, Manuel Leiras Pulpeiro, Antonio Nogueira Varela ou Marina Mayoral.

Mondoñedo  foi capital dunha das sete provincias do antigo Reino de Galicia ata 1833 e sé episcopal desde o s. XII. Ten o  título de "cidade" desde o ano 1156, por concesión do rei Alfonso VII de León e foi declarada Conxunto Histórico-Artístico no 1985, cun casco vello que reflicte o  espírito señorial e eclesiástico desta vila “rica en pan, en aguas y en latín”.

100 anos sen Franz Kafka

Tal día como hoxe fai 100 anos, morría en Austria o escritor Franz Kafka. A súa obra é coñecida polos seus elementos surrealistas, que esconden un simbolismo detrás de cousas aparentemente absurdas.

Podedes atopar exemplares dalgunhas delas na nosa biblioteca.

DEM 2024 Galería de fotos e boletín

ver a galería

Desde que o profesor de matemáticas inglés, Rowland Hill (1795-1879), creara o primeiro selo postal da historia, o Penique Negro, moitos destes pequenos exemplares representaron os personaxes, eventos e curiosidades na sociedade na súa época.

Có gallo do Día Escolar das Matemáticas (DEM), o 12 de maio, queremos mostrar cómo os selos achegaron as figuras máis relevantes das matemáticas, os seus descubrimentos e curiosidades á sociedade pois non fai moito tempo, cando non había internet...., as comunicacións eran por correo postal e para elo se precisaban os selos postais.

Percorrede a mostra e buscade as respostas para as preguntas do boletín da exposición. En post anteriores tedes os calameos para velos polo miúdo.

Enquisa funcionamento da BE curso 2023/24

Premiados na VI Olimpiada Cultural

 

preme para ver a galería

O venres 24 fixemos entrega dos premios aos gañadores da 6º edición da Olimpiada Cultural, ou polo menos aos alumnos que non estaban en 2º BAC, pois están moi ocupados coa festa de graduación e as ABAU.

Lembrade que xa están as probas coas solucións publicadas no site da Olimpiada Cultural.

Grazas aos participantes e norabóa aos gañadores que curiosamente se duplicaron na categoría de máster e tivemos que dar doble premio aos 1º e 2º pois estaban empatados!!!

A vindeira edición será a 7º e se realizará en xaneiro así que, xa queda menos.

DEM 2024 máis selos da exposición

Selos Anteriores A 1970

Publish at Calameo

DEM 2024: En maio tamén celebramos o Día Escolar das Matemáticas falando de selos

Historia Das Matemáticas A Través Dos Selos

Publish at Calameo

Día Internacional da Diversidade Biolóxica

O 22 de maio celébrase o Día Internacional da Diversidade Biolóxica, declarado por Nacións Unidas, e que ten como finalidade concienciar sobre a importancia da conservación e a utilización sostible da biodversidade, así como da crecente ameaza que supoñen para a mesma as actividades humanas.

E para que poidades desfrutar das marabillas que temos no noso planeta, deixámosvos aquí as imaxes galardoadas no World Nature Photography Awards deste ano, un certame que celebra a biodiversidade. Esperamos que vos gusten!

Feliz Día das Letras Galegas

VI Olimpiada Cultural: preguntas e respostas

 

premede na imaxe para acceder

Xa están dispoñibles as preguntas e respostas da VI edición da nosa Olimpiada Cultural, botádelle unha ollada os que non participáchedes a ver se sodes capaces de responder.

O venres 24 faremos entrega dos diplomas e premios aos afortunados gañadores

 da proba no Salón de actos no 2º recreo.

Xa queda menos para a seguinte edición que será a finais de xaneiro, ide quentando miolos repasando todas as probas dos anos anteriores!!!

Hoxe non lemos...

mdaff en Freepik

...hoxe choramos polo noso compañeiro, alumno e amigo. Non temos palabras para describir tanta dor.

Guía LIX según os Obxectivos de Desenvolvemento Sustentable

A Asociación Galega do Libro Infantil e Xuvenil (GALIX), sección da OEPLI (Organización Española del Libro Infantil) e representación do ámbito lingüístico galego no IBBY, publicou, co patrocinio da Xunta de Galicia, a Guía ODS (Obxectivos de Desenvolvemento Sustentable) na que recolle todo tipo de materiais que tratan cada un dos dezasete obxectivos no camiño da Axenda 2030.

Trátase duns materiais imprescindibles para todo tipo de persoas mediadoras do libro e a rapazada , que convén ter en conta nas bibliotecas escolares e públicas, nos centros de ensino e no ámbito da educación social.

Os materiais están organizados por cada un dos obxectivos: 

1.Fin da pobreza, 2. Fame cero, 3. Saúde e benestar, 4. Educación de calidade, 5. Igualdade de xénero, 6. Auga limpa a saneamento, 7. Enerxía accesible e non contaminante, 8. Traballo decente e crecemento económico, 9. Industria, innovación e infraestrutura, 10. Redución das desigualdades, 11. Cidades e comunidades sustentables, 12. Produción e consumo responsable, 13. Acción polo clima, 14. Vida submarina, 15. Vida de ecosistemas terrestres, 16. Paz, xustiza e institucións sólidas e 17. Alianzas para acadar os obxectivos.

preme na imaxe para acceder

98 anos de David Attenborough

No día do seu 98 cumpreanos, conmemoramos a figura de David Attenborough, un dos divulgadores naturalistas máis coñecidos e auténtico pioneiro en documentais sobre a natureza.

Se queredes coñecer curiosidades sobre o noso planeta, non dubidedes en coller algún dos documentais dos que dispoñemos na biblioteca.

Polas Letras Galegas 2024: Luisa Villalta

Firme defensora da lingua como piar da nosa identidade e comprometida con todos os colectivos que loitan e traballan pola dignidade do pobo galego, foi unha autora que renovou as nosas letras ao explorar a relación entre a música e a literatura e facernos “pensar o mundo”.

Selección de poemas desde o IES Isaac Díaz Pardo onde Luisa Villalta foi profesora. 

Na semana das Letras Galegas recibiredes un marcapáxinas conmemorativo.

Día da Ciencia na Rúa

O próximo sábado 4 de maio, o Parque de Santa Margarida da Coruña acollerá unha nova edición do Día da Ciencia na Rúa, na que 54 centros educativos de diversas localidades galegas amosarán actividades de bioloxía, tecnoloxía, matemáticas e física para todos os públicos. Xunto eles, persoal de entidades da investigación e divulgación presentarán unha ampla programación para toda a cidadanía e haberá actividades paralelas na contorna do edificio da Casa das Ciencias. Nos Museos Científicos Coruñeses haberá tamén xornada de portas abertas.

Tedes toda a información do evento neste enlace.

Novidade: ¡Basta! Guía de autodefensa feminista para adolescentes (y más...)

preme na imaxe

Ser mujer en esta sociedad implica enfrentarse regularmente a comportamientos machistas. ¿Cómo identificar y afrontar esas conductas? En este cómic las adolescentes (y más…) encontrarán un conjunto de técnicas para sentirse más preparadas, libres y seguras: posturas corporales, defensa verbal, el giro de ciento ochenta grados, la intervención paradójica, la defensa física… En definitiva, diferentes herramientas para ayudarles a sentirse más libres y seguras, tanto en los espacios públicos como en la esfera privada.

2024 Boletín de abril chegando a maio: Mes do Libro e a Lectura

Para ver os enlaces mellor no pdf.

No mes do Libro e a Lectura: Luisa Villalta

 

"Silencio me chaman porque neste tempo en que vivo non se me escoita”. 

Así comeza As chaves do tempo, o texto de Luísa Villalta publicado en 2001 por Promocións Culturais Galegas. A narración arranca “nos tempos en que había reis na Galiza” e chega ao presente desenvolvendo unha trama en que o amor, a lealdade, o medo, a ambición, a submisión, a traizón, a censura, as falsas noticias e, tamén, as arelas de concordia e de xustiza son elementos que marcan os protagonistas da historia a nivel particular mais que se proxectan tamén a nivel social e político desde aquel tempo pasado a este en que habitamos. 

As chaves de que nos fala Luísa Villalta, feitas polo propio Merlín, só serven para abrir, nunca para fechar. Son chaves coas que poderemos abrir máis futuro para a lingua ou para un aproveitamento racional dos nosos recursos; para o desenvolvemento industrial e para a produción ecolóxica; para a diversidade sexual ou o empoderamento das mulleres.

Se queredes saber o que temos na nosa biblioteca da autora homenaxeada nas Letras Galegas 2024, premede na portada.