Día dos Dereitos Humáns

Unidos polos Dereitos Humáns

30 vídeos, 30 dereitos

Polos Dereitos de TODOS

Coñeces a historia dos Dereitos Humáns?

El porno NO mola

Desde que Internet ha puesto el porno al alcance de todo el mundo, el primer contacto con él se da a una edad cada vez más temprana y su consumo en la adolescencia se ha disparado. En este libro te explicamos cinco razones por las que el porno no mola y te ofrecemos herramientas para que no se convierta en tu educador sexual.

El porno No mola es una obra imprescindible para que entiendas cómo te afectará ver porno y puedas tomar tus propias decisiones. Una herramienta pedagógica para afrontar una de las mayores preocupaciones sociales del momento.

En este libro aprenderás:

• ¿Qué es el porno?
• ¿En qué se diferencia el porno del sexo real?
• ¿Tener curiosidad por la sexualidad es malo?
• ¿Qué es la violencia sexual?
• ¿Qué problemas sexuales puede generar el porno?
• ¿Por qué el porno es un pésimo educador sexual?

A partir de 11 años, pero léelo y valóralo según tu criterio y cómo sea ese chico o chica.

Día Mundial para a abolición da escravitude

Segundo as últimas estimacións da Organización Internacional do Traballo (OIT), o traballo forzoso e o matrimonio forzado han aumentado considerablemente no últimos cinco anos. En 2021 había 10 millóns máis de persoas en situación de escravitude moderna en comparación con 2016, o que eleva o total a 50 millóns en todo o mundo. As mulleres e os nenos seguen sendo desproporcionadamente os máis vulnerables.

A pesar de non estar definida na lei, a escravitude moderna utilízase como un termo xeral que abarca prácticas como o traballo forzoso e o matrimonio forzado. Fai referencia a situacións de explotación das que unha persoa non pode escapar debido a ameazas, violencia, coerción, engano ou abuso de poder.

A escravitude moderna dáse en case todos os países do mundo, e traspasa todas liñas étnicas, culturais e relixiosas. Más da metade (o 52%) de todos os traballos forzados e unha cuarta parte de todos os matrimonios forzados atópanse en países de renda media-alta ou alta.

A OIT adoptou un novo Protocolo legalmente vinculante deseñado para reforzar a loita contra o traballo forzoso en todo o mundo, que entrou en vigor en novembro de 2016.

Seguir lendo na web da UNESCO. ou na de Nacións Unidas

Porque ser escravo non é unha opción, somos iguais!

1 de Decembro: Día Internacional do SIDA

O Día Mundial da Loita contra a SIDA converteuse nun dos días da saúde máis recoñecidos e supón unha oportunidade para lembrar aos que faleceron, crear conciencia e celebrar vitorias como o acceso a servizos de prevención e tratamentos antirretrovirais.

A primeira vez que se celebro o Día Mundial da Loita contra a SIDA foi en 1988 e desde esa data, o virus matou a máis de 25 millóns de persoas en todo o mundo, o que supón unha das epidemias máis destrutivas da Historia.

A conmemoración do Día Mundial da Sida de 2025 pon de relevo como os recortes no financiamento a nivel internacional están a poñer en risco os avances logrados na resposta ao VIH. A crise actual afecta especialmente os servizos de prevención e aos programas comunitarios que apoian ás poboacións máis marxinadas, mentres que o aumento de leis punitivas dificulta aínda máis o acceso á atención.

Ante este panorama, requírese un enfoque transformador que permita superar as disrupcións e manter o rumbo cara á meta de poñer fin á sida para 2030.

Seguir lendo na web das Naciones Unidas UNAIDS.

Recursos en Trello

Marilar Aleixandre, primeira doutora honoris causa da Universidade de Almería

 

A Universidad de Almería (UAL) investiu a Marilar Aleixandre doutora honoris nunha cerimonia na que a académica defendeu o pensamento crítico como "ferramenta poderosa" para enfrontar os desafíos da desinformación e combater o negacionismo. A catedrática ad honorem da Universidade de Santiago de Compostela é a primeira muller que pasa a formar parte do claustro de honra da UAL, e tamén a primeira investigadora do campo da educación e da didáctica que acada este recoñecemento na mesma institución.

Continuar lendo aquí.

25 Novembro: Contra a violencia de calquera signo

O Día Internacional da Eliminación da Violencia contra a Muller celébrase anualmente o 25 de novembro para denunciar a violencia que se exerce sobre as mulleres en todo o mundo e reclamar políticas en todos os países para a súa erradicación. Pero nos queremos destacar que dita violencia non só é contra a muller, senón contra todos os membros da unidade familiar.

Este ano queremos achegarvos unha selección dos fondos da nosa biblioteca entre os que destaca Invisibles, unha obra imprescindible para pensar no mundo que nos rodea e o que queremos ter. Tamén deixamos a guía didáctica da obra da que os nosos alumnos falaron coa autora o curso pasado, antes da pandemia... parece tan loxe xa.

Cuestionate: Loita pola igualdade

A pesar dos avances conseguidos aínda queda un longo camiño por percorrer para chegar a lograr unha igualdade real entre xéneros. Os datos actuais móstrannolo; na maioría dos países as condicións de igualdade entre homes e mulleres distan moito de ser unha realidade.

Se falamos de violencia, desde que se desatou o brote de COVID-19, os novos datos e informes revelan que se intensificou todo tipo de violencia contra as mulleres e as nenas, sobre todo, a violencia no fogar. É a pandemia na sombra que crece no medio da crise da COVID-19 e necesitamos un esforzo colectivo xeneral para detela.

Con este vídeo que forma parte do noso quiz "questionate" queremos falar diso dunha maneira diferente, dunha maneira lúdica, para conseguir unha futura cidadanía comprometida e sensibilizada que contribúa a vencer á violencia, rompendo estereotipos e cambiando mentalidades. 

Enrédate e crea fíos pola igualdade!

Exposición Dalí-Arte-Dalí-Ciencia-Dalí-Soño-Dalí-Realidade-Dalí

Esta exposición que podemos desfrutar estes días no noso instituto IES Fernando Esquío naceu o 11 de maio do ano 2004, data do “cumprecentenario de Dalí”. É resultado da análise da obra deste xenio, levada a cabo por un grupo de seis profesoras de distintas disciplinas de secundaria do “Instituto de Educación Secundaria Castro da Uz” nas Pontes de García Rodriguez. 

A orixe desta exposición estivo no propósito de mostrar que a ciencia forma parte do cotián e que debería verse como algo cercano e no tan difícil de comprender. A ciencia trátase, en xeral, como algo inhóspito, lonxano, casi coma un inimigo disposto a nos facer máis dura e “tortuosa” a aprendizaxe. Os nosos alumnos, en ocasións desculpados polo sistema educativo, temen ás matemáticas e á física, e venas inalcanzables. 

Nós pensamos que a ciencia forma parte da nosa historia, da nosa evolución. As sociedades evolucionan en función do seu desenvolvemento científico. Con esta exposición, pretendemos dar a mensaxe de que a ciencia non está rifada con disciplinas aparentemente tan distantes como a arte. Ó longo da historia, artistas como Leonardo mostráronnos que a arte e a ciencia tiñan moito máis en común do que en moitas ocasións admitimos. 

Pero, ¿por que Dalí? Ademais de porque o ano 2004 foi o seu ano, porque Dalí tiña un grande interese pola ciencia, estaba ó tanto de todos os descubrimentos científicos que se producían e sentía unha grande fascinación pola técnica. 

En ningún momento pretendimos con este traballo xustificar ou nin sequera plantexar a cuestión sobre a relación que Dalí tiña coa ciencia: que coñecía ou si a súa obra esconde todo o que se lle quere atribuír. Para nós Dalí, a súa obra, é a desculpa, o vehículo para tratar distintas cuestións relacionadas coas matemáticas ou coa física, … algo así como o azucre do xarope. 

Do que non temos dúbida é de que despois de coñecer algo máis da vida e da obra de Dalí, descubrimos un pintor extraordinario e unha personalidade moito máis profunda do que a súa excentricidade deixaba ver. Pero a intención é que cada un reflexione e saque as súas propias conclusións. 

 Por último, pode parecer estraña a inclusión da música entre os contidos da exposición, pero parecéronnos tan fermosos os cadros que non resistimos a tentación de incluílos. Ademais, arte, ciencia e música .... ¿No é unha boa combinación? 

María José Vergara Leonardo 

III Concurso de postal de Nadal científica

O EDLG e a Biblioteca convocan o III Concurso de postal de Nadal científica. Tes ata o 12 de decembro para participar. Anímate, que hai premio! Consulta as bases aquí.

100 Misterios de la pubertad ... para chicas y para chicos

Creencia popular: la adolescencia es una etapa de la vida que los chicos tienen que atravesar por sí solos, y en donde no hace falta enseñarles nada. ¡FALSO! Según los estudios, los adolescentes que no están informados sobre los desafíos de esta etapa tienen un 48% más de probabilidades de provocar embarazos no deseados, caer en adicciones, desarrollar baja autoestima y experimentar problemas de salud mental.

A puberdade pode parecer un territorio descoñecido, cheo de preguntas que a miúdo custa formular. Con "100 Misterios de la pubertad para chicas" e "100 Misterios de la pubertad para chicos" , a autora Magda Pabst ofrece unha guía clara, directa e baseada en estudos científicos para axudar aos adolescentes para comprender mellor os cambios físicos, emocionais e sociais que viven nesta etapa tan intensa da vida.

Os libros abordan cuestións como os cambios corporais, a saúde mental, a autoestima, a sexualidade, as adiccións, a amizade e o uso da internet. Cunha linguaxe próxima e sen tabús, pensado para mozos a partir da preadolescencia, é unha lectura que non só informa, senón que tamén empodera.

Ademais, é unha ferramenta moi útil para familias e educadores que queiran acompañar aos mozos con empatía e coñecemento. En definitiva, un libro necesario para romper silencios e abrir conversacións importantes.

O Día da Ilustración homenaxea a Siro

 

No 2026, o Día da Ilustración, que se celebra o 30 de xaneiro, renderá homenaxe ao artista gráfico Siro López, nado en Ferrol en 1943, e que destaca polo seu traballo de caricaturista político e humorista gráfico, ademais doutras facetas como retratista, debuxante e pintor. É a segunda vez que para conmemorar esta efeméride se escolle a unha persoa en vida.

Celebración do Samaín

O pasado xoves 30 de outubro celebramos o Samaín no noso IES. Antes do recreo, a marcha da Santa Compaña, capitaneada pola nosa encargada de Biblioteca, Begoña, desfilou polo corredor e polas aulas, acompañada dunha melodía terrorífica a cargo de alumnado de 3º da ESO, que tocou xunto coa súa profe de Música, Teresa. 

Ademais, tamén alumnado de 3º da ESO fixo un túnel do terror no que había que ser moi valente para atreverse a entrar. Pero isto non foi todo, senón que durante a celebración repartíronse os premios do concurso de microrrelatos de Samaín e puidemos desfrutar dun rico chocolate. 

Os titores e titoras tamén fixeron un labor mrabilloso para ambientar o instituto e decoraron portas e taboleiros das aulas co seu alumnado. Por último, os estudantes de Anatomía aplicada de 1º de Bacharelato fixeron uns magníficos traballos sobre enfermidades terroríficas, relacionándoas con diversas personaxes do Samaín.

Deixámosvos un resumo da nosa celebración na presentación!

Ledicia Costas, David Uclés e Lídia Jorge gañan o Premio San Clemente

Pel de cordeiro (Xerais), de Ledicia Costas; La península de las casas vacías (Siruela), de David Uclés; e Misericordia (La Umbría y La Solana), da autora portuguesa Lídia Jorge, son as novelas gañadoras da 29.ª edición do Premio Arcebispo Juan de San Clemente, que tne como particularidade que o xurado está formado por alumnado de bachillerato de dez centros educativos de Galicia, Madrid, Reino Unido, Francia e Alemaña.

Seguir lendo en La Voz de Galicia

Polo Samaín... novo concurso terrorífico

 

Estamos en tempos de medo, terror e maxia, e se vos gusta este tema vos propoñemos un novo concurso. Botádelle unha ollada ao panel do corredor, tedes que completar o boletín do concurso có título da película do fotograma. 

Deixádeo na biblioteca antes do 11 de novembro, publicaremos a listaxe de gañadores o mércores 12 de novembro.

24 de Outubro Día das Bibliotecas Escolares : contra a desinformación

Este ano, o Día das Bibliotecas, 24 de outubro, dedícase a un tema de máxima actualidade: a loita contra a desinformación. Con este motivo, La Voz de Galicia comparte un contido informativo de interese para os centros educativos, co obxectivo de concienciar ao alumnado sobre a importancia de acceder a fontes fiables, contrastar información e desenvolver o pensamento crítico.

O xornalista César Rodríguez ofrecerá un relatorio sobre a IA (desInformAción) na biblioteca do IES Urbano Lugrís, de Malpica, na que se abordarán cuestións como que é a desinformación, en que contexto se produce, a IA e a sabedoría das multitudes: algo é certo se se repite moito, imaxes e vídeos: autopistas para a desinformación e facilitará pautas para combater a desinformación clásica e a nova.

A charla, pensada para alumnado de educación secundaria emitiuse en directo por diferentes canles de La Voz de Galicia e o seu programa educativo (Prensa-Escuela) e eiquí a reproducimos completa:

24 Outubro Día das Bibliotecas Escolares: gañadores do concurso Astérix e Obélix

Có lanzamento da nova aventura de Astérix e Obélix, nesta ocasión en Lusitania, vos propuxemos o concurso e a relectura ou descubrimento para algúns de vos dos nosos galos favoritos. Esperamos que fora unha boa ocasión para engancharvos á lectura desta famosa banda deseñada e a continuación vos achegamos a listaxe de gañadores do concurso:

1º Premio ex aequo

• ·   Marco Magdalena e Roi Ledo de 1º ESO
• ·   Nicolás Ferreiro e Brais Martínez de 4º ESO

 2º Premio ex aequo

• ·   Diego de Deus de 1º ESO
• ·   Jesús López e Lucas Aneiros de 2º ESO

 3º Premio

• ·   Izan Martínez e Manuela Pérez de 1º ESO

Norabóa aos gañadores e grazas a todos os participantes

Bicentenario do nacemento de Avelina Valladares

 

Tal día coma hoxe de hai 200 anos nacía na Estrada Avelina Valladares, pioneira da literatura galega. Foi unha das primeiras mulleres en escribir artigos de opinión na prensa e unha precursora no emprego da lingua galega nalgúns dos seus poemas.

A pesar de ter unha profunda formación relixiosa, Avelina rompeu coas normas sociais da súa época, rexeitando unha e outra vez os pretendentes que viñan "salvala" da súa soltería. A emigración, Galicia, a orfandade, a fe e a súa propia familia foron temas recorrentes nas súas composicións.

Ademais dos seus textos, a autora deixou constancia do seu talento en composicións musicais e en debuxos.

Antía Yáñez gaña o premio Raíña Lupa

Antía Yáñez vén de gañar o premio Raíña Lupa de literatura infantil 2025, convocado pola Deputación da Coruña, pola súa obra Bragakadabra. O xurado destacou por unanimidade o humor, a imaxinación, a fantasía e a tenrura da obra, así como a reflexión que propón o libro sobre a capacidade de superación persoal e o empoderamento nun relato pensando para lectores novos pero de alcance universal.

Anímate a ler algunha das obras desta autora. Temos moitas delas na nosa biblioteca!

Día das Escritoras

O Día das Escritoras é unha iniciativa  organizada entre a Biblioteca Nacional de España, a Federación Española de Mujeres Directivas e Executivas Profesionais e Empresarias (FEDEPE) e a Asociación Clásicas e Modernas, asociación para a igualdade de mulleres e homes na Cultura. Ademais, contará coa colaboración de Asociación Colexial de Escritoras e Escritores (ACE) e oCentro Español de Dereitos Reprográficos (CEDRO). Desde 2016 búscase reivindicar o labor e o legado das escritoras a través da historia.

 Como en edicións anteriores, a data elexida é o luns máis cercano á festividade de Teresa de Jesús, o 16 de outubro. A X Edición celébrase este ano 2025  o 13 de outubro baixo o lema "1975: Escribide, compañeiras!l".

 "As escritoras activas ao redor de 1975 reflicten en moitas das súas obras o desexo dun cambio profundo e radical nas vidas das mulleres, denuncian a falta de liberdade e de autonomía, dan testemuño do que ocorre fóra de España, esixen unha nova orde amorosa e un cambio nas leis que as veu marxinando durante o franquismo".   Anna Caballé, comisaria de la X edición del Día de las Escritoras

Desde as bibliotecas escolares propomos que se visibilice a obra das escritoras galegas, ben a través dunha exposición, ben lendo fragmentos nunha maratón literaria ou mesmo nos clubs de lectura ou a través de actividades de investigación, exploración ou creación...

Na selección de textos en galego a transcrición dos distintos fragmentos decidiuse manter a ortografía da escrita orixinal previa ás convencións derivadas das Normas Ortográficas e Morfolóxicas do Idioma Galego de 1983. Alén de ser unha mostra da literatura do momento, é tamén un reflexo das dificultades que comportaba escribir nunha lingua que carecía dunhas normas ortográficas e morfolóxicas estables.

Vaia con esta escolma o noso agradecemento e recoñecemento a estas dez autoras, mulleres que nos anos 70 publicaron en galego, pola súa obra e o seu compromiso coa nosa lingua e a nosa cultura. 

SELECCIÓN DE TEXTOS EN GALEGO (Colaboración de  Amelia Outeiro, Alexandra Cabana, Pilar Sampedro e Eduard Velasco)

Contando ciencia de novo na Casa da Cultura de Fene

 

Violeta Miraz, profesora do IES de Fene e organizadora, explica que o programa naceu cunha intención clara: facer accesible a ciencia e fomentar o pensamento crítico, nun momento no que a desinformación e os bulos científicos circulan con facilidade. Segundo destaca, a resposta do público foi moi positiva, aínda que recoñece que lle gustaría contar cunha maior participación do alumnado dos centros educativos. “Ás veces custa atraer aos estudantes, pero o público adulto vaise contaxiando do interese pola divulgación científica. A clave está en contar temas complexos de forma sinxela e próxima”, sinala Miraz.

Novo Premio Nobel de Literatura 2025

László Krasznahorkai, un dos narradores máis orixinais da literatura europea, foi distinguido co premio Nobel de Literatura 2025.

O autor húngaro ha creado ao longo dos anos unha obra literaria singularísima, e talvez por iso comparoulla a miúdo coa doutros autores únicos na súa especie, como Kafka–o seu heroe literario–, Gógol, Beckett ou Bernhard. A desolación, a apocalipse e o absurdo, que constitúen o pano de fondo do seu mundo narrativo, non están rifados na súa obra coa procura da beleza ou o amor á natureza como reflexo da divindade. Aínda que Krasznahorkai afirmase que escribir é para el algo tan enigmático como «bailar no inferno», aos lectores a súa misteriosa danza parécenos máxica unha e outra vez.

Día do Docente

 

Celebrado anualmente o 5 de outubro desde 1994, o Día Mundial das e os Docentes conmemora o aniversario da subscrición da Recomendación da OIT e a UNESCO relativa á Situación do Persoal Docente (1966). Esta Recomendación establece criterios de referencia en canto aos dereitos e responsabilidades do persoal docente e normas para a súa formación inicial e perfeccionamento, a contratación, o emprego, e as condicións de ensino e aprendizaxe. A Recomendación relativa á Condición do Persoal Docente do Ensino Superior foi adoptado en 1997 para completar a Recomendación de 1966, abarcando así o persoal docente e de investigación do ensino superior.

É un día para celebrar como os e as docentes están a transformar a educación, para reflexionar sobre o apoio que necesitan para despregar plenamente o seu talento e vocación, e para repensar o camiño que queda por diante con respecto á profesión a nivel mundial. 

O Día Mundial das e os Docentes convócase en colaboración co UNICEF, a Organización Internacional do Traballo e a Internacional da Educación.

Falece Jane Goodall

Hoxe dedicamos este post á etóloga británica Jane Goodall, falecida onte aos 91 anos de idade, e quen é considerada a maior experta mundial en chimpancés. Estudounos durante máis de 60 anos en estado salvaxe e descubriu neles pautas de conduta e habilidades descoñecidas ata entón. O seu traballo foi fundamental para comprender as raíces do comportamento humano, dada a proximidade evolutiva das dúas especies.

Ler máis en SINC

Astérix e Obélix...e tamén Ideafix claro

 Visitade a web oficial da saga e saberedes máis da nova película... e no corredor do centro os nosos fondos:

• Aprende a debuxar aos nosos personaxes.
• Atopa a entrevista a Astérix e Obélix sobre a súa nova aventura.
• Fíxate se na nosa biblioteca están todos os álbumes-cómic
• Descobre as películas de animación e as de personaxes reais
• Quen é quen entre os galos e entre os romanos...incluso os outros personaxes.

Pero sobre todo non deixedes de participar, todos teñen premio.

No Día das Bibliotecas Escolares... Astérix e Obélix

A piques de sair unha nova aventura de Astérix e Obélix, nesta ocasión en Lusitania, queremos invitarvos a descubrir esta saga tan marabillosa con motivo do Día das Bibliotecas Escolares o 24 de outubro.

Desde a primeira publicación dunha tira cómica de Astérix no primeiro número da revista Pilote o 29 de outubro do 1959, as aventuras de Astérix o Galo teñen percorrido un longo camiño: 40 álbumes de banda deseñada, 5 álbunes ilustrados, libros especiais e edicións de luxo moi buscadas polos coleccionistas...Esta saga traducíuse a máis de 110 idiomas e dialectos, é imprescindible!!

Para iso vos propoñemos un xogo, un concurso; no que teredes que demostrar canto sabedes dos irreductibles galos. Teredes que cubrir correctamente os boletíns do concurso e deixalos na biblioteca antes do 22 de outubro. As parellas gañadoras serán nomeadas o venres 24 de outubro e na festa do Samaín teremos a entrega de premios.

NON DEIXEDES DE PARTICIPAR

Boletín 1, boletín 2, boletín 3, boletín 4 e boletín 5

II Concurso de microrrelatos de Samaín

Desde o EDLG e a Biblioteca do IES Fernando Esquío, un ano máis, propoñémosvos un concurso de microrrelatos para o Samaín. Podedes consultar as bases aquí, así coma nos carteis que hai colocados polo centro. Animádevos a participar e sede creativos! Hai premio para o mellor microrrelato de cada categoría!

Novidade: Misión en París

Comezamos este novo curso con unha novidade: 

volve Alatriste con Misión en París!

Revista Trovador Esquío

 Tras meses de traballo e para pechar este curso, por fin podemos compartir con vós o primeiro número da revista Trovador Esquío, na que se recollen moitas das actividades realizadas ao longo do curso polos diferentes niveis e grupos. Esperamos que vos guste e que en edicións posteriores vos animedes a participar con máis crónicas!

Letras Galegas 2026: Begoña Caamaño

A Real Academia salda unha débeda co feminismo e co xornalismo: Begoña Caamaño, Letras Galegas 2026.

A xornalista e autora Begoña Caamaño (Vigo,1964 - Santiago de Compostela,2014) será a protagonista das próximas Letras Galegas. Así o anunciou este venres a Real Academia Galega (RAG) nunha rolda de prensa no pazo de María Pita, en A Coruña, onde a institución ten unha das súas sedes mentres se reforma o seu edificio na cidade.

O presidente da Real Academia Galega, Henrique Monteagudo, subliñou que as Letras do 2026 serán «unha oportunidade para coñecer a unha figura tan inspiradora como é a de Caamaño». Ademais, sinalou que tamén serve para poñer o foco nos xornalistas «nun momento histórico oportuno para isto». Sobre  a súa obra, indicou que aborda a mitoloxía clásica e artúrica. En canto a súa traxectoria profesional, apuntou que se centrou «na defensa dunha profesión xornalista e crítica». 

Seguir lendo en La Voz de Galicia

Non deixedes de ler tamén no verán...

 

Lembrade levar os vosos títulos para ler no verán!

Boletín de recomendacións de lecturas para o verán

Para ler cos enlaces.

Enquisa funcionamento da Biblioteca Escolar

Novidade: De nenas a lendas: 15 historias de emprendemento feminino

Unha iniciativa única de sensibilización e empoderamento que forma parte da campaña Enredadas e foi impulsado e desenvolvido por 24 mulleres (2 máis na súa versión en galego), dá voz ás historias de 16 emprendedoras de diferentes países —España, Bolivia, Colombia, Nicaragua e Perú— e promove o valor da perseveranza, a creatividade e o liderado feminino en contextos diversos e moitas veces adversos. Cun enfoque didáctico, De nenas a lendas preséntase como unha ferramenta educativa que inspira a novas xeracións a desenvolver o seu espírito emprendedor e a afrontar os desafíos desde a valentía e a resiliencia.

Esta obra busca inspirar e educar sobre o valor da perseveranza e o liderado feminino en contextos diversos. Cada historia, ilustrada por unha artista diferente, eleva a estas mulleres como referentes para novas xeracións.

Para descargar a obra

Festexando as Letras

cartaz feito polo alumnado do obradoiro de papiroflexia

Hoxe festexamos por todo o alto o Día das Letras Galegas no IES: o alumnado de 3º da ESO recitou un poema da obra Cantares gallegos, de Rosalía de Castro e, ademais, un grupo de profesores/as e alumnos/as tocou música tradicional galega e bailou no patio do centro, mentres outros cantaron ao son da música. Deixámosvos uns vídeos da celebración e o enlace para ver a galería de fotos.

Premios I Concurso de poesía

 Imos cun pouco de retraso neste final de curso no que o tempo non nos chega, pero por fin publicamos as fotos da entrega de premios do I Concurso de poesía.

As gañadoras do concurso foron:

• Noelia Casal Otero, de 2º A ESO, na categoría de haikus.
• Aldara Pérez Serantes, de 1º B da ESO, na categoría de poesía escura.

Ademais, tivemos os seguintes accésits, todos eles na categoría de haikus:

• Isabela Abeledo França, de 1º A ESO
• David Abeledo Feal, de 2º A ESO
• Simón García Sisto, de 2º A ESO
• Laura Tojeiro Fraga, de 2º B ESO

Moitas grazas a todos/as os/as participantes!

A xeometría na Alhambra

Estes días temos no noso corredor da planta baixa a presentación que leva por título A xeometría matemática na Alhambra, realizada no Club de ciencia e que vos compartimos a continuación. Un tema do máis interesante!

Eva Mejuto na nosa biblioteca

Hoxe temos o pracer de recibir a visita de Eva Mejuto na nosa biblioteca.

Nun encontro cos rapaces de 1º e 3º da ESO vainos falar de 

22 segundos e Memoria do silencio.

Coñecendo a xeoloxía da nosa contorna

 

O 22 de abril, o alumnado de Bioloxía, Xeoloxía e Ciencias Ambientais de 1º A de Bacharelato tivo a oportunidade de realizar unha saída para coñecer a xeoloxía da contorna do centro. Os/as estudantes estiveron no Coto de Ancos, onde puideron ver in situ os ortogneis característicos do lugar, así como comprender a formación da ría de Ferrol. Así mesmo, visitaron Penas Louseiras, onde descubriron as lousas verticais características da zona, así como as corneanas formadas como consecuencia do metamorfismo de contacto entre as lousas e os granitos. Por último, estiveron tanto a pé da fervenza do Belelle, como observándoa desde o miradoiro de Viladonelle, aprendendo sobre a formación das marmitas de xigante. Todo isto grazas ao xeólogo Francisco Canosa, que foi o guía da nosa visita.

Trátase dunha saída organizada polo Departamento de Bioloxía e enmarcada no Plan Proxecta Antonio Fraguas Fraguas, co obxectivo de coñecer o patrimonio xeolóxico próximo ao centro educativo.

Paseo da fama para o Día do Libro 2025

XX Xornadas Literarias adicadas a Alfonso Daniel R Castelao

A figura de Alfonso Daniel Rodríguez Castelao será a protagonista da vixésima edición das Xornadas Literarias de Neda. O evento cultural, que se presentou na Facultade de Humanidades e Documentación do Campus de Ferrol, ofrecerá entre o 24 e o 27 de abril unha visión ampla de quen para moitos é o intelectual galego máis destacado do século XX. Escritor, político, debuxante, investigador…

A apertura das Xornadas literarias terá lugar o 24 de abril, a partir das 18 horas, na Casa das palmeiras, cunha intervención da rapazada que integra o Club de lectura Pantasmas de papel, do IES Fernando Esquío, e máis a conferencia do escritor e crítico literario Manuel Rei Romeu: “Castelao desta terra e deste tempo”.

Seguir lendo...

Boletín Abril-Maio, Mes do Libro e a Lectura

Para ler online cos enlaces.

Rutas xeolóxicas

 

Esta semana santa, o Xeoparque de Cabo Ortegal organiza dúas XeoRutas guiadas en autobús: 

- O venres 18 de abril, a XeoRuta da Costa, percorrendo a costa de Loiba.

- O domingo 20 de abril, a XeoRuta do Interior, visitando Pico Ferreira, os muíños de Loureiro e unha histórica canteira de toelo.

Tedes aquí toda a información. Dádevos présa, que as prazas son limitadas!

Cienciaflix

No mes do libro e da lectura, desde o Club de ciencia do noso IES fixéronnos unha serie de recomendacións de lecturas científicas que nos parecen moi interesantes e que compartimos con vós. Animádevos e levade algunha delas para estas vacacións de Semana Santa!

Novidades: Amar (o como se llame)

Xa na nosa biblioteca

Este libro ha nacido de un concurso para dar voz a autores nóveles de la literatura. Y ellos nos han regalado diez historias fascinantes sobre el amor en todas sus formas. Porque sí, hay muchas formas de amar, pero todavía hay muchas más formas de contar el amor.

Los diez ganadores del concurso han creado, sin saberlo, un hilo entre ellos que une todo lo que significa el amor y todas las caras que tiene. El amor tiene muchos nombres y, al fin y al cabo, qué importa cómo se llame.

Los ganadores del concurso nos dieron sus diferentes perspectivas sobre el amor. A través de sus relatos conocemos, no solo diferentes formas de amar, si no, también, a los propios autores. En todas estas historias queda un poso de ellos mismos.

• Irene Gijón Caso por Trepadoras
• Paula Cubero Timón por Se busca
• Tania Rivero Rodríguez por Caleidoscopio
• Ana Belenguer Martín por Pasatiempos
• Gonzalo Sánchez Arias por De los sueños y el mar
• Esther Martínez Cartas por Daltonismo emocional
• Clara Molero Guío por Como dos teteras que sucumben al éxtasis
• Ignacio Llanes por Más o menos mágico
• Gabriela Portillo Menéndez por Pendiente de un hilo
• Julen Azcona Martín por No sé, dieciocho

Novidade: Los lobos esperan

 −¿Estabas borracha?  Nora se sintió arder de furia. Estaba harta de aquella pregunta. ¿Qué diferencia suponía que estuviera borracha o colocada o drogada o sobria, o si llevaba un vestido de campesina o un tanga, o si conocía a esos chicos, o si nunca los había visto en la vida?

Nora ha aparecido tirada en la hierba de un campo de golf. No recuerda nada desde que se bebió un refresco que alguien le dio hasta ahora mismo, cuando la ha despertado su amiga...

... Cam, que ha encontrado a Nora inconsciente. La cosa podría haber sido mucho peor, porque, hace un rato, Nora estaba rodeada de tres desconocidos a los que, por suerte, hizo huir...

... Adam Xu, el chico tímido y empollón de su curso. El mismo que empezó a crecer hace poco y ahora es deportista; el mismo que lleva desde cuarto de primaria enamorado en secreto de la chica perfecta:

Nora. Que solo quiere olvidarse de lo que ha ocurrido.

Pero lo que ha pasado no solo le ha pasado a ella: les ha pasado, y les sigue pasando, a todas las mujeres de su pueblo. De su estado. De su país. Del mundo...

A que esperas para lelo! Xa na biblioteca.

No mes do Libro e a Lectura: ¿Por qué leer libros nos cambia la vida?

Día do Libro Infantil e Xuvenil

Hoxe celébrase o Día do Libro Infantil e Xuvenil, unha data elixida en homenaxe ao famoso escritor danés Hans Christian Andersen. E xustamente hoxe acabamos de coñecer que a escritora viguesa Ledicia Costas resultou gañadora do prestixioso Premio Barco de Vapor SM de Literatura Infantil. O xurado escolleu a súa obra 'Feriópolis' (SM) como a mellor do ano nesta categoría fundamentando a súa decisión por ser esta "unha obra de fantasía que dá voz ao mundo interior dos cativos en toda a súa complexidade, ofrecéndolles un refuxio". 

No Día Internacional da LIX: ler é vivir dúas veces...

Visita ao Salón do Libro 2025

 

Ver a galería

O pasado venres 28 asistimos ao Salón do Libro de Pontevedra xunto có club de lectura do IES de Breamo. Ademais da nosa visita guiada ao Salón disfrutamos dun encontro con Fran Alonso quen nos presentou a súa última obra "A revolta da lectura", asistimos ao musical Os miserabeis interpretado polo alumnado e profesorado do IES Illa de Ons de Bueu, visitamos no Museo Provincial os fondos da exposición arqueolóxica que teñen así como a sala Castelao coas súas obras... un pracer no Ano Castelao no que lembramos os 75 anos do seu pasamento.

Día das Artes Galegas 2025

Este ano, o Día das Artes Galegas, que se conmemora o 1 de abril, está dedicado a Isaac Díaz Pardo. O EDLG elaborou a presentación que podedes ver nas diapositivas, que xa se atopa colocada no corredor do noso IES. Non deixedes de aprender sobre este referente cultural galego tan importante!

Día Mundial do Teatro

Hoxe celébrase o Día Mundial do Teatro, unha conmemoración establecida polo Instituto Internacional do Teatro  lembrando a apertura do Teatro das Nacións en París. O seu obxectivo é promover o teatro en todas as súas formas arredor do mundo e crear conciencia sobre o seu valor. Na nosa biblioteca temos numerosas obras teatrais que vos animamos a ler e, se aínda non o fixestes, comezar a mergullarvos neste xénero tan interesante.

Día internacional dos bosques... os nosos pulmóns e unha novidade

Sabes, de verdad verdadera, como es que funcionan los bosques? En un bosque todo está conectado. Pero además, todas las personas estamos también conectadas con los bosques. Y es que, sin duda, el bosque es nuestra casa. Entra en este libro y descubrirás un montón tan grande de cosas alucinantes (y que muy poca gente sabe) que te convertirás en especialista en bosques. Garantizado!

Con O bosque é a nosa casa atoparedes moita información.

Día da Poesía

 

Semana do Cinema Galego

Do 26 ao 29 de marzo, terá lugar a sexta edición da Semana do Cinema Galego, que se levará a cabo no Teatro Colón da Coruña. Durante estes catro días exhibiranse oito das producións máis recentes e recoñecidas da industria cinematográfica asinada en Galicia. A entrada é de balde ata completar aforo. Tedes toda a información sobre a programación aquí. Non vos perdades este evento!

Novidades: Unha noite no tren da Vía Láctea

Por fin a famosísima obra literaria de Kenji Miyazawa se publica en galego. Neste volume, traducido por Gabriel Álvarez e ilustrado por Miguel Robledo, inclúense sete dos seus relatos máis coñecidos: ‘Unha noite no tren da Vía Láctea’, ‘A estrela da avenoiteira’, ‘A araña, a lesma e o tanuki’, ‘A oficina dos gatos’, ‘Orbel e o elefante’, Matasaburó, o do vento’ e ‘Gauche o violoncellista’. A poesía do cotián, a desbordante imaxinación e a tenrura caracterizan un clásico moderno, considerado “o Principiño” da literatura xaponesa.

Comezar a ler descargando as primeiras páxinas desde a web da editorial..

Día do Cómic e do Tebeo

O 17 de marzo celébrase o Día do Cómic e do Tebeo e nós queremos conmemoralo recomendándovos a novela gráfica Rosalía Oculta, Premio Castelao de Banda Deseñada 2023, xa está á vosa disposición na nosa biblioteca.

Deixámosvos a continuación a sinopse:

Rosalía de Castro foi, sen ningunha dúbida, unha muller avanzada ao seu tempo. En pleno século XIX, cando a vida das mulleres practicamente se reducía ao fogar, unha escritora nova loita por expresarse libremente nunha sociedade que a ignora e a censura. A súa obra fálanos da súa terra, da opresión e da marxinación do pobo, de temas tan actuais como o feminismo, as diferenzas entre clases, a emigración, a Igrexa e a androxinia. Só podemos alcanzar a xuntar unha pequena parte do quebracabezas que compón a súa persoa e iso é, en definitiva, o que tenta mostrar esta novela gráfica.

I Concurso de poesía

O próximo 21 de marzo celébrase o Día Mundial da Poesía, que conmemora unha das formas máis preciadas da expresión, identidade e lingüística da humanidade. Nós queremos contribuír a conmemorar este día e, por iso, desde o EDLG e a Biblioteca, lanzamos o I Concurso de poesía, no que podedes participar a través de dúas categorías:

• Categoría A: creación de haikus
• Categoría B: poesía escura

Consultade aquí as bases.

Animádevos a participar, que hai premio!

Día de Pi

Hoxe celébrase o Día de Pi e nós queremos conmemoralo co poema que a poeta polaca Wislawa Szymborska escribiu en 1976 e que vos deixamos a continuación. Esperamos ter feito unha tradución o máis fiel posible ao poema orixinal e que vos guste.

8 de marzo: Ver para crer