Xa estamos preparando o novo curso....

 

pero mentras o momento chega, toca descansar, felices lecturas!!

Olimpiada Cultural, preguntas e respostas

Preme na imaxe ou no QR do pé

Para despedir o curso queremos deixarvos a recopilación das preguntas e respostas da IV Olimpiada Cultural para que lle botedes unha ollada: os que participastedes para que lembredes o voso paso pola proba, e os que non participastedes para que vexades que con un pouco de interese e moita curiosidade podedes solventar as probas.

O reto é voso, queredes participar o vindeiro curso? pois quentade motores  porque nos xa estamos buscando probas, e non deixedes de anotarvos na vindeira convocatoria que salirá o 1 de decembro para ter a V Olimpiada Cultural á volta do Nadal.

Vos atrevedes??

Harry Potter cumpre 25 anos

 

preme na imaxe  e move o rato cara abaixo para despregar a información.

Harry Potter cumpre 25 anos e nos non deixamos de lelo.

Seguir lendo en La Vanguardia.

Máis info do 20º aniversario tamén en La Vanguardia.

Ano Santo: Iacobus Maris

Entre os días 24 de xuño e 22 de xullo, once grandes veleiros conmemorarán a viaxe do corpo do Apóstolo Santiago nun roteiro marítimo desde Xénova, en Italia, ata o porto de Vigo, durante unha travesía onde tamén percorrerán os territorios de Valencia, Sevilla e O Porto. Entre goletas, bergantines, pailebotes, carabelas e barcos da Volvo Ocean Race, o roteiro terá catro etapas ata a súa chegada a Galicia o 22 de xullo e poderá vivirse en cada un destes cinco portos onde recalará a frota. Posterior á chegada dos tripulantes ao porto vigués, serán trasladados en autobuses ata o Monte do Gozo para facer o último percorrido a pé ata Santiago de Compostela. Igualmente, os peregrinos terán dereito á Compostela, un recoñecemento que expide o Arcebispado de Santiago de Compostela en recoñecemento ao seu esforzo por completar a travesía.

Seguir lendo en La Voz de Galicia

Para saber máis Iacobus Maris.

Roteiro "O último barco"

Para rematar o curso, o grupo do club de lectura de adultos achegámonos a Moaña e Vigo para darlle unha homenaxe a Domingo Villar recentemente falecido.

Grazas á Asociación A illa dos ratos percorrimos as localizacións en Moaña, e Óscar, o noso guía, nos fixo lembrar moitos dos momentos relevantes na novela, grazas ao seu entusiasmo volvemos a ver a vila desde os ollos de Leo, incluso os de Estevez esperando os ladridos dalgún can no contorno. Visitamos a igrexia de San Xoan recentemente premiada pola súa restauración tan respetuosa e axeitada, vemos os miradores e as praias nas que Leo paseou con Walter, respiramos o mar salgado da ría de Vigo que vese ao lonxe, buscamos ao Vaporoso nas chalanas atracadas, imaxinamos a Camilo polas corredoiras, a Mónica no seu gabinete...e a Domingo, sempre Domingo falando coas persoas desta vila para forxar a súa historia.

Logo do almorzo, cruzamos a ría nun barco dos Piratas de Nabia para achegarnos á Escola Municipal de Artes e Oficios, onde esperabamos ver a Napoleón na porta co seu estimado Timur, paseamos polas rúas desta cidade que sempre está en obras, para finalmente ollar no Elixio, taberna sempre disposta a ofrecer unha cunca de caldo e un grolo de bo viño... 

Moitas grazas aos participantes por ter o ánimo por encima da tristeza de perder ao autor, para viaxar a Vigo e Moaña. Disfrutamos deste día perfecto no que a calor non fixo acto de presenza e a chuvia nos respetou o suficiente para ter unha xornada moi productiva.

E grazas de novo a Óscar quen nos fixo o roteiro do máis ameno.

Guía da visita en Moaña.

Guía da visita en Vigo e percorrido en google maps.

Final de curso: Recitado e representación teatral

No último día do curso os alumnos de 1º ESO A fixeron unha representación de varios relatos,  os de 1º ESO B un recitado colectivo e unha alumna de 3º ESO A recitou varios poemas do noso compañeiro e profesor de música Paulino Pereiro.

Norabóa por tan boa iniciativa e traballo por parte dos rapaces e as profesoras Mar e Carme.

Roteiro por Ribadavia

Preme para acceder á galería

O pasado 14 de xuño tivemos o roteiro por Ribadavia para despedir o curso do Club de Lectura, disfrutamos dun día axfisiante pero tivemos moitas cousas que facer:

• Visitamos o Museo Etnológico de Ribadavia, onde nos mostraron as tripas dun museo que preserva a nosa memoria, vimos cómo tratan os fondos bibliográficos históricos, e cómo restauran as doazóns e materiais delicados. Grazas a Rosa e María José vimos un museo dende outro punto de vista.
• Fixemos unha visita guiada á vila grazas aos rapaces do IES O Ribeiro, as profesoras Isabel e María prepararon unha guía sobre a historia de Ribadavia incluíndo as localizacións máis sinaladas na novela Memoria do silencio de Eva Mejuto, e os rapaces do club de lectura e outros que o leran este curso, fixeron de cicerones. Os rapaces dividíronse en grupos para poder camiñar, e foi unha visita moi instructiva.
• Para agradecer o encontro, lles demos como agasallo aos rapaces unhas chapas do noso club de lectura e o boletín coas cantigas do noso Fernán Esquío, e as nosas especialistas do museo o mesmo boletín.
• Por último nos relaxamos na área recreativa a Veronza fronte ao IES, pois ía moita calor, 34º, e á sombra almorzamos e nos demos un chapuzón, sempre moi ben acompañados.

Moitas grazas ás profesoras e rapaces de Ribadavia, así como ás responsables do Museo por darnos tanto a coñecer.

Entrevista a Albert Espinosa

Un dos nosos autores favoritos é Albert Espinosa do que limos El mundo amarillo e Brújulas que buscan sonrisas perdidas pero ten máis que aportar non só nas sús historias ou películas, acaba de estrear Life is Life: as súas entrevistas son un canto á vida, unha ensinanza para todos.

Na entrevista que reseñamos hoxe, comenta que levaba 3 anos sen conceder ningunha pois estaba preparándose para morrer xa que lle dixeran que non chegaría aos 50 anos. Pese a telos cumpridos, segue traballando, segue falando, dándonos unha lección de humildade e sabedoría vital.

Non deixedes de ler a entrevista en El Mundo, ten momentos incribles:

"Mi médico me dijo que a los 50 moriría por el tipo de cáncer que tenía. He cumplido 51 y estoy vivo. Me tomé de los 47 a los 50 años un tiempo para poder descansar y prepararme para morir, pero no me he muerto"

 "Antes de la pandemia, me vino una chica de 16 años con el libro de su padre que se acababa de morir y le quedaba medio capítulo. Me pidió que lo leyésemos juntos y fue uno de los momentos más emocionantes de mi vida. Ella llevaba seis meses sin terminar el libro y fue muy bonito leerlo con ella."

 "Yo con el cáncer aprendí que las pérdidas son ganancias y, si en el colegio hubiera asignaturas sobre el amor, las pérdidas y la muerte, todo sería más sencillo."

"Pensábamos que con la pandemia íbamos a ser más empáticos que nunca y yo creo que lo hemos sido menos."

 "De la misma manera que para erradicar el bullying se tendría que poder castigar a los padres de los acosadores."

Para saber más:  Blog de Albert Espinosa

Recomendacións de lecturas para o verán

 Para ver os enlaces

"santoamaro" de Antonio M Fraga na lista OEPLI deste ano

"santoamaro" (XERAIS) lembraredes que tivemos ao autor na nosa biblioteca, foi seleccionado para o catálogo de 200 libros que anualmente publica a Oepli Literatura Infantil-Juvenil. Outra raiola do mencer que chega a esta praia.

Norabóa a Antonio Manuel Fraga e esta é unha boa ocasión para reler a obra.

"Finalizado o seu derradeiro ano no instituto, unha cuadrilla de rapaces e rapazas disponse a gozar do verán tras o cal, posiblemente, os seus camiños se afastarán para sempre. Despois dunha noite de festa acaban na praia de Santo Amaro, onde prometen xuntarse nas madrugadas dos sábados para bañarse no mar e conversar. Nese único escenario van agromando as relacións e os segredos, a amizade e a traizón, os medos e as feridas. Cara ao final do verán, un terrible acontecemento dinamitará o que semellaba un grupo indestrutible e desvelará aspectos dos protagonistas ocultos ate entón."

Enquisa sobre o funcionamento da Biblioteca Escolar

Esta enquisa é anónima e as túas respostas axúdannos a mellorar polo que vos pedimos o máximo respeto e sinceridade á hora de responder.

Grazas

Premio Lazarillo 2021 de novo para Ledicia Costas

 

De novo Ledicia Costas gaña o Premio Lazarillo 2021 na modalidade de Creación Literaria coa súa obra "A lebre mecánica"...e xa perdemos a conta. 

Segundo o xurado, o texto gañador «trata cun bo nivel de linguaxe para os adolescentes a diversidade de xénero e a ludopatía, destacando que a obra combina de maneira equilibrada a narración e os diálogos, con reflexións contrastadas e conformes ás vivencias da idade».

Esperamos a súa publicación con interese!!

Arte e palabra

Os alumnos de Debuxo Artístico nos fixeron un agasallo neste mes tan literario, unha interpretación visual de varios textos.

Moitas grazas a Carmen Ozema, profesora creadora da actividade, e a todo o alumnado que puxo arte na palabra.

ExpOtaku 2022

 

Ver a galería

Nos 2 cursos pasados non puidemos asistir ao ExpOtaku por mor da pandemia, pero este curso nos desquitamos e asistimos membros do club de manga e o resto dos clubs de lectura convencionais, non podía ser doutro xeito pois foi a 1º excursión do ano, por fin!

Letras Galegas : Florencio Delgado Gurriarán

Letras Galegas...fermosas palabras

A rosa incandescente

 

Neste día queremos felicitar a Anxos García Fonte e a Glafira Fernández-Campoamor polo seu magnífico traballo e a súa xenerosidade creando uns materiais excepcionais sobre a figura da nosa poeta universal; Rosalía de Castro.

No seu momento visionamos a película, na presentación en Chantada e agora vai rulando por moitos lugares, lles desexamos todos os parabéns e que nos certames aos que se presente, os gañe.

Podedes atopar toda a información na súa conta de facebook "A rosa incandescente" ou no seu Instagram.

Visitounos Ledicia Costa

 

Ver a galería

O pasado luns 9 de maio veu visitarnos Ledicia Costas, xa levabamos anos pendentes de ter este encontro pois nos distintos clubs de lectura disfrutamos de Escarlatina, Esmeraldina, Infamia, Jules Verne e as mulleres planta, O corazón de Xúpiter..., e agora Golpes de Luz, novela publicada este ano.

María López de 2º de BAC fixo a presentación da autora e esta falounos da escrita, de cómo chegou a ela, o que supuxo falar do Vigo da súa infancia lembrando ao seu padriño, o ambiente da droga naqueles tempos, da forza das mulleres reflexada nunha avóa máxica, Luz, que é todo un símbolo do matriarcado. A recibimos cunha Esmeraldina cociñeira un pouco crecida pero ben vestidiña.

Para os que queirades escoitala, temos unha mostra da súa intervención pero sempre é un pracer escoitala en persoa.

Moitas grazas a Isabel Armesto de Xerais por facer posible este encontro cos rapaces de 2º BAC, 4º ESO e algún que outro membro do club de lectura.

Letras Galegas 2022: Florencio Delgado Gurriarán

Preme na imaxe

Nesta semana tan especial vos achegamos a figura do personaxe galardoado coas Letras Galegas deste ano. O poeta que cruzou o océano é un reflexo da cultura galega no século XX. Militante do Partido Galeguista, exiliado en América, colaborador de Castelao, promotor de iniciativas editoriais e radiofónicas. Como poeta escribiu entre dous mundos: a súa terra de Valdeorras e o país de acollida, México. No especial do Consello da Cultura Galega atoparedes diferentes contidos co obxectivo de dar a coñecer a vida e obra do poeta e poñer en valor o seu legado.

 

ExpOtaku 2022: Programa de actividades

 

Xa estamos quentando motores para a nosa 1º excursión do curso, ao ExpOtaku.

Premede na imaxe para ver o programa do venres.

Día de Europa polo obradoiro de papiroflexia

 

No día contra o acoso escolar...

 

Boletín do Mes das Letras: Abril-Maio

 

Se queredes ver o boletín cos enlaces premede aquí

Exposición Historia do Libro

Como sabedes dispoñemos dunha exposición fantástica sobre a Historia do Libro que este ano está de novo no centro e vos invitamos a visitala e aprender da nosa historia.

O ser humano desde o seu inicio, foi un ser social, comunicamos as nosas alegrías, inquedanzas...en moitos casos non podemos estar calados, gústanos contar e esa habilidade a plasmamos na arte desde tempos inmemoriales ata a actualidade, desde as pinturas rupestres ata o libro electrónico, non deixamos de plasmar historias, e por iso esta exposición.

Podedes ver as fotos, podedes ver o vídeo e podedes entrar no site dos materiais das outras veces que a exhibimos, xa desde o 2009 non só no noso centro senón que andivo rulando por moitos centros que nola pediron.

Disfrutade dela e, cómo non, Feliz Día do Libro

 

No Día da Terra...

 

Novidade: La gran expedición

Este libro, como o tempo, desprégase como un acordeón: atravesa as eras xeolóxicas, presentando, en cada unha delas, ás criaturas que habitaban o mundo: bacterias, plantas unicelulares, dinosauros, mamíferos, etc. Esta é unha verdadeira expedición ao comezo do tempo, para comprender como foi a evolución da vida na Terra. Dun lado do libro-acordeón, están desenvoltas as épocas terrestres nun colorido despregue, acompañado de breves textos explicativos. No reverso, represéntase a historia da Terra mediante unha cronoloxía gráfica, que finaliza co desenvolvemento da especie humana.

Un pracer percorrer "La gran expedición" xa na biblioteca.

No Día do Libro...leva un marcapáxinas

 

Os rapaces do Obradoiro de Papiroflexia fixeron uns marcapáxinas de agasallo para todos os que se achegaron á biblioteca e levan un libro nestes días.

Moitas grazas polo voso esforzo e 

Felíz Día do Libro

Novidades: Caleidoscopio animal

Máis de oito millóns de especies animais nadan, sobrevoan, axexan e deslízanse polo noso planeta, mentres locen baixo o sol a súa asombrosa gama de tons e estampados. Pero cal é o porqué das súas fermosas cores? Por que algúns animais optan por unha capa dunha única cor, mentres que outros prefiren un crisol de tonalidades? Que función teñen as manchas e as raias? Por que algunhas crías son tan diferentes aos seus pais? No Caleidoscopio Animal, unha viaxe a través do arco da vella da nosa fauna descubriremos desde paxaros con plumas iridiscentes e gatos de pelame sofisticada ata peixes con escamas relucentes e ras de pel venenosa. Todos estes curiosos revestimentos teñen unha razón de ser: axudan aos animais para sobrevivir e a proliferar. Os patróns da súa pel, os seus atrevidos debuxos e rechamantes cores axúdannos a distinguir entre machos e femias, entre mozas e adultos; tamén a diferenciar quen son débiles ou fortes. Sexa cal for o seu propósito, as cores e deseños das criaturas fan do noso mundo un lugar máis belo e interesante.

Día das rapazas na rede

O Centro de Supercomputación de Galicia organiza unha charla-coloquio no CESGA sobre as oportunidades para as rapazas no eido das novas tecnoloxías, coa participación en directo de 4 mulleres emprendedoras que traballan neste eido, con motivo da celebración do Día Internacional das Rapazas nas TIC, auspiciado pola ITU (International Telecommunication Union).

O evento está relacionado coa iniciativa "Rapazas Emprendedoras nas TIC" do Plan Proxecta e o proxecto europeo ICT-Go-Girls! e colaborando coa Secretaría Xeral de Igualdade.

Este evento está dirixido especialmente a todos os centros escolares de Galicia, principalmente último ciclo de primaria e educación secundaria, que poden participar na retransmisión da videoconferencia en vivo ao evento, facer preguntas e intervencións dirixidas ás participantes no CESGA.

Letras Galegas 2022: Florencio Delgado Gurriarán

As Letras Galegas 2022, dedicadas a Florencio Delgado Gurriarán, permiten a redescuberta dun autor inserido nas coordenadas da vangarda enxebre ao que cómpre engadir unha poesía, bastante descoñecida, que contén cantos xeórxicos, exaltacións dionisíacas e eróticas ou que participa da poesía de combate e denuncia social. 

A Obra poética de Florencio Delgado Gurriarán inclúe Bebedeira (1934), Galicia infinda (1963), Cantarenas (1981) e O soño do guieiro (1986), así como un monllo de textos aparecidos en publicacións periódicas que confirman un autor que non só continúa o ronsel iniciado por Amado Carballo, senón que presenta variados estilos e temáticas. Esta rigorosa edición da Obra poética, que recompila toda a produción lírica coñecida do autor valdeorrés, estivo ao coidado do profesor e crítico Xosé Ramón Pena, que leva a termo unha ampla e minuciosa análise da obra de Delgado Gurriarán, así como da fixación dos textos.

No mes do libro e a lectura atréveste có xogo do libro?

Entrega premios concurso: E logo... tí de quen ves sendo?

Norabóa aos gañadores e

 grazas a todos os participantes!

Novidade: Manos a la tierra

 

Coidar un xardín e observar a natureza é algo que podemos facer todos, mesmo se só temos un pequeno patio, un balcón ou tan só unha xanela. Este libro ofrece unha vintena de ideas e proxectos relacionados coa natureza, que farán que os máis pequenos da casa póñanse «mans á terra». Preparar un pequeno xardín para polinizadores nunha maceta, facer bólas de sementes das que brotarán flores na beirarrúa, cultivar novas plantas a partir de restos de hortalizas ou deseñar fragantes tarxetas de felicitación resultará fácil e irresistible para os xardineiros curiosos.

Manos a la tierra. Cuida tu propio jardín

Mapas literarios, onde te gustaría perderte?

Hai historias que non poderían suceder en calquera lugar. Como ocorre con toda a gran literatura, a ambientación, o escenario e a paisaxe son tan importantes e reconocibles para o relato como os propios personaxes. Este libro profunda na xeografía, a localización e o terreo das nosas obras literarias máis queridas e examina a forma na que a contorna e os atributos ambientais influen na narración, no carácter e na nosa resposta emocional como lectores. Danse cita máis de cincuenta mundos literarios e examínase como a contorna destes é intrínseco ás historias que se desenvolven dentro das súas fronteiras.

Paisaxes literarios, atopa o te e mergúllate nel!

Visita de autores: Antonio M Fraga

Encontros PLAMBE: Estivemos aí

O venres 25 de marzo celebránronse, no Palacio de Congresos de Santiago de Compostela, os Encontros do Plan de mellora de bibliotecas escolares correspondentes ao curso 2021/2022, con intervención de persoas expertas en diversos ámbitos relacionados coas bibliotecas, a lectura, a literatura, a comunicación, a mediación lectora, a alfabetización mediática e informacional, o patrimonio inmaterial. Ademais, presentaranse un total de 18 experiencias de centros de moi diverso contido (funcionamento da biblioteca escolar, traballo por proxectos, familias na biblioteca escolar, radio na biblio, biblioteca inclusiva, voluntariado e outros... ). 

Un espazo de encontro no que as bibliotecas escolares de Galicia teñen a palabra. 

Ver o programa.

Os contidos das sesións pódense visualizar próximamente en RedeBE.

Novedad: Violeta de Isabel Allende

Durante anos tivemos a Isabel Allende como fondo de armario nos nosos clubs de lectura, agora vos presentamos Violeta última obra da nosa autora fetiche.

Esperamos que disfrutedes con ela igual que co resto de obras.

Entroido: resolución do concurso "E tí de quen ves sendo?"

Despois de diversos atrancos no concurso, e de pasalo xenial adiviñando quen está detrás do disfraz, resolvemos os gazapos e o nome do personaxe oculto.

Esperamos que aprendérades moito das biografías das personaxes agochadas!!

Se queredes ver as fotos da exposición, tedes que pasar polo corredor do centro.

Pi Day

 

No Día de Pi queremos lembrar a lonxitude deste número tan longo que, como veredes, non ten fin.
Os números foron feitos por alumnos de todos os niveis, grazas pola vosa colaboración.

8 de Marzo: Polo principio coeducación no 1º ciclo ESO

Preguntas:

• Cal cres que pode ser unha boa profesión para un rapaz?
• Cal cres que pode ser unha boa profesión para unha rapaza?
• Como crees que ten que ser un rapaz para gustarlle a unha rapaza?
• Como ten que ser unha rapaza para que lle guste a un rapaz?
• Como vemos aos rapaces?
• Como vemos ás rapazas?
• Que farías se ao teu noivo non lle gustaran as túas amigxs?
• .....

8 de Marzo: Pola Igualdade, Naciones Unidas

Este 8 de marzo, Día Internacional da Muller, úneche a ONU Mujeres e ao mundo baixo o lema "Igualdade de xénero hoxe para un mañá sostible" e reclamemos unha acción polo clima por e para as mulleres. As mulleres e as nenas sofren máis o impacto da crise climática xa que esta amplifica as desigualdades de xénero existentes e pon a vida e os medios de vida das mulleres en perigo. A participación plena e igualitaria das mulleres na toma de decisións é unha prioridade máxima na loita contra o cambio climático. Recoñezamos e celebremos a contribución de todas aquelas líderes que nos guían cara a un futuro máis sostible para todos. Comparte a mensaxe co mundo!

Un futuro sostible e igualitario permanecerá fóra do noso alcance sen igualdade de xénero hoxe.

Seguir lendo en UN.org

Este ano a conmemoración oficial do eventocelebrarase virtualmente o 8 de marzo de 2021, de 10:00  h a 11:30  h ( ET). O acto reunirá a personalidades e activistas pola igualdade de xénero e o cambio climático como Jane Goodall e tras el celebraranse unha mesa redonda de alto nivel e diversas actuacións musicais.

8 de marzo: Ver para crer

8 de Marzo: Novidade Rosa Parks

Aínda estas pensando en por que ler Rosa Parks???

8 de Marzo: Pola Igualdade con Manos Unidas

Con motivo do Día Internacional da Muller, que se celebra o 8 de marzo, Mans Unidas quere poñer o foco nas mulleres empobrecidas, as máis vulnerables e castigadas pola desigualdade imperante no mundo, que condena á fame e a pobreza a millóns de persoas. Unha desigualdade que a ONG da Igrexa católica está a denunciar coa súa campaña «A nosa indiferenza os condena ao esquecemento».

Seguir lendo en Manos Unidas.

Visita de autores: Ana Alcolea

Galería de fotos

Hoxe disfrutaremos da visita de Ana Alcolea, quen xa nos acompañara no 2017.

Nesta ocasión falounos de El secreto del galeón, El secreto del espejo e La hora más oscura, obras que leron os distintos grupos de club de lectura. Tamén nos comentou o seu proceso de escrita, cómo cando comeza unha obra non sabe onde lle levará a súa idea inicial, que sempre lle gusta recoller momentos da nosa historia para conectalos có presente.

Agora acaba de publicar Las chicas de la 305 obra que esperamos ter no noso catálogo próximamente.

8 de Marzo: The Dream Gap

8 de Marzo: Educación para a Igualdade

Esta é a nosa selección dos fondos sobre a temática de Educación para a Igualdade, se botades en falta algún, non dubidedes en facer a recomendación para mercalo.

8 de Marzo: Donas de sí

 

Preme na imaxe para velas

Polo 8 de marzo falamos en positivo das mulleres que foron donas de sí e superaron a fenda de xénero aínda que con antrancos.

Podedes disfrutar da exposición e descubrir as súas obras grazas ao traballo do equipo de biblioteca do CFPI Ferrolterra e a Juan Casal que nola cedeu.

No boletín da exposición podedes atopar as mulleres que se describen e se son correctos na biblioteca vos entregarán as pegatinas das mulleres.

Día do Cómic

 O 5 de marzo celebrarase por primeira vez o Día do Cómic, en conmemoración do mes no que naceu a mítica revista “TBO”. Trátase dunha xornada de celebración da cultura do cómic cuxo obxectivo é “promover a divulgación do medio artístico, reivindicar o seu papel social e de recuperación da memoria artística e histórica dos autores españois”.

O encargado de ilustrar o cartel desta primeira edición do Día do Cómic foi Magius (Diego Corbalán), recentemente galardoado co Premio Nacional do Cómic 2021.

Ver no noso catálogo os fondos de banda deseñada e cómic.

Lectura Dixital para as Bibliotecas Escolares

Preme na imaxe

Como centro integrado no Plan de Mellora de Bibliotecas Escolares (PLAMBE), dispoñemos dunha plataforma de lectura e préstamo de contidos dixitais proporcionados pola Consellería de Educación.

Os contidos bega-elbe2.edu.xunta.es están dispoñibles en diferentes linguas, cunha especial atención á presenza de contidos en lingua galega, e estruturados por temáticas, linguas, autoría, etapas educativas, xéneros (informativos e de ficción), para facilitar o acceso de usuarios ás obras. 

Trátase de contidos dixitais que poden utilizarse online e tamén offline, en todo momento e lugar, e que se adaptan a diferentes soportes de lectura (computador ou dispositivos móbiles).

Instrucións e pautas de acceso.

Premiados na IV Olimpiada Cultural

Podedes ver todas as fotos neste link.

Na semana de Rosalía...A rosa incandescente

 ...estivemos alí, en Chantada, na presentación de A rosa incandescente, como dí Anxos García Fonte, a creadora do invento, unha producción audivisual que nos achega aos sentimentos e a forza de Rosalía de Castro que segue presente no noso corazón e nosos soños.

Esperamos que pronto nola traigan pola comarca, para disfrutar dela. De momento en Facebook e tamén en Instagram.

Con Rosalía...un rosco

 

Día de Rosalía de Castro

 

O Día de Rosalía conmemorarase por primeira vez hoxe 23 de febrero, tras a aparición de nova documentación que desvela a data real do seu nacemento. Tanto da o día, o importante é lembrar á nosa poeta máis universal con lectura dos seus poemas, cun pasapalabra, con xogos, con un obradoiro de papiroflexia, con música... todo é posible neste día. 

Vivamos por Rosalía!

Tal día como hoxe... faleceu Antonio Machado

Un dos poetas españois máis admirados da historia probablemente sexa Antonio Machado. Pero non alcanzou a popularidade tan só pola calidade dos seus versos, senón tamén pola súa indiscutible talla humana. De feito, Machado foi definido en moitas ocasións como un "home bo".

Un dos poetas máis importantes da literatura española e un dos máximos expoñentes da xeración do 98. Descobre no artigo do National Geographic a historia do escritor que afirmou: "Camiñante, non hai camiño, faise camiño ao andar".

Antonio Machado de guest569799

Galicia no tempo de Afonso X. Un rei galeguista

Nin entrara en declive, nin a monarquía abandonáraa, nin era —só— unha terra de curas e monxes. No século XIII Galicia seguía sendo un peza crave no mapa político e cultural peninsular. E Alfonso X de Castela (1221-1284), o contraditorio rei de fama ‘ antigallega’ que tiraba de galaicoportugués para as súas Cantigas, non mostrou tanta desidia polo noroeste como tradicionalmente escribiuse. Unha nova publicación do Consello da Cultura Galega desposúe ao ‘rei Sabio’ desta inmerecida lenda.

Seguir lendo en ABC Cultura.

O mesmo monarca que foi quen de situar ao galego nun dos seus cumios literarios, coas Cantigas de Santa María ou coa súa lírica satírica, foi sinalado, entre outras cousas, como inimigo da Igrexa de Santiago, pouco entusiasta do fenómeno xacobeo, responsable do comezo da marxinalidade política de Galicia no conxunto da Coroa de Castela ou pouco proclive ao contacto coa nobreza e a Igrexa dun país que, por outra parte, nunca pisou durante o seu reinado.

Cal foi, en realidade, a relación de Afonso con Galicia e co galego? Para sabelo todo na web do Consello da Cultura de Galicia tedes a oportunidade de descargar o documento Galicia no tempo de Afonso X.

Tokio

La ciudad de #Tokio, la ciudad mas poblada del mundo vista desde las alturas. A foto foi tomada a case 700 metros de altura. Desde esta altura non se aprecia ben a infinidade de áreas verdes que hai en Tokio.

Levamos un tempo falando de Manga, Anime, cultura nipona... non só no club de lectura de manga, e mentras non poidamos viaxar, botádelle unha ollada aínda que sexa desde o ar.

Grazas a Mar Fernández Blas, exprofe do IES Fernando Esquío que nos achega estos xeitos de viaxar.

Visita de autores: Espido Freire na biblioteca

Ver a galería

Por fin, voltamos á "normalidade" coa visita presencial de Espido Freire, autora recoñecida e Premio Planeta 1999. Durante o curso pasado disfrutamos de Eva Mejuto, Andrea Maceiras e Rocío Leira á distancia por vídeo conferencia, pero agora esperamos seguir coas visitas in situ lembrando a última do 11 de marzo con Manuel Rivas que todos lembrades.

A escusa para contar con Espido Freire é a presentación da súa saga xuvenil que inicia con El chico de la flecha, que leron os nosos alumnos de 4º ESO e os do club de lectura de 2ºESO. Tras unha pequena presentación a cargo de Sabela, Lucía e Ainara, Espido falounos do seu amor pola cultura clásica que descubriu cando era unha rapaza de 9-10 anos grazas á biblioteca que tiña preto da casa e a escola. Alí atopou obras como Quo Vadis? ou Los últimos días de Pompeya e moitas outras obras que tanto a engancharon a este mundo. Contounos que a influencia romana e grega non se limita a dous séculos, senón que alongase durante mil anos: somos produto desta herdanza, as nosas tradicións, as leis, a familia, a nosa democracia...non só a lingua, fan de nos o que somos. O feito de estudialas nos fai comprender a nosa historia e respetar aos demáis.

Como dixo un dos nosos alumnos "Espido deixounos unha chuvia de cultura", un pracer para todos os asistentes. De Neda e a nosa biblioteca Espido levou os marcapáxinas de agasallo que sempre facemos para as visitas e asistentes á conversa, así como a chapa e marcapáxinas do noso club de lectura Pantasmas de papel, así como o a edición das catigas do noso trovador favorito Fernán Esquío.

Calendario do libro e a lectura 2022

O 'Calendario  do Libro e dá Lectura' de Galicia incorpora seis novas conmemoracións en 2022, polo que este ano contará cunha trintena de efemérides. O secretario  xeral de Cultura. Anxo M. Lorenzo, destacou a incorporación de datas como o 21 de xullo e o 21 de novembro, nas que se celebrarán os centenarios dos nacementos de Luz Pozo Garza e María Casares, respectivamente. No Día das Letras Galegas se fará homenaxe a  Florencio Delgado  Gurriarán.

Por outra banda na conmemoración do Día das Artes  Galegas, promovido pola Real Academia  Galega de  Belas Artes ( RAGBA) este ano se dedica a Laxeiro. O restantes catro novas citas no calendario serán o 3 de maio, Día da liberdade de prensa; o 21 de maio, Día da diversidade cultural; o 28 de setembro, Día do dereito de acceso universal á información, e o 24 de outubro, no que se conmemorará a semana da alfabetización mediática e  informacional.

Exposición no Día Escolar da Non Violencia e a Paz

 

Galería de imaxes

Moitas grazas aos rapaces e profesores implicados tanto no obradoiro de papiroflexia como no seminario de coeducación, á hora da escolla das mensaxes, montar as grullas...toda a xente fixo un traballo moi fermoso como veredes na galería de imaxes.

Tal día como hoxe...Astrid Lindgren

 Tal día como hoxe deixábanos Astrid Lindgren, creadora do personaxe literario Pippi Calzaslargas. Hoxe lembrámola con esta imaxe das súas portadas en diversas linguas. Cal é a vosa historia favorita?