David Rubín no noso centro

Premede para ver a galería

O vindeiro xoves teremos o pracer de disfrutar da maxia de David Rubín e as súas obras.

Que non sabedes QUÉN É?

Botádelle un ollo ao seu perfil nos seguintes enlaces de La guía del cómic,  Entrecómics, reseña da editorial Astiberri, entrevista na editorial, Especial cómic en RTVE e o seu blog De tripas, corazón  ademais de o seu palmarés:

Levou o segundo premio no XV Concurso Galego de Banda Deseñada Xuventude 99 coa obra Penso en ti e o resto é sinxelo. Primeiro premio das Xornadas de Banda Deseñada de Ourense, na categoría de 22 a 30 anos, nos anos 2000 (por A sombra xigante que me afoga) e 2002 (por Antón ardendo) e mais o cuarto premio en 2001. Premio Ourense ao mellor autor afeccionado (Casa da Xuventude de Ourense, 2000). Gañador en xaneiro de 2003 do VIII Certame de Cómic de Arteixo, correspondente ao ano 2002. Gañador en marzo de 2004 do IX Certame de Cómic de Arteixo coa historia O segundo que ía dicirche. En 2004 fíxose co segundo premio do certame Na Vangarda (Dirección Xeral de Xuventude e Solidariedade) polo relato breve Corredora feito en equipo con Emma Ríos. Gañador en 2005 do I Premio Castelao de BD (Deputación Provincial da Coruña) coa novela gráfica Onde ninguén pode chegar. Venceu tamén en 2005 no certame Na Vangarda coa historia curta Patacas. Gañador do Premio Josep Toutain ao Mellor Autor Novel no Salón Internacional do Cómic de Barcelona 2007, pola súa novela La tetería del Oso Malayo. Este mesmo título valeulle o premio da crítica española á mellor obra nacional de 2006 e mais ser finalista no Premio Nacional de Cómic concedido en 2007. Polo primeiro volume de El Héroe foi recoñecido co premio da crítica española, anunciado en Aviles en 2011. A mesma obra valeulle o galardón á Mejor obra nacional de 2011 no Salón do Cómic de Zaragoza. 

E para ir facendo boca escoitade unha entrevista que se lle fixo có motivo da firma de exemplares de El Héroe para a MeGaBiblioteca do MGB.

Marcapáxinas lembrando a visita para que no los asine:

Rubín 1,     Rubín 2,      Rubín 3

Novidade exclusiva asinada polo autor: O lume de David Rubín

Seguro que non lembrades a David Rubín, un dos nosos ilustradores e autores favoritos máis creativos, que veu de visita por alá no 2015.

Acaba de presentar a súa última obra O lume, e como temos contacto con él, nola asinou e dedicou ao club de lectura.

Un inmenso asteroide aproxímase á Terra en traxectoria de colisión. Alexander Yorba, un afamado arquitecto de mediana idade, é o encargado de idear e levantar con urxencia unha colonia lunar para asegurar a pervivencia da humanidade #ante o inevitable desastre. Inmerso na devandita construción, diagnostícaselle un tumor cerebral en fase terminal; apenas lle restan de vida os mesmos meses que faltan para que o asteroide choque co noso planeta. Este dramático feito fará que se reformule a súa propia natureza profesional e persoal, o que lle leva a renunciar aos seus labores na colonia para reunirse coa súa familia, coa que apenas tiña contacto. Unha decisión que desencadeará unha serie de fatídicos acontecementos que danarán o crédito profesional e a vida familiar de Alexander, condenándoo a vagar nunha dramática, visceral e reveladora odisea por diferentes lugares do mundo; unha desesperada carreira cara ao fin dos tempos, contra a morte, a tolemia e a súa propia e atormentada conciencia.

Estamos desexando ler esta obra tan agaiolante. Esta edición de Demo Editorial contén unha ilustración que enmarcaremos, a edición en castelán de Astiberri pon á venda o making of da obra cos borradores orixinais.

Grazas David pola dedicatoria.

Banda deseñada que emociona: Viñetas de Vida

Seguramente vos lembrades a visita que tivemos con David Rubín fai un par de cursos. O autor contounos detalles das súas obras e como se enfrentaba ao papel e lápiz. Unha das aventuras que nos comentou foi a súa viaxe a Burundi con Intermón Oxfam para un proxecto de Viñetas de vida np que nos falaba daqueles nenos que nunca viran a súa imaxe porque non teñen espellos. Pois ben xa, por fín, o tedes na biblioteca, e para lembrar ese momento vos deixamos este vídeo presentación da obra.

Un total de 10 creadores --Sonia Puído, Isabel Cebrián e Álvaro Ortiz, Cristina Durán e Miguel A. Giner Bou, Miguel Gallardo, Antonia Santolaya e Enrique Flores, Paco Roca e David Rubín-- embarcáronse da man de Oxfam Intermón e a campaña Si Me Importa  nunha viaxe con rumbo a Latinoamérica, África e Asia. Este grupo creativo fixo as maletas para coñecer de preto as historias de vida de persoas que, co apoio da cooperación española, loitan por cambiar as súas vidas e as das súas comunidades.

Historias que foron enchendo os seus cadernos de viaxe con rostros, nomes e relatos tan reais como emocionantes. Todos estes apuntamentos serviron para dar forma a cada un dos cómics que contén este libro. Un percorrido en viñetas por esa outra parte do mundo ?Colombia, Marrocos, Nicaragua, República Dominicana, Filipinas, Mauritania e Burundi? que confirma que a cooperación ao desenvolvemento funciona, cambia e salva vidas.

Ademais das historias de cómic, este libro contén parte das emocións e das informacións que os autores e autoras recolleron nos seus respectivos destinos en forma de páxinas dos seus cadernos de viaxe e fotos da súa aventura como reporteiros gráficos, e completa un documento moi válido en defensa dunha cooperación que se fai ano a ano máis complicada ao constatarse que desde o comezo da crise económica, os orzamentos de axuda oficial ao desenvolvemento reducíronse case un 70%.

Xa na biblioteca.

Miguel en Cervantes

Miguel En Cervantes es un proyecto pensado y construido a partir de "El Retablo de las Maravillas", uno de los ocho entremeses escritos por Miguel de Cervantes y publicados en el tomo Ocho comedias y ocho entremeses (1615) que nunca fueron representados. 

En 2015 esta obra cumple el cuarto centenario de su publicación y AC/E organiza para celebrarlo una exposición en el Museo Casa Natal de Cervantes (Alcalá de Henares) y la edición de un cómic ilustrado por  Miguelanxo Prado y David Rubín.

Día Nacional do Cómic

 

Nesta data que se celebra por primeira vez no noso país achegamos unha mostra dos cómics ou banda deseñada que nos gustan, entre eles David Rubín, Kim, Vícot Rivas, Quico da Silva, Tardi, Uderzo... e moitos máis.

David Rubín sí que veu...

Ver a galería de fotos

... para encandilarnos coa súa historia e relación coa banda deseñada, contounos o que lía de rapaz, o que lle gustaba e que marcha á capital por temas familiares pero que non deixará de pensar nesta terra.
Contounos a súa aventura americana e o que está a facer, un pracer para todos nos e seguiremos as súas andanzas ilustradas!!

No Día do Libro...Miguel EN Cervantes: El retablo de las maravillas

O Día Mundial do Libro e do Dereito de Autor celébrase cada 23 de abril. A razón é que foi o 23 de abril de 1616 cando faleceron Cervantes, Shakespeare e Inca Garcilaso de la Vega. Tamén un 23 de abril naceron –ou morreron– outros escritores eminentes como Vladimir Nabokov, Josep Pla ou Manuel Mejía Vallejo. Por este motivo, esta data tan simbólica para a literatura universal foi a escollida pola Conferencia Xeral da UNESCO, en 1995, como unha forma de fomentar a lectura, recoñecer a figura do autor e procurar o fortalecemento da industria editorial de cada país.

Miguel EN Cervantes: El retablo de las maravillas achega o personaxe de Miguel de Cervantes aos lectores. Nos queremos festexar a súa figura empregando a exposición levada a cabo no Instituto Cervantes cando se conmemoraron o IV centenario da publicación da segunda parte do Quixote, en 2015, e da morte do escritor, en 2016. E faio a través dunha linguaxe que atravesou todos os tempos: o da imaxe. Dous dos máis destacados debuxantes e historietistas españois, David Rubín e Miguelanxo Prado, son os encargados de xerar, a través de dúas linguaxes gráficas e narrativos diferentes, un potente diálogo entre o cómic e a ilustración, entre El retablo de las maravillas e as escenas máis apaixonantes da vida de Cervantes.