Antía Yánez de visita na nosa biblioteca con O clan das barbies

 

Esperamos con moito interese a charla da autora có alumnado de 1º BAC.

Novidades: Historia revisada de las mujeres

 

No Día da Muller traemos unha novidade: Historia revisada de las mujeres. Unha retrospectiva ilustrada, curiosa e fenomenal da historia da humanidade —da prehistoria ata o século xxi— desde o punto de vista das mulleres e as súas vidas cotiás en diferentes culturas, épocas e circunstancias. Moitos destes importantes datos non figuran na maior parte dos libros de historia! Un abreboca a redescubrir con rigor cosas que pensabas que sabías.

E por se pensades que non hai máis sobre esta temática, botade unha ollada á selección sobre igualdade de onte.

8 de Marzo Pola Igualdade

Segue o taboeiro Día da Muller: Pola igualdade dos xéneros de IES Fernando en Pinterest.

Un 8 de marzo de 1857, un grupo de obreiras téxtiles tomou a decisión de saír ás rúas de Nova York a protestar polas míseras condicións nas que traballaban.

Distintos movementos sucedéronse a partir desa data. O 5 de marzo de 1908, Nova York foi escenario de novo dunha folga polémica para aqueles tempos. Un grupo de mulleres reclamaba a igualdade salarial, a diminución da xornada laboral a 10 horas e un tempo para poder dar de mamar aos seus fillos. Durante esa folga, pereceron máis dun centenar de mulleres queimadas nunha fábrica de Sirtwoot Cotton, nun incendio que se atribuíu ao dono da fábrica como resposta á folga.

En 1910, durante a Segunda Conferencia Internacional de Mulleres Traballadoras celebrada en Copenhague (Dinamarca) máis de 100 mulleres aprobaron declarar o 8 de marzo como Día Internacional da Muller Traballadora.

Actualmente, celébrase como o Día Internacional da Muller, e por iso vos traemos unha mostra de obras sobre o tema que están á vosa disposición na biblioteca. se precisades máis información aquí tedes unha listaxe de recursos e web se interese.

Situaciones de aprendizaje en el portal del INTEF

• Feminismo es Igualdad
• Netiqueta por la Igualdad
• Olvidadas y pioneras

Para saber máis:

• Naciones Unidas
• Día Internacional de la Mujer
• ONU Mujeres
• Promoción da igualdade.

Gañadores do concurso "E logo ti de quen ves sendo?" 3º ed.

Moitas grazas a todos os participantes.

Cuestionate: Loita pola igualdade

A pesar dos avances conseguidos aínda queda un longo camiño por percorrer para chegar a lograr unha igualdade real entre xéneros. Os datos actuais móstrannolo; na maioría dos países as condicións de igualdade entre homes e mulleres distan moito de ser unha realidade.

Se falamos de violencia, desde que se desatou o brote de COVID-19, os novos datos e informes revelan que se intensificou todo tipo de violencia contra as mulleres e as nenas, sobre todo, a violencia no fogar. É a pandemia na sombra que crece no medio da crise da COVID-19 e necesitamos un esforzo colectivo xeneral para detela.

Con este vídeo que forma parte do noso quiz "questionate" queremos falar diso dunha maneira diferente, dunha maneira lúdica, para conseguir unha futura cidadanía comprometida e sensibilizada que contribúa a vencer á violencia, rompendo estereotipos e cambiando mentalidades. 

Enrédate e crea fíos pola igualdade!

Día das Escritoras

O Día das Escritoras é unha iniciativa  organizada entre a Biblioteca Nacional de España, a Federación Española de Mujeres Directivas e Executivas Profesionais e Empresarias (FEDEPE) e a Asociación Clásicas e Modernas, asociación para a igualdade de mulleres e homes na Cultura. Ademais, contará coa colaboración de Asociación Colexial de Escritoras e Escritores (ACE) e oCentro Español de Dereitos Reprográficos (CEDRO). Desde 2016 búscase reivindicar o labor e o legado das escritoras a través da historia.

 Como en edicións anteriores, a data elexida é o luns máis cercano á festividade de Teresa de Jesús, o 16 de outubro. A X Edición celébrase este ano 2025  o 13 de outubro baixo o lema "1975: Escribide, compañeiras!l".

 "As escritoras activas ao redor de 1975 reflicten en moitas das súas obras o desexo dun cambio profundo e radical nas vidas das mulleres, denuncian a falta de liberdade e de autonomía, dan testemuño do que ocorre fóra de España, esixen unha nova orde amorosa e un cambio nas leis que as veu marxinando durante o franquismo".   Anna Caballé, comisaria de la X edición del Día de las Escritoras

Desde as bibliotecas escolares propomos que se visibilice a obra das escritoras galegas, ben a través dunha exposición, ben lendo fragmentos nunha maratón literaria ou mesmo nos clubs de lectura ou a través de actividades de investigación, exploración ou creación...

Na selección de textos en galego a transcrición dos distintos fragmentos decidiuse manter a ortografía da escrita orixinal previa ás convencións derivadas das Normas Ortográficas e Morfolóxicas do Idioma Galego de 1983. Alén de ser unha mostra da literatura do momento, é tamén un reflexo das dificultades que comportaba escribir nunha lingua que carecía dunhas normas ortográficas e morfolóxicas estables.

Vaia con esta escolma o noso agradecemento e recoñecemento a estas dez autoras, mulleres que nos anos 70 publicaron en galego, pola súa obra e o seu compromiso coa nosa lingua e a nosa cultura. 

SELECCIÓN DE TEXTOS EN GALEGO (Colaboración de  Amelia Outeiro, Alexandra Cabana, Pilar Sampedro e Eduard Velasco)

Letras Galegas 2026: Begoña Caamaño

A Real Academia salda unha débeda co feminismo e co xornalismo: Begoña Caamaño, Letras Galegas 2026.

A xornalista e autora Begoña Caamaño (Vigo,1964 - Santiago de Compostela,2014) será a protagonista das próximas Letras Galegas. Así o anunciou este venres a Real Academia Galega (RAG) nunha rolda de prensa no pazo de María Pita, en A Coruña, onde a institución ten unha das súas sedes mentres se reforma o seu edificio na cidade.

O presidente da Real Academia Galega, Henrique Monteagudo, subliñou que as Letras do 2026 serán «unha oportunidade para coñecer a unha figura tan inspiradora como é a de Caamaño». Ademais, sinalou que tamén serve para poñer o foco nos xornalistas «nun momento histórico oportuno para isto». Sobre  a súa obra, indicou que aborda a mitoloxía clásica e artúrica. En canto a súa traxectoria profesional, apuntou que se centrou «na defensa dunha profesión xornalista e crítica». 

Seguir lendo en La Voz de Galicia

Novidade: De nenas a lendas: 15 historias de emprendemento feminino

Unha iniciativa única de sensibilización e empoderamento que forma parte da campaña Enredadas e foi impulsado e desenvolvido por 24 mulleres (2 máis na súa versión en galego), dá voz ás historias de 16 emprendedoras de diferentes países —España, Bolivia, Colombia, Nicaragua e Perú— e promove o valor da perseveranza, a creatividade e o liderado feminino en contextos diversos e moitas veces adversos. Cun enfoque didáctico, De nenas a lendas preséntase como unha ferramenta educativa que inspira a novas xeracións a desenvolver o seu espírito emprendedor e a afrontar os desafíos desde a valentía e a resiliencia.

Esta obra busca inspirar e educar sobre o valor da perseveranza e o liderado feminino en contextos diversos. Cada historia, ilustrada por unha artista diferente, eleva a estas mulleres como referentes para novas xeracións.

Para descargar a obra

8 de marzo: Ver para crer

8 de marzo: Educación para a Igualdade

Esta é a nosa selección dos fondos sobre a temática de Educación para a Igualdade, se botades en falta algún, non dubidedes en facer a recomendación para mercalo.

8 de marzo: the Dream Gap

Ler Rosa Parks

Aínda estas pensando en por que ler Rosa Parks???

8 de marzo: Pola igualdade, Nacións Unidas

Con motivo do Día Internacional da Muller, que se celebra o 8 de marzo, Mans Unidas quere poñer o foco nas mulleres empobrecidas, as máis vulnerables e castigadas pola desigualdade imperante no mundo, que condena á fame e a pobreza a millóns de persoas. Unha desigualdade que a ONG da Igrexa católica está a denunciar coa súa campaña «A nosa indiferenza os condena ao esquecemento».

Seguir lendo en Manos Unidas.

8 de marzo: Mulleres que foron donas de sí

 

Preme na imaxe para velas

Tras a proxección da curtametraxe A Rosa Incandescente grazas á xenerosidade de Anxos García Fonte, guionista e productora, puidemos coñecer á Rosalía de Castro feminista que nos enganchou coa teima de hoxe 8 de marzo, data na que falamos en positivo das mulleres que foron donas de sí e superaron a fenda de xénero aínda que con antrancos.

Podedes disfrutar da exposición e descubrir as súas obras grazas ao traballo do equipo de biblioteca do CFPI Ferrolterra e a Juan Casal que nola cedeu.

No boletín da exposición podedes atopar as mulleres que se describen e se son correctos na biblioteca vos entregarán as pegatinas das mulleres.

O valente xesto de Rosa Parks

O 1 de decembro de 1955, Rosa Parks, unha muller negra de 42 anos por aquel entón, negouse a ceder o seu asento no autobús. Nese momento, a lei obrigaba a que as persoas negras cedesen o seu sitio a calquera persoa branca que o quixera ocupar. Sen sabelo, iniciaba así un movemento contra as leis discriminatorias cara aos afroamericanos. O seu valente acto chamou a atención de Martin Luther King e, xuntos, emprenderon protestas que levarían á Corte Suprema de Estados Unidos a declarar que a segregación racial no transporte ía en contra da constitución do país.

Contra a violencia de xénero: Mulleres do medievo galego

A historia ensínanos que esquecer a nosa é volver a equivocarnos polo que resulta imprescindible nas datas nas que estamos coñecer a mulleres esquecidas que merecen unha ollada pois grazas a elas disfrutamos do noso presente.

Estos días disfrutamos da exposición "Mulleres do medievo galego" ofertada pola Deputación da Coruña que consta de 21 paneis, o primeiro introdutorio e o resto son dez láminas ilustradas e os 10 respectivos textos.

As protagonistas son dez mulleres da nosa historia elixidas para as ilustracións: Dona Urraca, María Castaña, Lupe Pérez de Traba, Inés de Castro, Maior Guntroda Rodríguez, Aldonça I e Sancha II , Ilduara Eriz, Sancha I ,Tareixa de León e María Peres, A Balteira.

As ilustracións están feitas por 5 ilustradoras galegas; Iria Fafián, Laura Romero, María Montes, Minia Regos e Nuria Díaz.

O 19 de novembro de 1933 as mulleres españolas votaron por primeira vez

O 19 de novembro de 1933 mudou a historia de España. Mulleres e homes votaron por primeira vez en igualdade de dereitos nas eleccións xerais, un fito que se conseguiu grazas ao compromiso de persoas como Clara Campoamor, abogada, escritora, política e defensora dos dereitos da muller. Este dereito atopou o seu fin co comezo da Guerra Civil e a ditadura franquista e non volveu ser recuperado ata o inicio da Transición, quedando definitivamente blindado pola actual Constitución de 1978.

Novidade: ¡Basta! Guía de autodefensa feminista para adolescentes (y más...)

preme na imaxe

Ser mujer en esta sociedad implica enfrentarse regularmente a comportamientos machistas. ¿Cómo identificar y afrontar esas conductas? En este cómic las adolescentes (y más…) encontrarán un conjunto de técnicas para sentirse más preparadas, libres y seguras: posturas corporales, defensa verbal, el giro de ciento ochenta grados, la intervención paradójica, la defensa física… En definitiva, diferentes herramientas para ayudarles a sentirse más libres y seguras, tanto en los espacios públicos como en la esfera privada.

Para aprender Igualdade...no noso catálogo

 

Hoxe todos somos mulleres