mércores, 30 de decembro de 2020

Despedimos este ano con lume

 


O ceo de Neda iluminarase coa explosión de cores dos fogos de artificio para despedir este aciago ano marcado pola covid-19 e, sobre todo, dar a benvida ao esperanzador 2021.

Será este xoves, día 31, a partir das 20 horas, como antesala da tradicional cea e as badaladas de Fin de Ano.

martes, 29 de decembro de 2020

"Nós" Palabra do Ano 2020

 


Nin pandemia nin ningún dos outros tres termos finalistas relacionados con ela. Nós foi proclamada Palabra do Ano 2020 polas persoas que participastes na elección popular que promovemos dende o Portal das Palabras. 
A voz gañadora salienta algo bo dun ano ben complicado, a celebración do centenario da xeración Nós, e olla cara ao futuro con optimismo porque nos lembra tamén que saírmos da crise global provocada polo SARS-CoV-2 depende da primeira persoa do plural máis absoluta, xusto nun momento en que cobra forza outra das palabras finalistas cuxo éxito dependerá da implicación de todas e todos nós: vacina.

Seguir lendo no Portal das palabras

sábado, 19 de decembro de 2020

Premios Xerais 2020: María Marco, Antonio M Fraga e Andrea Maceiras


María Marco Covelo proclamouse hoxe gañadora do premio Xerais de novela coa obra Coidadora, mentres que Antonio Manuel Fraga fíxose co Jules Verne de literatura xuvenil con santoamaro e Andrea Maceiras gañou o Merlín de literatura infantil con A folla azul. As obras chegarán as librarías o vindeiro mes de abril.

María Marco Covelo (Vigo, 1979) gaña o Xerais coa súa primeira novela, unha obra na que aborda o tema das coidadoras. «Faino desde a perspectiva de alguén que coñece ben esa profesión de maneira que é quen de meternos na pel das persoas que o desempeñan, facéndonos partícipe da angustia que, en ocasións, provoca este traballo», segundo o xurado, que tamén salientou focos temáticos vinculados á ciencia, o lirismo que agroma nas súas páxinas e un «rico tecido simbólico»

 Antonio Manuel Fraga (Pontedeume, 1976) escribe en santoamaro sobre un grupo de amigos e amigas que veñen de rematar o bacharelato. No verán que segue, quedan os sábados pola noite na praia coruñesa da que o libro toma o título, aproveitando así o tempo que lles queda antes da previsible separación por mor dos estudos universitarios. O xurado destacou a súa linguaxe próxima, clara e concisa, cun estilo directo onde mandan os diálogos áxiles. Para o autor, que xa gañara o Merlín no 2013, é un libro importante polo que supuxo de exploración de territorios narrativos novos.

Andrea Maceiras (A Coruña, 1987) narra en A folla azul a historia de Husu Aké, unha nena que pertence ao pobo amazónico dos Tacaré. Husu Aké, «a nena dos ollos de luz» accede grazas á súa avoa, que ten un soño premonitorio, a un segredo para salvar o seu pobo da ameaza da enfermidade e da morte. O xurado declarou gañadora por unanimidade esta novela de «fondo compromiso social»: «Un berro contra a desigualdade, contra a destrución dos recursos naturais, e un canto a favor da cooperación e do compromiso individual polo ben común». A autora explica que escribiu A folla azul antes da pandemia, «e agora aínda ten máis vixencia», pola súa mensaxe de que construír un mundo diferente non é unha utopía, senón unha realidade necesaria.

 Ler a nota da editorial Xerais sobre Premios e Premiados.

xoves, 17 de decembro de 2020

Concepción Arenal: a pasión humanista 1820-1893

 

A Biblioteca Nacional dedícalle unha exposición a Concepción Arenal ata o próximo 4 de abril, o motivo é o bicentenario do seu nacemento. A mostra, que leva por título Concepción Arenal: a paixón humanista 1820-1893, está comisariada por Cristina Peñamarín e Anna Caballé, Premio Nacional de Historia como autora da biografía da pensadora ferrolá.

En xaneiro deste ano, Anna Caballé foi unha das invitadas aos actos do bicentenario en Ferrol. Aquí pronunciou unha conferencia sobre Concepción Arenal na que puxo de manifesto como foi dous séculos atrás unha verdadeira adiantada ao seu tempo.

mércores, 16 de decembro de 2020

Lembrando a Beethoven


 "A verdadeira arte é inmortal", dixo Ludwig van Beethoven.
Unha frase que tamén se aplica á súa música.

Foi un humanista, un inconformista, un visionario da música, e segue sendo ata hoxe un dos compositores máis frecuentemente interpretados do mundo: Ludwig van Beethoven (1770 - 1827). Mesmo a súa xordeira, que comezou a finais dos seus vinte anos, non lle impediu a Beethoven compoñer. Escribiu algunhas das súas obras máis famosas cando era case xordo. Entre elas atópase a 9ª Sinfonía, terminada en 1824. O tema do seu último movemento converteuse máis tarde no Himno Europeo como arranxo instrumental.

Hoxe lembramos o seu 250º aniversario con este vídeo de Deutschland.de, ou o da película sobre a súa vida

martes, 15 de decembro de 2020

Mapa das criaturas mitolóxicas do mundo

 


Todas as culturas humanas han impreso as características da súa contorna natural na súa propia identidade. É posible atopar un "animal oficial" alá onde viaxemos, aínda que o seu status non sexa oficial. España tende a asociarse ao touro, pero tamén ao león ou ao lince ibérico. É posible rastrexar unha paisaxe, unha árbore, un cultivo ou un clima na identidade informal de calquera nación do planeta. Unha serie de atributos presentes na natureza que, pola súa ubicuidad, definen culturas, hábitos, sociedades.

Mitos que se dan en todos os países, cada un coas súas particularidades. Estes marabillosos mapas elaborados por SavingSpot ilustran que criatura de lenda converteuse no emblema de cada nación do mundo. Trátase dun traballo titánico que foi ilustrado por Laimute Varkalaite e que diseccionan a construción lendaria de cada país. Para elaboralo, os autores recorreron a unha panoplia de documentación relacionada coas criaturas mitológicas, sendo unha das máis destacadas o libro Monsters and Mythical Creatures from around the World.

Se queredes ir á fonte, entrade en Magnet para ver o detalle por continentes.



luns, 14 de decembro de 2020

Recomendacións de lectura para un Nadal pouco convencional


Vos desexamos unhas Felices Festas con tan boa compaña como un libro, 
que non conta como comensal!
Se queredes velo cos enlaces premede aquí

Lembrade que tamén tedes a posibilidade dos audiolibros da columna da dereita do blog, e a Biblioteca de Galicia, por se precisades máis compañeiros de viaxe. (Guía de uso da eBiblio de Galicia)

venres, 11 de decembro de 2020

Libros altamente recomendados para leer y compartir

 


Preme na imaxe para acceder

Premio Hans Christian Andersen



O Premio Hans Christian Andersen é o galardón internacional máis importante no ámbito da literatura infantil e xuvenil. Outorgado cada dous anos por IBBY, este premio recoñece a traxectoria dun autor e un ilustrador cuxas obras contribuísen de maneira significativa a este xénero.

Os candidatos do noso país son Jordi Sierra i Fabra e Elena Odriozola.

O xurado que decidirá o Premio Hans Christian Andersen 2022 estará composto por: Junko Yokota (EEUU), Antoine Ao Chartouni (Líbano), Marilar Aleixandre (España), Evelyn Arizpe (México / Reino Unido), Mariella Bertelli (Canadá), Tina Bilban (Eslovenia), Viviane Ezratty (Francia), Jiwone Le (Corea do Sur), Robin Morrow (Australia), Jaana Pesonen (Finlandia)e Cecilia Ana Repetti (Arxentina). A directora executiva de IBBY, Liz Page (Suíza), exercerá como membro do xurado sen voto. Os finalistas serán anunciados en xaneiro de 2022, e os gañadores daranse a coñecer na Feira de Bolonia 2022, ao redor de marzo-abril.

A palabra do ano


Preme na imaxe para votar

A Real Academia Galega e a Fundación Barrié animan a toda a cidadanía a participar na escolla colectiva da Palabra do Ano a través do Portal das Palabras, o proxecto de divulgación do noso léxico impulsado por ambas as institucións. Agardamos que a iniciativa sexa do seu interese e agradecemos a súa axuda para difundila entre o profesorado e o alumnado.

A primeira fase, a de recepción de propostas, permanece aberta ata o domingo 13 de decembro ás 23:59 horas. O luns 14 de decembro anunciaranse as palabras finalistas e abrirase o prazo de votación, que rematará ás 23:59 horas do venres 25 de decembro.

Non deixedes de participar escollendo a palabra que resume o ano 2020

xoves, 10 de decembro de 2020

Día dos Dereitos Humáns


"Todos os seres humanos nacen libres e iguais en dignidade e dereitos"
É o texto do artigo 1 da Declaración Universal de Dereitos Humanos. En base a esta premisa, a Declaración proclama os dereitos inalienables inherentes a todos os seres humanos, sen importar a súa raza, cor, relixión, sexo, idioma, opinións políticas ou doutra índole, orixe nacional ou social, propiedades, lugar de nacemento nin ningunha outra condición.
É o documento máis traducido do mundo, dispoñible en máis de 500 idiomas. Por iso ten un Record Guiness. Aínda que queda moito camiño por percorrer para que os dereitos que nel expóñense sexan respectados en todo o mundo, o feito de que perdure aínda este documento é signo inequívoco de que se lle recoñece o seu valor por parte dos Estados e da sociedade en xeral

O dereito máis importante é o respeto como ser humán, lembremos aos que non disfrutan dos Dereitos Humáns neste momento tan escuro.

domingo, 6 de decembro de 2020

42º Aniversario da Constitución, o texto que nos une a todos

Preme na imaxe para acceder á app

TVE ofrecerá este domingo, en directo e íntegro, o acto institucional polo 42º aniversario do Día da Constitución no Congreso dos Deputados a través da Canle 24 Horas, Radio 5 e a web RTVE.es.

O acto celebrarase na Carreira de San Jerónimo ás 12:00 horas coa presenza dos representantes das altas institucións do Estado e un número reducido de invitados, debido á emerxencia sanitaria polo COVID-19.


Se tes dúbidas do significado do libro magno dos nosos dereitos e obrigas entra na zona xente nova

martes, 1 de decembro de 2020

Tal día como hoxe...lanzouse o Proxecto Gutenberg


O 1 de decembro de 1971, Michael Hart, fundador do que agora se coñece como o Proxecto Gutenberg, lanzou o proxecto coa súa primeira publicación, Declaración de Independencia dos Estados Unidos, dado que tiña unha copia da obra na súa mochila.

Agora coñecido como e pai dos ebooks, anteriormente Hart tivera unha conta de operador nun computador central da universidade de Illinois onde era estudante. Dado que dispoñía de moito tempo para dedicar á informática a diferenza doutros, que non tiñan a oportunidade, decidiu comezar un proxecto que consistiría en dixitalizar e preserver electronicamente libros e textos de dominio público e facelos accesibles gratuitamente.