Gañadores concurso Día Escolar da Non Violencia e a Paz

 

Moitas grazas a todos os participantes, tivemos moitos pero non todos responderon correctamenten á proposta, así que vos achegamos a listaxe de gañadores:

• Mikaella Santos de Sousa e Ricky Alejandro Prado de 4º B que ademais de identificar os autores das citas correctamente aportaron a súa propia polo que teñen unha mención especial.
• David Ander e Gabriel André Abeledo Franco de 4º B.
• Gael del Río Gómez e Xoel Durán Martínez de 3º B
• Adrián Picos Seoane e Germán Rey Fra de 3º B.

(premede para ampliar)

VI Feira de Ciencia Isabel Zendal no Aquarium da Coruña

O próximo sábado 3 de febreiro celebrarase no Aquarium Finisterrae da Coruña a Feira Isabel Zendal, con obradoiros, experimentos, xogos e actividades sobre os grupos de animais máis característicos do acuario. A actividade está incluída no custo normal da entrada e os asistentes estarán caracterizados como os protagonistas da expedición Balmis, que lle dá nome á feira.

Tedes toda a información neste enlace.

RCP in acción

Tras a charla sobre a RCP e outros procedementos que salvan vidas, sería interesante que vírades a importancia de aplicar a intensidade e ritmo correctos, mirade de que xeito podemos marcar a diferencia e como a nosa intervención pode non servir para nada.

Novedades: El cuerpo humano : guía para ocupantes

Nos pasamos toda una vida con un solo cuerpo y casi no sabemos cómo funciona. Desde los genes hasta nuestra capacidad de hablar, pasando por nuestras constantes adaptaciones al medio y los riesgos que corremos, este libro nos descubre que nuestro microcosmos es un verdadero milagro, lleno de prodigios y de secretos asombrosos. 

Explicar el cuerpo humano en toda su integridad, y hacerlo para todos los públicos, solo está al alcance de un autor como Bill Bryson. Con su habitual talento narrativo, su capacidad para sintetizar amplios conocimientos y su cultura para revelar datos sorprendentes, Bryson demuestra que es el mejor y más divertido guía para emprender un apasionante viaje hacia nuestro interior.

Xa na nosa biblioteca, non deixedes de viaxar dentro do noso corpo!

Animal Lovers

Cal é o animal máis popular do teu país? E o máis querido en todo o planeta? 
O mundo como nunca o viras.

Utilizando a ferramenta Google Keyword Planner, e analizando procuras de 170 animais diferentes en máis de 180 países do globo, os investigadores de Explore Worldwide extraeron os datos dos animais máis famosos de cada país e deron forma a un mapa mundi cos nomes de cada país e o seu respectivo animal máis adorado. Os expertos filtraron por frases que identificaban os animais que xeraban máis emoción e que máis interese suscitaban. Isto incluía termos de procura como "[animal] + safari" e "como ver [nome do animal]", en todas as traducións de idiomas nativos.

O animal máis querido do mundo é...O tigre. 

Este animal ocupou o primeiro lugar en 44 países, seguidos dos hipopótamos, que foron os animais favoritos en 25 países (entre eles Suíza, Haití e Guinea); e, en terceiro lugar, os golfiños (que aparecen como máis sinalados en países como Honduras, Guatemala ou as illas Caimán). O cuarto animal máis popular do mundo resultou ser a balea, soada en países como Brasil, Italia e Groenlandia). E no posto número 5 atopámonos aos gorilas, que son nativos de África, e a mellor oportunidade de atopalos na natureza é en Uganda, que conta coa metade da poboación mundial de gorilas de montaña.

Seguir lendo en Muy Interesante.

Inauguración da biblioteca dixital da RAE

A Real Academia Española acaba de abrir unha Biblioteca Dixital que dá acceso por internet a 4800 obras, entre as que se atopan a primeira parte de El Quijote, de 1605,  un dos exemplares de El Buscón, de Quevedo e os manuscritos de Don Juan Tenorio. Tamén hai exemplares de arte, historia, ciencias, ciencias sociais, relixión ou filosofía.

Mortadelo e Filemón cumpren 66 anos

O 20 de xaneiro de 1958 publicouse a primeira historieta dos detectives máis famosos do mundo do cómic, Mortadelo e Filemón. Foi no número 1394 do semanario Pulgarcito onde estes axentes da T.I.A. creados por Francisco Ibáñez apareceron por primeira vez. 

Ao principio, Ibáñez propuxo chamarlles de tres formas diferentes; Mr. Cloro e Mr. Yesca, axencia detectivesca; Ocarino e Pernales, axentes especiais e Lentejo e Fideíno, axentes finos. Pero finalmente a editorial Bruguera decidiu nomealos como Mortadelo e Filemón, axencia de información.

Un gato negro e un corvo, un barril de certo licor, certo corazón delator...

 ...seguro que sabedes de quen falamos. Edgar Allan Poe foi escritor, poeta, crítico e xornalista, non hai fanático da literatura que non devorase algúns dos libros de Edgar Allan Poe, cuxos contos de terror e prosas trasládannos a paraxes góticas e lúgubres embriagadores. Coñecido como un mestre do relato curto, Edgar Allan Poe posicionouse dentro da literatura polos seus contos que nos transportan a escenarios lúgubres e decadentes, nos cales o personaxe principal é, habitualmente, atormentado polos seus propios actos, polo destino ao que el mesmo conduciuse. Quizá iso sexa o máis tenebroso da súa literatura, que nela reflíctese ao home como a mesma persoa que atormenta ao home.

Sabíades que...?

• Foi abandonado polo seu pai.
• Non asinaba co seu nome completo.O seu pai adoptivo -quen tamén se chamaba Allan- non caía en graza, así que preferiu suprimir o nome en común usando "Edgar A. Poe” ou "E. A. Poe "
• Estudou idiomas antigos e modernos.
• Casou coa súa curmá de 13 anos cando tiña 26 da que quedou viuvo.... a quen lle adicou “Annabel Lee” e “Ligeia”
• Non todo o que escribiu era escuro, tivo unha faceta moi pouco coñecida e máis chispeante na que adoitaba redactar textos sobre enganos, humor e mesmo se dedicou á sátira.
• Era un gran amante dos gatos.
• Era un agudo crítico literario.
• Era un gran amante do espazo.

Se queredes saber máis deste autor entrade en Supercurioso.

Calendario do Libro e a Lectura 2024

Como todos os anos vos presentamos o novo calendario 2024 coas datas máis salientables arredor do libro e da lectura ilustrado por Paula Mayor.

Tedes o documento máis grande ao premer na imaxe e na columna da esquerda.

Tal día coma hoxe...

O 16 de xaneiro de 1605 publicoue a primeira parte de El ingenioso Hidalgo Don Quijote de la Mancha, do célebre escritor Miguel de Cervantes Saavedra. O editor ao que se lle fixo o encargo da publicación foi Juan de la Cuesta, que tiña unha modesta imprenta en Madrid. Desta primeira edición, plagada de erratas, e que viu a luz nun formato moi modesto, sobreviven a día de hoxe uns 30 exeplares dos 1800 que se fixeron na tirada inicial.

Día da Non Violencia e a Paz 2024

 

Animádevos a participar por parellas, sempre hai premio.

Tedes de prazo ata o 26 de xaneiro.

Boletín do DENVP

Día Escolar da Non Violencia e a Paz 2024

O Día Escolar da Non-violencia e a Paz (DENIP) foi declarado por primeira vez en 1964. Xorde dunha iniciativa pionera, non gobernamental, independente, e voluntaria de Educación Non-violenta e Pacificadora do profesor español Llorenç Vidal. O seu obxectivo é a educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz. Neste día, os colexios e centros convértense en instrumentos de paz e entendemento entre persoas de distinta formación, raza, cultura e relixión.

A mensaxe básica deste día é: "Amor universal, Non-violencia e Paz. O Amor universal é mellor que o egoísmo, a Non-violencia é mellor que a violencia e a Paz é mellor que a guerra"

O DENIP foi recoñecido polo Ministerio de Educación e Ciencia, mediante a Orde Ministerial do 29 de novembro de 1976.

O día 30 de Xaneiro conmemórase ademais a morte do líder nacional e espiritual da India, o Mahatma Gandhi, o 30 de Xaneiro de 1948, asasinado a tiros por un fanático hinduista.

Ademais de achegarvos un fondo do noso catálogo queremos que botedes unha ollada a todos os activistas pola paz que veredes polo corredor e casedes cada cita coa persoa. Por parellas identificade cada ovella coa súa parella e pensade nas citas, a súa importancia nesta época tan revolta que nos tocou vivir.

Hoxe conmemoramos a James Joyce

Hoxe cúmprense 80 anos do falecemento de James Joyce, escritor irlandés considerado un dos grandes autores do século XX. A súa obra maestra, Ulises, publicada en 1922, é unha das obras máis influíntes da historia da literatura.

No aniversario do seu nacemento recordamos a Nicolás Steno

Nicolás Steno, nado en Dinamarca en 1638, é considerado o pai da Xeoloxía, xa que as súas investigacións sobre as capas de sedimentos das rochas e os fósiles contidos nestas, sentaron as bases da Xeoloxía moderna. De feito, os principios estratigráficos que enunciou continúan sendo utilizados a día de hoxe por xeólogos e paleontólogos. Ademais, Steno fixo achegas no campo da cristalografía e da medicina, debido aos seus estudos anatómicos acerca de diversas estruturas corporais.

Novidades: Anatomía de Kay

Algunha vez preguntáchesche como funciona o teu organismo? Sabías que o cerebro pode procesar 400 billóns de cousas nun segundo, que o corazón bombea sangue cada día como para encher noventa bañeiras, e que os pulmóns expulsan suficiente aire ao día como para inflar mil globos? Descobre neste libro por que o corpo humano é como unha máquina perfectamente programada e sincronizada, capaz de realizar centos de funcións sorprendentes á vez sen que nos deamos apenas conta… Con moito sentido do humor, tanto no texto como nas ilustracións, o médico Adam Kay convídanos a percorrer todo o corpo humano, órgano por órgano, para coñecer os seus segredos, insólitos e asombrosos

Máis información | Primeiras páxinas