martes, 13 de mayo de 2008

Libros con pegada II

No instituto, a incansable Begoña, preguntounos por libros que nos deixaron pegada, e pensando niso lembrei un que lin hai tempo e que me gustou moito. Trátase dun libro de contos de Manuel Rivas titulado, Que me queres amor? Hai momentos en que meterse a ler unha novela de centos de páxinas supón un compromiso demasiado forte e un libro de contos permite escoller o ritmo, reler o que nos gusta e incluso deixalo no medio para retomalo máis adiante. Eu, persoalmente lino de seguido a primeira vez e de cando en vez leo algún conto e sempre atopo algo novo.

Invítovos a ler estas dezaseis narracións fermosas e cheas de sentimento. Para os que non o coñezades dicirvos que entre elas está “A lingua das bolboretas” que despois se transformou en película e que tamén temos no Esquío.
Outros libros de Manuel Rivas na biblioteca.
Páxina web oficial de Manuel Rivas.

Manuel Rivas na wikipedia galega.

1 comentario :

Begoña dijo...

Cando puxemos a andar esta actividade, foi curioso observar que cando lle dábamos á xente 'o pé' para resinar o libro que lles deixou pegada, os alumnos máis novos respondían inmediatamente, non así os que xa coñecemos polas súas visitas á biblioteca en busca dun tesouro agochado... e moito menos os profes 'lectores': hai tanto en que escoller! O tempo de meditación poderíase medir en historias lidas!!
Alguén nunhas xornadas de BE comentaba que os adolescentes deixan 'temporalmente' de ler e logo retoman a lectura cando rodan os vinte anos... esperemos que nun futuro non moi lonxe tamén se tomen o seu tempo para escoller..