Enquisa sobre o curso e actividades da biblioteca

Nova edición dun clásico: Frankenstein

Neste volume preséntase o texto definitivo que Mary Shelley quixo legar ao mundo. A historia comeza cunha expedición ao Ártico, onde un mozo científico chamado Victor Frankenstein relata a súa ambición de dominar os segredos da vida. O resultado do seu experimento —unha criatura que desafia os límites da natureza— desencadea un drama sobre a liberdade, a vinganza e a responsabilidade do coñecemento. Esta obra fundacional da ciencia ficción continúa interpelando ao lector coa súa carga filosófica e emocional.

 Un caderno de notas do propio doutor Frankenstein, deseñado polo ilustrador, complementa esta edición de luxo. A partir dos 14 anos, este clásico convértese nun agasallo perfecto para mozos e persoas adultas que valoran a literatura con profundidade. Ademais, a súa publicación cobra especial relevancia coa estrea en 2025 dunha esperada adaptación cinematográfica dirixida por Guillermo del Toro. Un libro imprescindible para redescubrir a alma tráxica do monstro que cambiou a historia.

Premio Princesa de Asturias Cooperación Internacional 2026: Bóveda Global de Semillas de Svalbard

Inaugurado en 2008, cunha extensión de máis de mil metros cadrados, repartidos en tres almacéns, ten como obxectivo salvagardar a diversidade de sementes de cultivos destinados a alimentación para garantir a subministración futura en caso de perda debida a desastres naturais, conflitos humanos, cambios nas políticas, mala xestión ou calquera outra circunstancia.

Un premio para a esperanza.

 Seguir lendo na Fundación Princesa de Asturias

Visita a Celanova

O 19 de maio fixemos unha saída a Celanova co alumnado do club de lectura, club de manga e coro. Foi un día moi completo: comezamos visitando o mosteiro, no que puidemos ver desde fóra a fiestra da cela na que estivo preso Celso Emilio Ferreiro; fomos tamén á espectacular biblioteca do IES de Celanova; á capela de San Miguel, considerada un exemplo único da arquitectura mozárabe prerrománica en Galicia e asistimos a un concerto didáctico de órgano na igrexa de San Salvador. Ademais, visitamos a Casa dos Poetas, onde puidemos aprender moito sobre a vida de Curros Enríquez e, por último, fomos a Vilanova dos Infantes e ao castro de Castromao. Nos distintos lugares, o alumnado leu textos de Celso Emilio, Curros e Xosé Luís Méndez Ferrín. Así mesmo, os integrantes do coro interpretaron a canción "Herba de namorar", acompañados polo órgano.

Esperamos que desfrutedes da reportaxe gráfica da visita tanto como nós desfrutamos do día!

Día dos Museos: "unindo un mundo dividido”.

Con motivo do Día Internacional dos Museos, a Rede de Grandes Espazos de Divulgación (GEDIC) do CSIC súmase a esta celebración cunha variada programación de actividades repartida por todo o territorio. Puertas abertas, espectáculos musicais, charlas, talleres ou visitas guiadas achegarán a ciencia e a cultura científica a públicos de todas as idades ao redor do 18 de maio.

Seguir lendo na web do CSIC ou na web da Consellería para ver as actividades na nosa comunidade.

Novo boletín de abril e maio: Mes do Libro e a Lectura

Se queredes ver os enlaces, premede aquí.

Día das Letras Galegas: Begoña Caamaño

Tras a lectura dun manifesto polas Letras Galegas, os nosos alumnos interpretaron cancións e logo foron de rondalla para rematar o acto no patio con bailes rexionais e bola de Neda de merenda.

Novedades: Yo quería entender el universo

Dunha das nosas escritoras favoritas presentamos unha novela chea da tenrura do primeiro amor e de anécdotas científicas curiosas, perfecta para descubrir o lado máis apaixonante da ciencia.

Como influencer de lifestyle, Emma está acostumada recibir mensaxes raras. Pero o de Andrés destaca entre todos os demais: ao parecer, o seu pai e a nai de Emma foron amigos na universidade, e Andrés atopou algunhas cartas en grao sumo interesantes desa época. Nelas, os mozos Emilio e Laura falan da súa paixón pola física, a bioloxía, a xenética... do que non falan é do moito que se gustan, aínda que, para Andrés e Emma, iso é máis que evidente.

Alén de coñecer mellor a Andrés, as cartas de Laura e Emilio espertarán en Emma unha inquietude científica que cría durmida.

12 de maio: Día Escolar das Matemáticas

O Día Escolar das Matemáticas é unha iniciativa educativa que busca achegar as matemáticas ao alumnado dun xeito dinámico, contextualizada e participativa, promovendo cada ano unha temática de especial relevancia social e educativa.

O Día Escolar das Matemáticas (DEM) 2026 que se conmemora hoxe 12 de maio está dedicado este curso escolar 2025/2026 ao pensamento computacional e á intelixencia artificial, dous ámbitos fundamentais para comprender os retos educativos e tecnolóxicos do presente e do futuro.

O encargado de desenvolver esta temática será Luis Miguel Iglesias Albarrán, membro da Sociedade Andaluza de Educación Matemática Thales, quen elaborou un caderno didáctico dirixido ao profesorado e ao alumnado co obxectivo de achegar estes conceptos de xeito práctico e accesible.

Día de Europa

O 9 de maio de 1950, o ministro francés de Asuntos Exteriores, Robert Schuman, pronunciou un discurso histórico e expuxo un plan para unha maior cooperación en Europa. Coñecida como a Declaración Schuman, achandou o camiño para unha nova era de paz, integración e cooperación en todo o continente, e sentou as bases da Unión Europea tal como a coñecemos hoxe. 

No mundo actual, que está en constante evolución e cheo de desafíos, a nosa Unión debe manterse forte e independente. Isto implica unirnos para reforzar a nosa seguridade, impulsar a prosperidade e protexer a nosa liberdade para decidir en que tipo de sociedade e democracia queremos vivir. 

O Día de Europa constitúe unha oportunidade para recoñecer isto e celebrar a comunidade de valores que representamos e que protexemos e fortalecemos conxuntamente. Esta ocasión especial tamén brinda a oportunidade de conectar coa cidadanía e mostrar como está a traballar a UE para protexer e crear oportunidades para as persoas e promover asociacións a escala mundial. 

En 2026, a celebración do Día de Europa foi aínda máis especial. Alén de conmemorar os 40 anos transcorridos desde que Portugal e España adheríronse á UE, tamén celebramos o 40º aniversario das primeiras celebracións oficiais do Día de Europa e o uso público da bandeira e o himno da UE. 

Seguir lendo.

Tal día como hoxe 2 de maio: Leonardo da Vinci, un visionario da ciencia

Leonardo da Vinci, o gran artista do Renacemento, modelo do home universal, foi tamén un xenio científico e tal día como hoxe morría no ano 1519.

Á parte da súa obra pictórica, tan exquisita como escasa, houbo un Leonardo dedicado á observación rigorosa, o experimento e a formulación exacta de principios xerais a partir da experiencia empírica.

Nos miles de páxinas dos seus cadernos de notas, que só empezaron a ser estudados a fondo nas últimas décadas, atopamos anticipacións de moitos desenvolvementos posteriores da ciencia moderna. Os seus contemporáneos sabían que Leonardo dedicaba boa parte do seu tempo ao estudo da filosofía natural, que é como se chamaba á ciencia entón (o termo inglés 'scientist' non apareceu ata 1840) e así mesmo temos constancia de que Leonardo planeaba publicar numerosos tratados científicos cos materiais recolleitos nos seus cadernos.

Seguir lendo o artigo no National Geographic
Se queres botar unha ollada ás súas obras, visita o noso catálogo.

A súa figura é tan relevante que o robot cirúrxico que se emprega hoxe en día paraintervencións  minimamente invasivas de alta precisión, leva o seu nome. Permite aos cirurxiáns realizar intervencións complexas a través de pequenas incisiones utilizando brazos robóticos controlados desde unha consola, ofrecendo visión 3D, maior destreza e supresión do tremor manual.

Así que cando escoites falar de este robot pensa que un home que naceu fai máis de 500 anos, tivo a curiosidade de observar a natureza e copiar dela cos seus inventos sendo un adiantado á súa época.

2 de maio: Día Mundial contra o Acoso Escolar e Bullying

 

Preme na imaxe para ver os títulos e algúns máis.

Manuel Rivas, premio dos Clubs de Lectura 2026

O escritor Manuel Rivas foi recoñecido co Premio dos Clubes de Lectura 2026, por ser o autor máis lido polos clubes de lectura do ámbito educativo.

Onte tivemos a sorte de poder compartir con el unha videoconferencia na XVIII Xornada dos Clubs de Lectura, na que salientou "a importancia da boca da literatura, pois esta non fala para un discurso nin para un axioma, senón para ver o que non está ben visto, para achegarse á zona secreta do ser humano que fala da dúbida, da complexidade, do matiz".

Entrega de premios polo Día de Rosalía

Facemos esta publicación cun pouco de retraso pero, por fin, velaquí tedes as gañadoras absolutas do concurso "O rosco de Rosalía", co que conmemoramos o Día de Rosalía este curso:

- Uxía Lorenzo Pérez, de 2º A de Bacharelato.

- Alejandra Romero Díaz, de 2º A de Bacharelato.

Parabéns, rapazas!

23 de abril: Día do Libro, a súa historia

Por esta data gozamos da exposición sobre a historia da humanidade pois o libro achega os pensamentos e coñecemento do home. Desde as covas queremos contar, falar, compartir a nosa vida, e de aí temos as distintas representacións gráficas que hoxe coñecemos como libro pero comezaron nesas rochas onde apareceron as primeiras imaxes do ser humano cazando ou simplemente vivindo.

Visitade a exposición e todos os elementos que a acompañan.

Feliz Día do Libro... mellor dito Felices Lecturas sempre!

XXI Xornadas Literarias do Concello de Neda: Galician Noir

 

As Xornadas Literarias sempre son moi interesantes pero nesta ocasión contar con Arantza Portabales, Marta Villar, Rober Cagia, Diego Ameixeiras, Óscar Reboiras, Pedro Feijoo e Isabel Ramos Breijo ao lado das nosas rapazas do club de lectura de 2º ESO, é todo un pracer.

Antía Yánez de visita na nosa biblioteca con O clan das barbies

 

Esperamos con moito interese a charla da autora có alumnado de 1º BAC.

Día do Libro Infantil e Xuvenil: "Planta historias e o mundo florecerá"

Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil (DILI, ou ICBD nas súas siglas inglesas) co fin de promocionar os bos libros infantís e xuvenís e a lectura entre os máis novos.

Cada ano, unha sección nacional do IBBY ten a oportunidade de ser a patrocinadora internacional desta efeméride e selecciona un escritor representativo e a un recoñecido ilustrador do seu país para que elaboren a mensaxe e o cartel dirixido a todos os nenos do mundo, e promóvase a celebración nas bibliotecas, centros escolares, librerías, etc.

En 2026, o país elixido é Chipre, e o cartel está feito por dous creadores de libros infantís. O tema deste ano é “Planta historias e o mundo florecerá” (Plant stories and the world will bloom), un fermoso lema que recoñece o valor das historias, os libros e a lectura, así como o seu potencial para mellorar o mundo, á vez que salienta a necesidade de adoptar opcións de vida máis respectuosas co medio ambiente.

Seguir lendo en Babar.

VIII Olimpiada Cultural

Visita de Antonio Manuel Fraga

Esta Semana Santa, xeorutas

Desde o próximo sábado 28 de marzo e ata o domingo 5 de abril, haberá diferentes actividades polos distintos concellos que abrangue o Xeoparque Cabo Ortegal: desde xeorutas a pé ou a cabalo, ata a vía ferrata da Senda do Santo.

As actividades están adaptadas a todo tipo de públicos e as persoas interesadas deben reservar previamente a súa praza a través do sitio web geoviajesortegal.com, no que figuran os detalles específicos para cada unha das iniciativas, incluídos o prezo e os horarios.

Animádevos a coñecer o patrimonio natural da nosa contorna!

Nova data para o Día de Internet Segura 2026

 

El Día de Internet Segura, o Safer Internet Day (SID) #SID2026, es un evento internacional organizado por las redes Insafe/INHOPE, redes europeas de Centros de Seguridad en Internet con apoyo de la Comisión Europea y se extiende globalmente a muchos países. Se celebra el segundo martes de febrero para fomentar un uso responsable, respetuoso, crítico y creativo de Internet, especialmente entre niños, adolescentes y jóvenes.

Como cada año, el Instituto Nacional de Ciberseguridad de España (INCIBE), a través de Internet Segura for Kids (IS4K) —el Centro de Seguridad en Internet para Menores en España—, se suma a esta iniciativa internacional que promueve un entorno digital más seguro para niños, niñas y adolescentes. En esta edición, el evento se celebra bajo el lema «Seguridad Digital para Educar en tiempos de IA», poniendo el foco en uno de los grandes retos actuales del ámbito educativo: la integración responsable de la inteligencia artificial.

El Instituto Nacional de Ciberseguridad de España (INCIBE), en colaboración con el Instituto Nacional de Tecnologías Educativas y de Formación del Profesorado (INTEF), ha desarrollado el taller «¡Claro!, aquí tienes una propuesta. ¿Tú qué harIAs?», dirigido a fomentar en el alumnado la toma de decisiones responsables ante situaciones como el cibercontrol, la difusión de imágenes íntimas generadas con IA, la sextorsión y los deepfakes, así como el adecuado reporte de contenidos inapropiados.

Seguir lendo

Ver o programa Online

No Día da Poesía homenaxe a María Xosé Queizán

Gañadoras concurso "Rosco de Rosalía"

 

Norabóa a Uxía e Alejandra polo esforzo e grazas a todos por participar.

II Día de Ibáñez

Con motivo do II Día Ibáñez, Bruguera, selo de Penguin Random House Grupo Editorial que publica as súas obras desde hai máis de 60 anos, presentou este venres unha homenaxe que levará o universo creativo de Francisco Ibáñez a distintos puntos de Barcelona no ano en que o autor cumpriría 90 anos.

A cidade acollerá un roteiro de dioramas inspirados nas súas viñetas máis icónicas, protagonizados por personaxes como Mortadelo e Filemón, Rompetechos ou O botóns Sacarino. Estas pezas instalaranse en diferentes espazos vinculados á lectura, os cómics e ao propio autor, e recrean escenas "cheas de detalles e humor" características do estilo de Ibáñez.

A iniciativa busca reivindicar a vixencia de personaxes como Mortadelo e Filemón, 13, Rue do Percebe, O botóns Sacarino e Rompetechos, que seguen formando parte da memoria cultural colectiva.

seguir lendo

Se queredes saber máis de Mortadelo e Filemón, visitade a web non oficial.

Novidades: Historia revisada de las mujeres

 

No Día da Muller traemos unha novidade: Historia revisada de las mujeres. Unha retrospectiva ilustrada, curiosa e fenomenal da historia da humanidade —da prehistoria ata o século xxi— desde o punto de vista das mulleres e as súas vidas cotiás en diferentes culturas, épocas e circunstancias. Moitos destes importantes datos non figuran na maior parte dos libros de historia! Un abreboca a redescubrir con rigor cosas que pensabas que sabías.

E por se pensades que non hai máis sobre esta temática, botade unha ollada á selección sobre igualdade de onte.

8 de Marzo Pola Igualdade

Segue o taboeiro Día da Muller: Pola igualdade dos xéneros de IES Fernando en Pinterest.

Un 8 de marzo de 1857, un grupo de obreiras téxtiles tomou a decisión de saír ás rúas de Nova York a protestar polas míseras condicións nas que traballaban.

Distintos movementos sucedéronse a partir desa data. O 5 de marzo de 1908, Nova York foi escenario de novo dunha folga polémica para aqueles tempos. Un grupo de mulleres reclamaba a igualdade salarial, a diminución da xornada laboral a 10 horas e un tempo para poder dar de mamar aos seus fillos. Durante esa folga, pereceron máis dun centenar de mulleres queimadas nunha fábrica de Sirtwoot Cotton, nun incendio que se atribuíu ao dono da fábrica como resposta á folga.

En 1910, durante a Segunda Conferencia Internacional de Mulleres Traballadoras celebrada en Copenhague (Dinamarca) máis de 100 mulleres aprobaron declarar o 8 de marzo como Día Internacional da Muller Traballadora.

Actualmente, celébrase como o Día Internacional da Muller, e por iso vos traemos unha mostra de obras sobre o tema que están á vosa disposición na biblioteca. se precisades máis información aquí tedes unha listaxe de recursos e web se interese.

Situaciones de aprendizaje en el portal del INTEF

• Feminismo es Igualdad
• Netiqueta por la Igualdad
• Olvidadas y pioneras

Para saber máis:

• Naciones Unidas
• Día Internacional de la Mujer
• ONU Mujeres
• Promoción da igualdade.

Gañadores do concurso "E logo ti de quen ves sendo?" 3º ed.

Moitas grazas a todos os participantes.

Novidades: Preparándonos para as Letras Galegas 2026 con Begoña Caamaño

 

Os fíos de Begoña

Begoña ou o pracer da amizade

Día de Rosalía

 

Cada 23 de febreiro conmemórase o Día de Rosalía. Este curso, nós rendémoslle unha pequena homenaxe a través do concurso "O Rosco de Rosalía", un pasapalabra relacionado coa vida e obra da autora. Tedes ata o 18 de marzo para entregar as vosas respostas na biblioteca. Animádevos a participar!

Científica Galega do Ano 2026

A oceanógrafa Aida Fernández Ríos foi nomeada Científica Galega do Ano 2026 pola Real Academia Galega. Trátase da primeira muller que dirixiu o Instituto de Investigacións Mariñas. Especializada nos cambios físico-químicos dos océanos e a súa relación co clima, participou en 30 campañas oceanográficas por todo o mundo, cinco delas como xefa científica. Ademais, formou parte dun programa internacional que contribuíu á primeira avaliación global de dióxido de carbono oceánico causado pola actividade humana, que evidenciou o problema da acidificación dos océanos. En 2015 ingresou como académica numeraria.

Día da Muller e da Nena na Ciencia

O 11 de febreiro conmemórase o Día da Muller e da Nena na Ciencia, que visibiliza o traballo das mulleres que se dedican ás áreas STEM, creando así referentes femininos para a infancia. É por iso que hoxe compartimos con vós esta noticia publicada no xornal gCiencia, onde se dan a coñecer dez científicas galegas de gran relevancia.

Julio Verne, o escritor que predixo o futuro

O 8 de febreiro cumpríronse 198 anos do nacemento de Julio Verne, un autor visionario que imaxinou tecnoloxías que no seu momento parecían imposibles pero que hoxe en día son realidade e forman parte da vida cotiá. As súas novelas non só marcaron un fito na literatura de aventuras, senón que combinaban ciencia, curiosidades e creatividade para imaxinar mundos imposibles.

En 1970, Verne creou o Nautilus, un submarino eléctrico autónomo que funcionaba grazas a baterías recargables. Hoxe, submarinos modernos usan principios similares. Ademais, escribiu sobre un foguete tripulado capaz de chegar á Lúa e regresar á Terra 104 anos antes de que este feito tivera lugar. Para isto, Julio Verne era meticuloso coa ciencia: consultaba bibliotecas, científicos e revistas da súa época para que todo tivera lóxica. 

As súas historias inspiraron a inventores e científicos reais. Anímate a ler algunha das súas obras!

Gañadores concurso DENVP

 

A clasificación do concurso do Día Escolar da Non Violencia e a Paz son:

• Primeiro premio: Estela Merlán e Antía Suárez de 2º ESO
• Segundo premio:Julio Anidos e Nelson Bonome de 2º BAC
• Terceiro premio: Saúl Vázquez e Sergio Martínez de 3º ESO

Moitas grazas ao resto de participantes que tamén levarán un agasallo.

Día Escolar da Non Violencia e a Paz

O Día Escolar da Non-violencia e a Paz (DENVP) foi declarado por primeira vez en 1964. Xorde dunha iniciativa pionera, non gobernamental, independente, e voluntaria de Educación Non-violenta e Pacificadora do profesor español Llorenç Vidal. O seu obxectivo é a educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz. Neste día, os colexios e centros convértense en instrumentos de paz e entendemento entre persoas de distinta formación, raza, cultura e relixión.

A mensaxe básica deste día é: "Amor universal, Non-violencia e Paz. O Amor universal é mellor que o egoísmo, a Non-violencia é mellor que a violencia e a Paz é mellor que a guerra"

O día 30 de Xaneiro conmemórase ademais a morte do líder nacional e espiritual da India, o Mahatma Gandhi, o 30 de Xaneiro de 1948, asasinado a tiros por un fanático hinduista.

Ademais de achegarvos unha mostra do noso catálogo, vos propoñemos un concurso no que teredes que casar as citas marcadas cos persoeiros que as mencionaron; na busca seguro que meditaredes sobre as frases e a vixencia delas na actualidade, e de paso intentamos profundizar nas biografías dos escollidos, o que fixeron para ser merecedores da mención honorífica, se a tiveron ou os que non e por qué.

Por último, deixade vos o voso lema respecto a esta data.

Día Escolar da Non Violencia e a Paz na galería

Día da Ilustración 2026

 

Como cada 30 de xaneiro, hoxe celébrase o Día da Ilustración. Este ano, o artista homenaxeado é Siro, caricaturista, debuxante, pintor, xornalista e escritor nado en Ferrol en 1943.

Ademais de álbums de debuxos, caricatura e humor, Siro ilustrou cartelería e libros de diversos autores/as e editoriais e, ao longo da súa carreira, tamén traballou nunha serie de proxectos máis aló do debuxo. Así, xunto a Xaquín Marín, impulsou o Museo do Humor de Fene, inaugurado en 1984; escribiu guións e dirixiu programas de radio e televisión: Imos aló?, pioneiro por ser o primeiro curso de galego emitido na TVG (1989 e 1990) e Corre Carmela que chove, que se mantivo 21 anos en antena facendo terturlia de actualidade en clave de humor. En 1990 deseñou a Praza do Humor (A Coruña). 

Tal día coma hoxe...os Beatles deron o seu último concerto

Á primeira hora da tarde do 30 de xaneiro de 1969, os transeúntes de Savile Row, en Londres, presenciaron un momento histórico: na azotea da sede de Apple Corps, os Beatles ofreceron o que sería o seu último concerto xuntos.

O concerto de 42 minutos, interrompido pola intervención policial, incluíu interpretacións de "One After 909", "Dig a Pony" e "I've Got a Feeling", que se incluíu no último álbum da banda, Let It Be (lanzado en maio de 1970, aproximadamente un mes despois de que se confirmase a separación dos Beatles). A improvisación na azotea tamén incluíu varias versións de "Get Back" e "Don't Let Me Down", ademais dunha improvisación de "God Save the Queen".

Con todo, este momento icónico na historia dos Beatles estivo a piques de non ocorrer. A principios dese mes, o 2 de xaneiro, Paul McCartney, John Lennon, George Harrison e Ringo Starr reuníronse nos estudos de cinema de Twickenham para compoñer cancións para un especial de televisión de finais de xaneiro. Desde o seu último concerto oficial en agosto de 1966, os Beatles envorcáronse con forza na experimentación en estudo e querían producir algo máis cru que os seus últimos álbums. Un equipo de filmación estaba en Twickenham documentando o inminente regreso da banda aos escenarios para o especial de televisión, pero ninguén estaba seguro de onde sería ese escenario: o London Palladium, as pirámides de Giza, un cruceiro e un anfiteatro libio eran algúns dos candidatos.

Os plans para un espectáculo extravagante frustráronse, pero a banda seguía querendo actuar. Finalmente optaron por unha actuación improvisada na azotea. A multitude congregouse na rúa. As queixas dos veciños polo ruído levaron á policía para forzar a finalización do concerto; ameazouse con arrestos, pero non se presentaron cargos.

A pintura rupestre máis antiga do mundo

Nunha cova de pedra calcaria da illa de Muna, en Indonesia, un grupo de arqueólogos encontrou a silueta dunha man pintada en negativo que ten, polo menos, 67800 anos de antigüidade. Este novo descubrimento non só adianta a orixe coñecida ata agora da arte rupestre, senón que a despraza xeograficamente desde Europa ata o sudeste asiático. Os responsables do descubrimento recoñecen que non poden saber con toda seguridade quen pintou a man de Muna, pero din que a explicación máis probable é que fosen Homo sapiens.

Toda a información aquí.

Calendario Científico Escolar 2026

 

Xa está á vosa disposición na columna da esquerda ou premendo neste enlace.

Plataforma E-LB2 formación para as familias

A plataforma E-LBE.2 ofrece a posibilidade de lectura a través de préstamos dixitais. O día 10 de marzo haberá unha formación online destinada ás familias para que poidan aprender como utilizar esta ferramenta conxuntamente co alumnado.

Quen queira participar só ten que clicar sobre o enlace de acceso ao formulario e conectarse o día da formación seguindo as instrucións que lle cheguen ao correo.

Podedes escoitar a charla conxuntamente familias e alumnado, posto que o préstamo de libros de lectura persoal está a disposición tanto para vós como para elas. Só teriades que pedir os códigos de acceso en biblioteca.

Formación E-LBE.2 para docentes

A plataforma E-LBE.2 ofrece a posibilidade de préstamo dixital para os usuarios da biblioteca escolar. Se queredes asistir a algunha destas formacións para docentes, só tedes que cubrir o seguinte formulario de solicitude.

Teatro afeccionado no Concello de Neda

 

Novidade: Castelao integral

Demo Editorial lanza en novembro o volume Castelao, integral. A obra compila vos catro títulos dá serie que realizaron Inacio Vilariño e Iván Suárez co rianxeiro como protagonista. Ou lanzamento, que quere sumarse ás conmemoracións polo 75 aniversario do pasamento do galeguista, conta con 248 páxinas en branco e negro.

Preparándonos para a Paz:

Neste tempo convulso que nos tocou vivir, debemos pensar en que todos temos dereito á paz, por iso vos recomendamos esta obra de Alice Hoffman: Vuelo hacia la libertad.

Coa ocupación nazi dos Países Baixos, a vida da familia Frank da un xiro. Os prexuizos, as perdas e o terror abundan, e Ana vese obrigada a ser testemuña de como a xente corriente convértese en monstruos, e como os nenos e as familias quedan atrapados nunha marea de violencia. En medio dun perigo imposible, Ana, audaz, creativa e valiente, descobre quen é ela realmente, e cunha sabiduría moi superior á súa idade, convertirase nunha escritora que cambiará o mundo tal como o coñecemos.

Tal día coma hoxe... Agatha Christie

 

Este luns 12 de xaneiro cumpríronse 50 anos da morte de Agatha Christie e a súa figura volveu a primeiro plano: a autora británica mantívose como unha das máis lidas do planeta, con máis de 2.000 millóns de exemplares vendidos.

A escritora inglesa admiraba ao pai Brown, saído da pluma de Chesterton, que ten en común co seu detective Hércules Poirot a empatía non só cara ás vítimas, senón tamén cara aos criminais. O medio século transcorrido desde a morte de Agatha Christie o 12 de xaneiro de 1976 non embazou a súa fama, acrecentada polas adaptacións cinematográficas e televisivas. Tras os seus primeiros éxitos literarios, a novelista foi convidada a formar parte do Detection Club, fundado en 1930 por Gilbert Keith Chesterton, e ela mesma presidiu desde 1957 este selecto club de autores de novelas policiacas. Curiosamente, os dous viviron na mesma rúa londiniense, Sheffield Terrace, no barrio de Kensington; un durante os primeiros anos da súa infancia, e a outra en plena madurez creativa, na década de 1930.

Para honrala poñemos á vosa disposición o noso catálogo de obras da autora mítica.

O calendario do Libro e da Lectura do 2026 homenaxea a Otero Pedrayo e José Suárez

A Lei do libro e da lectura de Galicia establece a elaboración deste calendario para fomentar a lectura e a normalización da presenza do libro en todos os sectores da sociedade. Trátase dunha ferramenta fundamental para a dinamización cultural e para difundir figuras senlleiras e datas claves da nosa cultura.

En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López.

Neste ano 2026 destaca a conmemoración do Ano Oteriano, tras a declaración oficial do Parlamento de Galicia co gallo de cumprirse o cincuenta aniversario do pasamento desta figura esencial das letras, o pensamento e identidade galega contemporánea, así como tamén o centenario da publicación de Guía de Galicia, unha das súas grandes obras. Desde a Consellería de Cultura, Lingua e Xuventude vaise tirar proveito deste acontecemento como nexo de unión a prol da nosa cultura e lingua cunha extensa programación enfocada desde moi diversos ámbitos. ....seguir lendo.

Comezamos o novo ano...tal día como hoxe Marco Polo falecía Marco Polo en 1324.

Marco Polo partiu de Venecia cara a Asia no século XIII. Atravesou Persia, Mongolia e China, e acabou converténdose en emisario do mismísimo Kublai Kan. Pero Marco Polo non só viaxou: tamén o contou. As súas descricións sobre Pequín, o Gran Kan e as riquezas de Oriente cambiaron para sempre a mentalidade dos europeos. Con todo, a súa fama vai acompañada da polémica: dixo sempre a verdade? Para moitos, é o gran explorador da Idade Media. Para outros, un gran fabulador.... se queres descubrir algo máis deste personaxe consulta no noso catálogo.