Uns peliqueiros moi artísticos

A proposta do EDLG, o alumnado de 1º e de 3º da ESO realizou, guiado polo seu profesor de Educación Plástica, estas fantásticas carautas de peliqueiro que vedes na presentación e que temos expostas no instituto.

O peliqueiro é un personaxe do Entroido galego propio de Laza e Verín que se caracteriza por levar un traxe artesanal, moi vistoso e elaborado, do cal destaca a máscara, que se prolonga na parte superior nunha especie de mitra de lata adornada con símbolos animais ou astrais, e remata na parte posterior nunha pelella de gato ou coello (a pelica). Este personaxe paséase polas rúas da vila facendo ruído coas chocas que lle penduran do cinto e en actitude ameazante cun látego na man. O seu disfrace considérase o máis antigo dos que conservamos no Entroido galego.

Conmemoración do Día de Rosalía a través da Bioloxía

Para conmemorar o Día de Rosalía, e utilizando como inspiración o libro O herbario de Rosalía (do que temos exemplares na nosa biblioteca), o alumnado de Bioloxía de 1º de Bacharelato fixo este proxecto no que, a partir dos versos da autora, estudou as características biolóxicas de distintas especies de plantas. Temos a exposición dos carteis no corredor da planta baixa do instituto e tamén volos deixamos aquí. Parabéns ao alumnado polo seu traballo!

No Día de Rosalía

Ler en papel e escribir a man... O ensino tradicional funciona

Estudos recentes indican que ler en papel e escribir a man axudan non só a mellorar a comprensión, senón tamén a estimular un procesamento máis profundo da información. 

Convidámosvos a reflexionar sobre esta nova.

Saga Empíreo

"Un dragón sen o seu xinete é unha traxedia. Un xinete sen o seu dragón está morto." Con esta frase arrincaba Ás de sangue, a primeira entrega da serie Empíreo, de Rebecca Yarros, que conquistou corazóns e andeis, consolidándose como o maior fenómeno literario xuvenil desde Harry Potter. Desde que Ás de Sangue irrompeu en 2023, a saga ha pulverizado récords. Cunha gran produción audiovisual en marcha da man de Amazon Prime e a multipremiada directora Moira Walley-Beckett, o seu éxito segue crecendo sen freo.

Agora, xa temos Ás de ónix, a esperadísima terceira entrega da saga Empíreo. Se aínda non che sumaches a esta aventura de xinetas e dragones, traémosche a guía de lectura definitiva para ler as novelas da saga Empíreo na orde correcta. Prepárache para alzar o voo!

Descubre a web da autora.

Novidades: Xirarei!

 

Xirarei! é un percorrido único por Galicia que mestura humor, tenrura e unha fonda admiración pola cultura galega. A través dun itinerario que abrangue os recunchos máis fermosos e emblemáticos da terra, o autor fainos partícipes dunha viaxe onde cada páxina é unha homenaxe ao noso patrimonio cultural. 

O lector poderá gozar de anécdotas cotiás con moita chispa ao tempo que descobre lugares máxicos, tradicións ancestrais e personaxes entrañables. Pablo Carreiro celebra unha oda á identidade galega relatada con agarimo e retranca e ofrece unha experiencia que deixará unha pegada fonda no corazón de quen a lea.

Novidades: Los ojos de Mona

Cincuenta e dúas semanas: ese é o tempo que lle queda a Mona, unha nena de dez anos, para atesourar toda a beleza do mundo. É o lapso que o seu erudito e orixinal avó se permitiu para descubrirlle, cada mércores despois do colexio, unha obra de arte antes de que quede cega. Así, dispóñense a visitar xuntos os tres grandes museos parisienses: Louvre, Orsay e Beaubourg (Centro Pompidou), e a mergullarse en cadros e esculturas coa fin de que a súa propia beleza e o seu sentido filosófico permeen e se inscriban para sempre no máis fondo de Mona. Mirando a través dos ollos de Botticelli, Vermeer, Goya, Frida Kahlo ou Basquiat, a pequena aprenderá sobre a xenerosidade, a dúbida, a melancolía, a autonomía ou a indignación, e irá incorporando a súa poderosa aprendizaxe no seu día a día.

Xa na biblioteca!

Tal día coma hoxe: Gustavo Adolfo Bécquer

A vida e a obra do poeta sevillano Gustavo Adolfo Bécquer é unha viaxe chea de luces e sombras que empezou un 17 de febreiro de 1836, unha vida breve que se vería truncada pola morte do seu irmán Valeriano, en 1870, que marcaría o final da súa propia existencia.

A Gustavo Adolfo invadiulle tras ese tráxico acontecemento unha escuridade e unha amargura que fixeron a súa de existencia algo insoportable. As súas últimas palabras foron: "Todo mortal", e o seu último desexo, expresado ao seu mais íntimo amigo, foi que queimasen todas as súas cartas e publicasen os seus poemas.

Seguir lendo no National Geographic; Un poeta romántico de lenda
Podes ler as súas RImas e Lendas na web do Cervantes Virtual.
Consulta no noso catálogo.

Premios do I concurso de memes polo Día de Castelao

Este venres fixemos a entrega de premios aos/ás alumnos/as gañadores/as do I Concurso de memes polo Día de Castelao. Aos membros do xurado costounos bastante decidir, xa que tiñamos moitos traballos de gran enxeño e creatividade.

Moitos parabéns a Marta, Nerea, Kevin, Santi e Christian! E, por suposto, moitas grazas a todos/as os/as participantes!

Como dicir amor en máis de 100 linguas do mundo

 

Sempre é bo momento para pronunciar estas palabras, pero por se queres probar noutras visita  Persaflores e sempre acompáñaas con boas lecturas:

11 febreiro: Día de Internet Segura 2025

O  é unha efeméride impulsada desde 2004 pola Comisión Europea para promover un uso seguro e responsable das tecnoloxías dixitais, especialmente entre menores e mocidade. Na actualidade celébrase en 180 países.

A mellor maneira de fomentar un uso seguro de internet é mediante a formación e a concienciación, como as que podes atopar en ciberseguridadegalicia.gal

Xunto con novas de interese sobre ciberseguridade e protección de datos persoais, neste portal web podes atopar os seguintes recursos sobre estas temáticas:

• Infografías 
• Vídeo-pílulas
• Pílulas 
• Contidos de divulgación e concienciación que aparecen na Televisión de Galicia

Outras referencias en España con recursos nestas mesmas materias son as seguintes: - OSI (Oficina de Seguridade do Internauta) - AEPD (Axencia Española de Protección de Datos) Ademais, o teléfono gratuíto do Incibe, o 017 está dispoñible todos os días do ano de 8:00 a 23:00 para proporcionar atención e axuda nos temas relacionados coa seguridade na vida dixital persoal. *Importante: se necesitas axuda coa ciberseguridade no teu posto de traballo, debes seguir as canles corporativas establecidas. Lembra que podes atopar máis información e consellos sobre ciberseguridade e protección de datos no portal ciberseguridadegalicia.gal

Novidades en portugués

 

Como veríades, a biblioteca está en expansión espacial pero temén en contidos: 

temos novidades nos fondos de portugués, 

así que non deixedes de botarlle unha ollada aos novas adquisicións 

pois seguro que entenderedes os textos sobre todo porque van acompañados 

dunhas ilustracións fantásticas!!!

Nova aventura de Percy Jackson: A Deusa das tres cabezas

Xa a tedes na biblioteca!!

Guinness World Records 2025 xa na nosa biblioteca

Domingo Villar

Unha figura de bronce lembra dende o pasado 29 a Domingo Villar na Alameda de Vigo unha das voces máis queridas da nosa literatura. A escultura, obra de Pedro Dobao, convida a sentar a carón do escritor e a compartir con el ese Vigo literario que soubo retratar coma ninguén.

Domingo Villar (Vigo, 1971 – 2022) Coa súa primeira novela, Ollos de auga (2006) iniciou a serie protagonizada polo inspector Leo Caldas. A segunda, A praia dos afogados (2009), supuxo a súa consagración no panorama internacional da novela negra con traducións en todo o mundo. Coas súas obras obtivo o Premio Frei Martín Sarmiento, o Premio Losada Diéguez e o do Libro do Ano da Federación de Libreiros de Galicia, ademais dos premios Sintagma e Brigada 21. Foi finalista dos Crime Thriller Awards e Dagger International en Reino Unido, do Premio Le Point du Polar Européen en Francia e do Premio da Academia Sueca de Novela Negra. En 2019 publicou O último barco. En 2021, viu a luz Algúns contos completos, un canto á amizade e reunións con amigos, fermosamente acompañado polos linogravados do artista Carlos Baonza. O libro Síbaris, foi unha obra de teatro publicada de maneira póstuma, en 2023, e levada aos escenarios por Lois Blanco, cun elenco formado por Carlos Blanco, Belén Constenla, Oswaldo Digón e Pablo Novóa.

Como vedes, todas as súas obras están na nosa biblioteca, e para mostrar o noso pesar polo seu pasamento fixemos un roteiro polo escenarios da súa última obra O último barco có club de lectura de adultos.