xoves, 19 de novembro de 2026

DEP Xosé Luís Méndez Ferrín

Hoxe despedimos a un dos grandes da nosa literatura: Xosé Luís Méndez Ferrín. Creador extraordinario e peza fundamental das letras galegas, deixa un legado literario vasto e vangardista que marca un antes e un despois. Alén da súa faceta creativa, destacou como un pensador dunha firmeza política insubornable e posuidor dunha ollada crítica tan sólida como coherente. 

Dispoñedes de moitos exemplares da súa obra na nosa biblioteca 

mércores, 4 de novembro de 2026

Novembro, Mes da Ciencia en Galego nas Bibliotecas

Novembro é o mes da ciencia en galego nas bibliotecas. Para celebralo, témosvos preparados unha serie de retos científicos. Seredes quen de resolvelos? Vide á biblioteca no primeiro recreo do xoves 12 e do xoves 19 de novembro e descubrirédelo. Agardámosvos!

martes, 3 de novembro de 2026

Premio Raíña Lupa 2026

O escritor eumés Antonio Manuel Fraga, quen visitou a nosa biblioteca o curso pasado, gaña o Premio Raíña Lupa de Literatura Infantil e Xuvenil 2026 na categoría Xuvenil coa obra Canguros de Marcoy. O xurado destacou a capacidade desta obra para achegar aos lectores “unha realidade pouco coñecida a través dunha viaxe de autocoñecemento entre amigos en Costa do Marfil”, subliñando ademais “a presenza dá música como fío condutor entre ou pasado, ou presente e ou futuro dous seus personaxes”.

Moitos parabéns!

luns, 2 de novembro de 2026

I Concurso de viñetas contra a violencia de xénero

Desde a Biblioteca lanzamos o I Concurso de viñetas contra a violencia de xénero, co obxectivo de empregar a viñeta ou tira de viñetas para reflexionar, concienciar, visibilizar e denunciar diferentes situacións de violencia que viven as mulleres. Tedes as bases de participación aquí. Animádevos a participar! Erradicar a violencia de xénero é cousa de tod@s.