III Concurso de microrrelatos de Samaín

Un curso máis, a Biblioteca e o EDLG convocamos o concurso de microrrelatos de Samaín. Tedes as bases de participación neste enlace.

Agardamos con ansia os vosos arrepiantes relatos. Haberá premios para as mellores historias terroríficas!

Julio Llamazares, Premio Nacional de Narrativa 2026

O escritor leonés Julio Llamazares foi galardoado co Premio Nacional de Narrativa 2026 pola súa obra El viaje de mi padre, unha novela que invita a reflexionar sobre o paso do tempo e os vínculos xeracionais. Nela, o autor refixo os pasos que tivo que dar o seu pai durante a Guerra Civil, participando nalgunhas das peores batallas, como a de Teruel e a de Levante. En palabras do propio escritor, trátase dunha "homenaxe a todos aqueles rapaces que perderona vida, a xuventude e a inocencia nun momento tráxico da historia".

Pasaporte cultural

Este curso traemos unha novidade que esperamos que vos guste: o pasaporte cultural. Trátase dun documento persoal que serve para rexistrar a vosa participación en diversas actividades culturais ao longo do curso, tanto dentro como fóra do IES: visita a museos, recensións de películas, booktrailers, participación en concursos e actividades do centro, etc. É válido para a ESO e o Bacharelato. Aqueles alumnos/as que completedes o pasaporte, recibiredes un premio a final de curso. 

Poderedes adquirir o pasaporte entre o 1 e o 15 de outubro. Animádevos a participar!!

Aquí tedes explicado en detalle como funciona o pasaporte.

Deixámosvos a continuación as actividades pasaportables do primeiro trimestre (outubro, novembro e decembro):

• Participación como voluntario/a da Biblioteca Escolar (un selo por cada trimestre de participación).
• Participación como membro dalgún club de lectura ou do obradoiro de papiroflexia (un selo por cada trimestre de participación).
• Participación nalgún dos talleres de Polos Creativos que se fan nos recreos (un selo por cada trimestre de participación).
• Participación no coro do instituto (un selo por cada trimestre de participación).
• Visita a calquera exposición da fundación Abanca. Xustificante: foto/selfie na exposición e breve comentario persoal sobre o que che pareceu. Entrega da foto/selfie e comentario no correo: biblioteca.ies.fernando.esquio@edu.xunta.gal
• Participación no concurso de microrrelatos de Samaín. Xustificante: entrega do microrrelato na Biblioteca. Busca a Alba para o teu selo.
• Participación no concurso de carteis contra a violencia de xénero polo 25 N. Xustificante: entrega do cartel na Biblioteca. Busca a Alba para o teu selo.
• Participación na campaña solidaria de recollida de alimentos. Xustificante: entrega dos alimentos a Alba.
• Asistencia a calquera evento cultural, como unha representación teatral, un musical, etc., (por exemplo, na Casa da Cultura de Neda, no Padroado da cultura de Narón ou no Auditorio de Ferrol). Xustificante: entrada e foto/selfie na actividade. Entrega dunha foto da entrada e da foto/selfie no correo: biblioteca.ies.fernando.esquio@edu.xunta.gal
• Asistencia a un museo (por exemplo, o Museo de Historia Natural de Ferrol, o Museo da Construción Naval de Ferrol, a Casa das Ciencias da Coruña, etc.). A visita non pode formar parte dunha actividade organizada polo IES Fernando Esquío. Debes visitalo pola túa conta, no teu tempo libre. Xustificante: entrada e foto/selfie na actividade. Entrega dunha foto da entrada e da foto/selfie no correo: biblioteca.ies.fernando.esquio@edu.xunta.gal
• Redacción dunha crónica dalgunha das saídas feitas co instituto, para incluíla na revista escolar. Xustificante: entrega da crónica no correo: biblioteca.ies.fernando.esquio@edu.xunta.gal
• Booktrailer dun libro da túa elección. O libro non pode ser unha das lecturas obrigatorias do curso. Si pode ser un libro dos clubs de lectura. Xustificante: entrega do booktrailer no correo: biblioteca.ies.fernando.esquio@edu.xunta.gal
• Vídeo-recensión dalgunha das seguintes películas (hainas na biblioteca) . Xustificante: entrega da vídeo-recensión no correo: biblioteca.ies.fernando.esquio@edu.xunta.gal:
• Figuras ocultas (todos os niveis)
• Ágora (todos os niveis)
• El médico (todos os niveis)
• Resolviendo el enigma (todos os niveis)
• Gattaca (a partir de 4º ESO)

Hoxe cumpre anos Mafalda

Un día coma hoxe, en 1964, Quino comezou a publicar a tira de Mafalda na revista Primera Plana. A obra de Quino inmortalizou a unha nena famosa polas súas preguntas sobre a paz, a política e a humanidade, sempre cargadas de ironía. A día de hoxe, a voz desa nena segue tan vixente coma o primeiro día.

Parabéns, Madalda!

Hoxe recordamos a Carlos Ruiz Zafón

No aniversario do seu nacemento, queremos recordar a Carlos Ruiz Zafón, porque as súas historias seguen a ser unha das mellores portas de entrada ao pracer da lectura.

Nacido en Barcelona, Zafón comezou a súa andaina no mundo das letras coa literatura xuvenil. Con todo, o recoñecemento mundial chegoulle en 2001 coa súa primeira novela para adultos: A sombra do vento.

Hoxe, o noso querido autor tería cumprido 62 anos.

G-Night en Ferrol

Mañá celébrase en Ferrol a G-Night, a Noite Galega das Persoas Investigadoras, un evento de divulgación científica que ofrece actividades gratuítas nas que investigadores e investigadoras das universidades galegas e dos diferentes organismos de investigación participantes achegarán o seu traballo á cidadanía. En concreto, en Ferrol este será o programa de actividades.

Tedes toda a información sobre a G-Night aquí.

Ciclo de cinema documental na Casa da Cultura de Neda

No marco do ciclo municipal de cinema documental, este venres día 25 a partir das 20:30 horas, proxectarase na Casa da Cultura de Neda “Salvaxe, salvaxe”. Trátase dun ensaio cinematográfico que percorre as “terras do lobo” de Galicia e Portugal para explorar a relación entre as persoas, os animais, e a paisaxe que comparten. Este documental constrúe unha reflexión ao redor da vida salvaxe, a relación coa contorna, e o vínculo entre cultura e natureza.

A proposta, que atesoura numerosos recoñecementos, forma parte do “Outono das artes”, impulsado pola Deputación da Coruña, e inclúe un coloquio ao rematar a proxección coa participación do director da película. A entrada é de balde.

Toda a información aquí.

Buscamos voluntari@s para a biblioteca

 

Estamos buscando alumnado voluntario para ser axudante na nosa biblioteca.

Que farás se te apuntas?:

- Participar na montaxe de exposicións.

- Axudar a coidar e a manter a orde dos libros nos andeis das estanterías.

- Recomendar libros a outros alumnos/as.

- Participar na dinamización da biblioteca.

Anímate e axúdanos!