Os libros máis populares ambientados en cada país do mundo nun singular mapa

Non é sinxelo determinar que obxectos culturais gozan de maior apreciación entre o público dun país. Debemos limitarnos ás vendas, incluír a recepción crítica, falar do seu impacto popular ao longo do tempo? Internet ofrece algúns atallos antes inexistentes. Plataformas como Letterboxd, Rate Your Music, Goodreads ou IMDB permiten a miles e miles de usuarios puntuar as súas obras favoritas (e aquelas que non o son tanto), xerando unha sorte de ranking de preferencias. Tales listaxes serven como proxy para entender a ascendencia de determinadas películas, libros ou discos.

É o que fixo NetCredit, unha empresa financeira estadounidense, nestes estupendos gráficos que repasan os libros máis populares ambientados en cada país do mundo. É dicir, aqueles que pasaron á memoria popular consagrados a un lugar xeográfico concreto. Para determinalo valéronse de Goodreads, unha aplicación onde miles de persoas catalogan os libros que leron e puntúanos. En función desa puntuación e do número de votos, NetCredit xerou estes mapas.

Así en España o máis aclamado foi La sombra del viento de Ruíz Zafón, en Rusia Crimen e Castigo de Dostoievsky ou no Reino Unido Orgullo e Prexuizo de Jane Austen...

No mapa entrecrúzanse libros que poderían representar o paradigma emocional e literario de cada país e outros que simplemente son de extraordinaria popularidade máis aló da orixe do autor. Tamén os hai simplemente moi lidos e apreciados á marxe de autor e mesmo vinculación xeográfica. En Grecia, o libro que máis brilla segundo Goodreads é 20.000 leguas de viaxe submarina, aínda que a acción transcorra noutros puntos do planeta

Seguir lendo en Magnet.Xataka.